spot_img
Homeຂ່າວການສຶກສາວິທະຍາໄລ ລາວ-ຝຣັ່ງ ຮ່ວມມືທາງດ້ານວິຊາການ

ວິທະຍາໄລ ລາວ-ຝຣັ່ງ ຮ່ວມມືທາງດ້ານວິຊາການ

Published on

ວິທະຍາໄລ ລາວ-ຝຣັ່ງ ຮ່ວມມືທາງດ້ານວິຊາການ

 

ພິທີເຊັນສັນຍາການຮ່ວມມືທາງດ້ານວິຊາການ ລະຫວ່າງກຸ່ມການສຶກສາແສງສະຫວັນ ປະເທດລາວ ແລະ ມະຫາວິທະຍາໄລຊຸກ
ເດີໂກນ ມົງປາຮີເຢ ປະເທດຝຣັ່ງ ໄດ້ຈັດຂຶ້ນໃນວັນທີ 5 ມີນາ 2013 ນີ້ ຢູ່ທີ່ໂຮງແຮມເສດຖາພາເລດ ການເຊັນສັນຍາຄັ້ງນີ້ມີ
ຂຶ້ນລະຫວ່າງທ່ານ ຄຳແສນ ສີສະວົງ ປະທານກຸ່ມການສຶກສາແສງສະຫວັນ ແລະ ທ່ານ ດຣ. ໂອລີເວ ກິໂອໂຕ ອຳນວຍການ
ຮັບຜິດຊອບຫຼັກສູດປະລິນຍາໂທ ມະຫາວິທະຍາໄລຊຸກເດີໂກນ ມົງປາຮີເຢ ໂດຍເປັນກຽດເຂົ້າຮ່ວມເປັນສັກຂີພິຍານຂອງທ່ານ
ຄຳສະຫວັນ ໂຄດໄຊ ຮອງຫົວໜ້າພະແນກສຶກສານະຄອນຫຼວງວຽງຈັນ ທ່ານ Yves Carmona ເອກອັກຄະລັດຖະທູດຝຣັ່ງ
ປະຈຳ ສປປ ລາວ ພ້ອມດ້ວຍບັນດາແຂກ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ການເຊັນສັນຍາຄັ້ງນີ້ ກຸ່ມການສຶກສາແສງສະຫວັນ ແລະ ມະຫາວິທະຍາໄລຊຸກເດີໂກນ ມົງປາຮີເຢ ໄດ້ຮ່ວມມືກັນທາງດ້ານວິຊາ
ການ ໂດຍທີ່ກຸ່ມການສຶກສາແສງສະຫວັນ ໄດ້ເປັນຕົວແທນຮັບນັກສຶກສາ ແລະ ກຽມພາສາຝຣັ່ງ ໄປຮຽນຕໍ່ທີ່ມະຫາວິທະຍາໄລ
ຊຸກເດີໂກນ ມົງປາຮີເຢ ທີ່ປະເທດຝຣັ່ງ ເຊິ່ງເປັນໂຮງຮຽນທາງດ້ານການຄ້າ ການທີ່ມາຮ່ວມກັບວິທະຍາໄລແສງສະຫວັນຄັ້ງນີ້
ແມ່ນເພື່ອຮັບນັກສຶກສາລາວໄປຮຽນຕໍ່ຢູ່ປະເທດຝຣັ່ງ ເພື່ອຈະໄດ້ຮັບໃບປະກາສະນິຍະບັດລະດັບສາກົນ ເພື່ອເປັນການຍົກລະດັບ
ການສຶກສາໃຫ້ເທົ່າທຽມກັບສາກົນ ໃນປັດຈຸບັນ ນັກຮຽນລາວຕ້ອງການໄປຮຽນຕໍ່ຕ່າງປະເທດ ແຕ່ບໍ່ຮູ້ຈະໄປຮຽນຢູ່ໃສ ດັ່ງນັ້ນ
ທັງສອງວິທະຍາໄລຈິ່ງໄດ້ຮ່ວມກັນ ເພື່ອອຳນວຍຄວາມສະດວກໃຫ້ນັກສຶກສາລາວ ໄດ້ໄປຮຽນຢູ່ມະຫາວິທະຍາໄລຊຸກເດີໂກນ ມີ
ທັງຊັ້ນກາງ ຊັ້ນສູງ ປະລິນຍາຕີ ປະລິນຍາໂທ ແລະ ການພັດທະນາພະນັກງານທາງດ້ານການຄ້າ ແລະ ບໍລິຫານ ໝາຍຄວາມ
ວ່າຈົບຢູ່ທີ່ໂຮງຮຽນນີ້ ຈະໄດ້ໃບປະກາສະນີຍະບັດ 3 ໃບພ້ອມກັນຄື ຂອງອົດສະຕຣາລີໃບໜຶ່ງ ຂອງມະຫາວິທະຍາໄລຝຣັ່ງໃບ
ໜຶ່ງ ແລະ ເປັນຂອງໂຮງຮຽນສະເພາະທາງດ້ານການຄ້າໃບໜຶ່ງ ເປັນໃບປະກາສະນີຍະບັດໄດ້ມາດຕະຖານສາກົນ ການໄປຮຽນ
ແມ່ນບໍ່ຈຳກັດຈຳນວນ ນັບແຕ່ວັນເຊັນສັນຍານີ້ເປັນຕົ້ນໄປ ເພາະຈະເປີດພາກຮຽນໃນເດືອນກັນຍານີ້ ການໃຊ້ຈ່າຍແມ່ນປີໜຶ່ງປະ
ມານສິບພັນເອີໂຣ ຖ້າທຽບໃສ່ປະເທດອື່ນໃນຢູໂລບແລ້ວແມ່ນບໍ່ແພງ ຮຽນເປັນພາສາຝຣັ່ງ ແລະ ອັງກິດ ຄວາມເດັ່ນຂອງນັກສຶກ
ສາປະລິນຍາຕີ ປະລິນຍາໂທ ສາມາດເຂົ້າປີທີ 1 ກໍໄດ້ ເຂົ້າປີທີ 2 ກໍໄດ້ ໄປຮຽນປີທີ 3 ກໍໄດ້ ຫຼື ໄປຮຽນປີດຽວກໍໄດ້ ເພື່ອຍົກ
ລະດັບທາງດ້ານການຄ້າ ຫຼື ບໍລິຫານ.
ໂຮງຮຽນນີ້ສ້້າງຂຶ້ນໄດ້ 116 ປີ ເປັນໂຮງຮຽນທີ່ເກົ່າແກ່ ແລະ ມີຊື່ສຽງເປັນອັນດັບທີ 49 ຂອງໂລກ ມີນັກສຶກສາທີ່ມາຈາກຕ່າງ
ປະເທດຫຼາຍສົມຄວນ.
ທີ່ມາhttp://www.vientianemai.net

ບົດຄວາມຫຼ້າສຸດ

ໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ສຳລັບພໍ່ແມ່ທີ່ປະຖິ້ມເດັກ

ພໍ່ແມ່ທີ່ປະຖິ້ມເດັກ ມີໂທດຈຳຄຸກສູງສຸດ 7 ປີ ແລະ ປັບໄໝສູງສຸດ 30,000,000 ກີບ ການປະຖິ້ມລູກ ຫຼື ການປ່ອຍໃຫ້ເດັກນ້ອຍຢູ່ໂດຍບໍ່ມີການດູແລ ຈະຖືກດຳເນີນຄະດີຕາມກົດໝາຍ, ເນື່ອງຈາກເປັນການລະເມີດສິດທິເດັກ ແລະ ສ້າງອັນຕະລາຍຕໍ່ຊີວິດຂອງເດັກ....

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...