ເລື່ອງນີ້ເປັນຄວາມເຊື່ອຂອງຊາວກະຫລ່ຽງທີ່ໃຊ້ຊີວິດຢູ່ໃນປ່າເພາະມີຕຳນານເລົ່າຕໍ່ມາວ່າເນື່ອງຈາກຄົນສະໄໝກ່ອນຢ້າພວກພູມຜີແລະວິນຍານທີ່ບໍ່ພໍໃຈຈະສົ່ງເສືອມາຂ້າໂດຍສະເພາະເຫຍື່ອທີ່ເປັນເພດຍິງຈຶ່ງເປັນເຫດຜົນໃນການໃສ່ຫ່ວງໄວ້ໂດຍການຄິດຄົ້ນປ້ອງໂລຫະສີທອງຂະໜາດໃຫຍ່ເອົາມາໃສ່ໄວ້ຮອບຄໍຕົວເອງຈົນເຮັດໃຫ້ເກີດເປັນສັນຍະລັກຂອງຊາວກະຫລ່ຽງຄໍຍາວຕັ້ງແຕ່ນັ້ນມາອີກປະການກໍຄືສະໄໝກ່ອນຊາວກະຫລ່ຽງຈະໃສ່ເພື່ອຄວາມສວຍງາມເພື່ອສະແດງຖານະແລະຕຳແໜ່ງນອກຈາກນີ້ການໃສ່ຫ່ວງທີ່ຄໍຍັງເຊື່ອມໂຍງກັບຕຳນານເລື່ອງເລົ່າຈາກທ້ອງຖິ່ນຕ່າງໆທີ່ເລົ່າສືບຕໍ່ກັນມາເປັນເວລາຊ້ານານ
ໂດຍຊາວກະຫລ່ຽງຈະເລີ່ມໃສ່ຫ່ວງທີ່ຄໍຕັ້ງແຕ່ອາຍຸ 5 ປີໂດຍທຸກ2-3ເດືອນຈະມີການເພີ່ມຫ່ວງທີ່ຄໍເທື່ອລະຫ່ວງກ່ອນຈະເຕີບໂຕເປັນຜູ້ໃຫຍ່ເດັກໆຊາວກະຫລ່ຽງຕ້ອງແບກຮັບນ້ຳໜັກຫ່ວງໂລຫະຢູ່ຄໍປະມານ 13 ກິໂລກຣາມນັ້ນຖືວ່າໜັກຫລາຍເກີນທີ່ເດັກນ້ອຍຈະຕ້ອງມາແບກຫຍັງເອົາໄວ້ຢູ່ຕະຫລອດເວລາຊາວກະຫລ່ຽງໃສ່ຫ່ວງທີ່ຄໍແລ້ວເບິ່ງຄືມະນຸດທີ່ຄໍຍາວກວ່າຄົນປົກກະຕິແຕ່ຄວາມຈິງແລ້ວຄໍບໍ່ໄດ້ຍາວກວ່າແຕ່ຢ່າງໃດພຽງແຕ່ບ່າຂອງພວກເຂົາໄດ້ຖືກກົດທັບເຮັດໃຫ້ກ້າມເນື້ອທີ່ປະຄອງຫົວໄດ້ເຮັດວຽກປ່ຽນໄປແລະເມື່ອຊາວຫລະຫລ່ຽງໄດ້ຖອດຫ່ວງອອກຈະເຮັດໃຫ້ບໍ່ສາມາດປະຄອງຫົວຕົວເອງໃຫ້ຕັ້ງຊື່ໄດ້ເໝືອນມະນຸດປົກກະຕິ