8 ສະຖານທີ່ ຊົມວິວດອກຊາກຸລະ ທີ່ງາມທີ່ສຸດໃນ ຍີ່ປຸ່ນ
ອົງການສົ່ງເສີມການທ່ອງທ່ຽວແຫ່ງປະເທດຍີ່ປຸ່ນ (JNTO) ໄດ້ລວບລວມສະຖານທີ່ສໍາລັບ ຊົມວິວດອກຊາກຸລະ ທີ່ສວຍງາມທີ່ສຸດທົ່ວ ຍີ່ປຸ່ນ ໂດຍຄັດເລືອກມາສະເພາະສະຖານທີ່ເດັດໆມາໃຫ້ເບິ່ງ. ທາງທີມງານ laopost.com ກໍ່ບໍ່ພາດທີ່ຈະນໍາມາໃຫ້ທຸກທ່ານໄດ້ຊື່ນຊົມຄວາມງົດງາມນໍາກັນ, ວ່າແຕ່ມີບ່ອນໃດແດ່ນັ້ນເຮົາມາເບິ່ງພ້ອມໆກັນເລີ່ຍ…
1 ສ່ວນ Isshingyo ແຂວງ Kumamoto
ສ່ວນແຫ່ງນີ້ມີຕົນຊາກຸລະຂະໜາດໃຫຍ່ທີ່ມີອາຍຸກວ່າ 400ປີ ເຖີງແມ່ນວ່າຈະຜ່ານໄພພິບັດ ຕ່າງໆມາຫຼາຍຄັ້ງກໍ່ຕາມ ແຕ່ຕົ້ນຊາກຸລະເຫຼົ່ານີ້ກໍ່ຍັງຄົງຜະລິດດອກອອກມາຢ່າງສວຍງາມໃຫ້ເຮົາໄດ້ເບິ່ງຊື້ນຊົມຄວາມງາມຢູ່ທຸກປີ ນັບວ່າເປັນອີກໜຶ່ງສັນຍາລັກຂອງເກາະຄິວຊູ
ທີ່ຢູ່: 3226-1 Nakamatsu, Minamiaso-mura, Aso-gun, Kumamoto
ວິທີການເດີນທາງ: ນັ່ງລົດໄຟສາຍ Minamiaso ລົງສະຖານີ Nakamatsu ແລະ ຍ່າງຕໍ່ອີກ 15 ນາທີ
ຊ່ວງເວລາປະມານ: ທ້າຍເດືອນ ມີນາ – ຕົ້ນເດືອນ ເມສາ
2 ພຸເຂົາ Shiude ແລະ ທະເລ Seto ແຂວງ Kagawa
ສະຖານທີ່ແຫ່ງນີ້ ນັກທ່ອງທ່ຽວສາມາດຊົມຊາກຸລະ ໄດ້ຫຼາຍສາຍພັນ ເຊັ່ນ: Somei Yoshino ແລະ Yae ພ້ອມກັບຄວາມສວຍງາມຂອງທະເລ ເຊະໂຕະ ໄປພ້ອມກັນ
ທີ່ຢູ່: 451-1 Ohama-otsu, Takuma-cho, Mitoyo-shi, Kagawa
ວິທີການເດີນທາງ: ນັ່ງລົດໄຟລົງທີ່ສະຖານີ JR Takuma ຕໍ່ລົດເມລົງປ້າຍ Shiudeyama Tozanguchi ປະມານ1 ຊົ່ວໂມງ ແລະ ຍ່າງຕໍ່
ຊ່ວງເວລາປະມານ: ທ້າຍເດືອນ ມີນາ – ກາງເດືອນ ເມສາ
3 ວັດ Toji ແຂວງ Kyoto
ເຈດີ 5 ຊັ້ນ Kyoo-Gokoku-ji ທີ່ເປັນມໍລະດົກໂລກຂອງກຽວໂຕ ຄູກັບຊາກຸລະ ທີ່ປະສານຄວາມງົດງາມກັບແສງໄຟໃນຍາມຄໍ່າຄືນ ສຸດຍອດຄວາມງາມແບບອາລັງການ
ທີ່ຢູ່: 1 Kujo-cho, Minami-ku, Kyoto-shi, Kyoto
ວິທີເດີນທາງ: ນັ່ງລົດໄຟ Kintetsu ລົງສະຖານີ Toji ແລະ ຍ່າງຕໍ່ອີກ 10 ນາທີ
ຊ່ວງເວລາ: ທ້າຍເດືອນ ມີນາ – ຕົ້ນດືອນ ເມສາ
4 Mitake ແຂວງ Mie
ລະຫວ່າງທາງໄປວີດ Shinpuku-in ດອກຊາກຸລະ ທີ່ປູກຮຽງໄວ້ຄູ່ກັບທົ່ງນາຂັ້ນໃດ ເຫັນເປັນພາບສະທ້ອນຂອງຕົ້ນຊາກຸລະ ແລະ ກີບດອກຊາກຸລະ ທີ່ຫຼົ່ນໃນນໍ້າກາຍເປັນສີສົມພູຮັບກັບທ້ອງຟ່າສີຄາມ
ທີ່ຢູ່: Mitake, Misugi-cho, Tsu-shi, Mie
ວິທີການເດີນທາງ: ນັ່ງລົດໄຟລົງທີ່ສະຖານີ JR Ise-Okitsu ຕໍ່ລົດເມລົງປ້າຍ Sugihira ປະມານ 10 ນາທີ ແລະ ເດີນທາງຕໍ່ອີກ 5 ນາທີ
ຊ່ວງເວລາ: ກາງເດືອນ ເມສາ
5 Ieyama ແຂວງ Shizuoka
ສະເໜຂອງລົດຈັກອາຍນໍ້າທີ່ອາດຈະຫາເບິ່ງຍາກໃນປັດຈຸບັນ ແຕ່ຍັງຄົງມີໃຫ້ເຫັນຢູ່ ຂະບວນລົດໄຟສາຍ Oigawa ທີ່ແລ່ນລຽບແມ່ນນໍ້າ Oi ໃນແຂວງ ຊິຊຶໂອກະເປັນປະສົບການສຸດໂຣແມນຕິກ ທີ່ມີໂອກາດນັ່ງເທີງລົດໄຟ ສຸດຄລາດສິກທ່າມກາງຕົ້ນຊາກຸລະ ທີ່ໂອມລ້ອມຮອບທິດທາງ
ທີ່ຢູ່: Ieyama, Kawane-cho, Shimada-shi, Shizuoka
ວິທີການເດີນທາງ: ນັ່ງລົດໄຟສາຍ Oigawa ລົງສະຖານີ Ieyama ແລະ ຍ່າງຕໍ່ອີກ 10ນາທີ
ຊ່ວງເວລາ: ທ້າຍເດືອນມີນາ-ຕົ້ນເດືອນ ເມສາ
6 ຄູເມືອງ Chidorigafuchi ແຂວງ Tokyo
ຈາກພະລາຊະວັງ ອິມພີຣຽວລ໌ (imperial palace) ສວນຂະໜາດໃຫຍ່ທີ່ເຕັມໄປດ້ວຍ ຕົ້ນຊາກຸລະ ຂະໜາດມະຫຶມາ ລຽງຢູ່ຕາມຄູນໍ້າໃນ Chidorigafuchi ເປັນອີກໜຶ່ງຈຸດທີ່ຊາວເມືອງ ໂຕກຽວ ແລະ ນັກທ່ອງທ່ຽວນິຍົມມາເຊົ່າເຮືອພາຍ ຊົມວິວອຸໂມງຄ໌ ຕົ້ນຊາກຸລະ ເທີງຄອງນໍ້າ
ທີ່ຢູ່: 2 Kudanminami, Chiyoda-ku, Tokyo
ວິທີການເດີນທາງ: ນັ່ງລົດໃຕ້ດິນສາຍ Hanzomon/Tozai/Toei Shinjuku ລົງສະຖານີ Kudanshita ທາງອອກ2 ແລະ ຍ່າງຕໍ່ອີກ 5ນາທີ
ຊ່ວງເວລາ: ທ້າຍເດືອນມີນາ – ຕົ້ນເດືອນເມສາ
7 Tokyo Skytree ແຂວງ Tokyo
ກາຍເປັນຈຸດຍອດນິຍົມໃນການຊົມຊາກຸລະໄປແລ້ວ ສໍາລັບແລນມາຣ໌ກແຫ່ງໃໝ່ຂອງ ກຸງໂຕກຽວ ບັນຍາຍາກາດ ທີ່ເຂົ້າກັນຂອງຕົ້ນຊາກຸລະ ທີ່ຕັ້ງຢູ່ລຽບສອງຂ້າງແມ່ນໍ້າ ສຸມິດະ ແລະ ມີສາກຫຼັງ ເປັນ Tokyo Skytree
ທີ່ຢູ່: Mukojima, Sumida-ku, Tokyo
ວິທີການເດີນທາງ: ນັ່ງລົດໃຕ້ດິນສາຍ Ginza ລົງສະຖານີ Asakusa ແລະ ຍ່າງຕໍ່ອີກ 5 ນາທີ ຫຼື ຍ່າງມາກໍ່ໄດ້ຈາກສະຖານີ Tobu Tokyo Skytree
ຊ່ວງເວລາ: ທ້າຍເດືອນ ມີນາ – ຕົ້ນເດືອນ ມສາ
8 ສວນ Goryokaku ແຂວງ Hokkaido
ເມື່ອດອກຊາກຸລະບານ ຈະປ່ຽນປ້ອມປາການຮູບດາວ ແຫ່ງເມື່ອງ ຮາໂກດາຕະ ໃຫ້ກາຍເປັນສີສົມພູ
ທີ່ຢູ່: Goryokaku-cho, Hakodate-shi, Hokkaido
ວິທີການເດີນທາງ: ນັ່ງລົດໄຟລາງລົງປາຍທາງ Goryokaku Koen-mae ແລະ ຍ່າງຕໍ່ອີກ 15 ນາທີ
ຊ່ວງເວລາ: ແຕ່ຕົ້ນເດືອນ- ກາງເດືອນ ພຶດສະພາ