spot_img
Homeຂ່າວເຫດການສຳ​ເລັດ​ໂຄງການ​ກໍ່ສ້າງ ​ແລະ ຕົກ​ແຕ່ງ ​ສວນ​ອະນຸສາວະລີ ທ່ານ ຫນູ​ຮັກ ພູມ​ສະຫວັນ

ສຳ​ເລັດ​ໂຄງການ​ກໍ່ສ້າງ ​ແລະ ຕົກ​ແຕ່ງ ​ສວນ​ອະນຸສາວະລີ ທ່ານ ຫນູ​ຮັກ ພູມ​ສະຫວັນ

Published on

noohuk

ພິທີມອບ-ຮັບ ແລະ ເປີດການນຳໃຊ້ອະນຸສາວະລີທ່ານ ໜູຮັກ ພູມສະຫວັນ ຢູ່ແຂວງສະ ຫວັນນະເຂດ ໄດ້ຈັດຂຶ້ນຢ່າງເປັນທາງການໃນຕອນເຊົ້າວັນທີ 8 ພຶດສະພານີ້ ຢູ່ບ້ານທ່າເມືອງ ເມືອງໄກສອນ ພົມວິຫານ ແຂວງດັ່ງກ່າວ ໂດຍການໃຫ້ກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ, ຮອງປະທານປະເທດແຫ່ງ ສປປ ລາວ, ມີບັນດາທ່ານກຳມະການສູນກາງພັກ, ລັດຖະມົນຕີວ່າການ, ຊ່ວຍວ່າການ, ບັນດາຄະນະ ປະຈຳພັກແຂວງ, ບັນດາເຈົ້າເມືອງ ແລະ ເຖົ້າແກ່ແນວໂຮມ, ຜູ້ຊົງຄຸນວຸດທິພ້ອມຊາວແຂວງ ສະຫວັນນະເຂດເຂົ້າຮ່ວມຢ່າງຫລວງ ຫລາຍ.

ທ່ານ ໜູຮັກ ພູມສະຫວັນ ແມ່ນໜຶ່ງໃນບັນດາຜູ້ນຳຮຸ້ນທຳອິດຂອງການປະຕິວັດລາວທີ່ຕໍ່ ສູ້ຄຽງບ່າຄຽງໄຫລ່ຮ່ວມກັບປະທານ ໄກສອນ ພົມວິຫານ ແຕ່ຫົວທີ, ທ່ານເປັນຜູ້ນຳທີ່ປະເສີດ, ເປັນລູກຮັກຫລານແພງຂອງ ປະຊາຊົນລາວບັນ ດາເຜົ່າ, ເປັນຜູ້ນຳທີ່ມີຄວາມປີຊາສາມາດ, ສະຫລາດສ່ອງໃສ, ອຸທິດເຫື່ອແຮງ, ກຳລັງວັງຊາສະຕິປັນຍາ ຮ່ວມກັບບັນດາທ່ານຜູ້ນຳການປະຕິວັດໃນການຊີ້ນຳຂະບວນການຕໍ່ ສູ້ປົດປ່ອຍຊາດ ແລະ ສ້າງສາປະເທດຊາດ, ເປັນນັກຮັກ ຊາດທີ່ມີຄວາມສາມາດ, ອົງອາດກ້າຫານ, ມີມານະຈິດ ແລະ ອຸດົມການອັນສູງສົ່ງ, ເດັດຂາດບໍ່ຍອມຈຳນົນຕໍ່ສັດຕູໃນສະ

ຖານະການທີ່ສ່ຽງເປັນສ່ຽງຕາຍ, ຖືກຈັບກຸມຄຸມຂັງ ທ່ານກໍມີຄວາມເຊື່ອໝັ້ນຕໍ່ການນຳພາຂອງພັກ ແລະ ຕໍ່ໄຊຊະນະສຸດທ້າຍ ຂອງການປະຕິວັດ. ໂຄງການກໍ່ສ້າງ ສວນອະນຸສາວະລີຂອງເພິ່ນຢູ່ບ້ານທ່າເມືອງ ເມືອງໄກສອນ ພົມວິຫານ ເຊິ່ງມີເນື້ອ ທີ່ທັງໝົດຫລາຍກວ່າ 9 ພັນຕາແມັດ ແລະ ຈະກາຍເປັນບ່ອນສັກກາລະບູຊາເຄົາລົບນັບຖື, ບ່ອນສຶກສາຮຽນຮູ້ຂອງສະ ມາຊິກພັກ, ພະນັກ ງານ-ລັດຖະກອນ, ນັກຮຽນ-ນັກສຶກສາ ແລະ ປະຊາຊົນລາວບັນດາເຜົ່າ ແລະ ຮູ້ບຸນຄຸນຢ່າງລົ້ນເຫລືອ ຕໍ່ທ່ານ ໜູຮັກ ພູມສະຫວັນ ທີ່ເຄົາລົບຮັກຂອງພວກເຮົາ ເຊິ່ງອຳນາດການປົກຄອງ ແລະ ປະຊາຊົນແຂວງສະ ຫວັນນະ ເຂດຈະເຮັດສຸດຄວາມສາມາດໃນການເບິ່ງແຍງດູແລ, ຄຸ້ມຄອງປົກປັກຮັກສາ ແລະ ເສີມຂະ ຫຍາຍຄຸນຄ່າອະນຸສາວະລີ ແຫ່ງນີ້ໃຫ້ເກີດປະໂຫຍດດເກີດໝາກເກີດຜົນສູງສຸດຕາມຄວາມມຸ່ງຫວັງຂອງພັກ-ລັດເຮົາວາງໄວ້.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...

ໂຣກລິດຊີດວງຖາມຫາ! ເຂົ້າຫ້ອງນໍ້າພ້ອມຫຼິ້ນໂທລະສັບໄປນໍາ ສ່ຽງເປັນໂຣກລິດສີດວງ

ພຶດຕິກຳໃນແຕ່ລະມື້ຶອາດສົ່ງຜົນໃຫ້ເກີດໂຣກຕ່າງໆໄດ້.ເຊິ່ງຫຼາຍຄົນໃນຍຸກປັດຈຸບັນກຳລັງເຮັດຢູ່ຄື ການເຂົ້າຫ້ອງນໍ້າ, ນັ່ງຢູ່ຊັກໂຄກເປັນເວລາດົນ ພ້ອມກັບກັບຫຼິ້ນໂທລະສັບໄປນຳ ໂດຍບໍ່ຄຳນຶກເຖິງຄວາມສ່ຽງທີ່ຈະຕາມມາ. ສໍາລັບໂຣກລິດສີດວງທະວານໜັກ ເກີດຈາກເສັ້ນເລືອດດຳທະວານໜັກ ຫຼື ສ່ວນປາຍສຸດຂອງລໍາໄສ້ໃຫ່ຍເກີດອາການບວມ ຫຼື ຂະຫຍາຍໂຕໃຫ່ຍຂຶ້ນ ມີອາການນູນເປັນຕິ່ງອອກມາຈາກຮູທະວານ ເຮັດໃຫ້ມີອາການເຈັບ ແລະ ຂັບຖ່າຍເປັນເລືອດປະປົນອອກມາ. ນັກວິໄຈພົບວ່າການຫຼິ້ນໂທລະສັບໃນຫ້ອງນໍ້າເປັນປະຈໍາມີຄວາມສ່ຽງເປັນໂຣກລິດສີດວງທະວານ...