ໜຸ່ມສາວ ແຂ້ວເຫຼັກຢ່າຄິດວ່າທັນສະໄໝ! ຮູ້ຫຼືບໍ່ວ່າແຟຊັ່ນນີ້ມີມາຕັ້ງແຕ່ 2000ປີກ່ອນ ຄສ!!!
ຢ້ອນກັບໄປເມື່ອປະມານເກືອບ 10 ປີທີ່ແລ້ວຢູ່ບ້ານຮົາ ການດັດແຂ້ວຖືວ່າເປັນເຫດການແປກໃໝ່ ແລະ ລາຄາກໍ່ຄ່ອນຂ້າງສູງ ແຕ່ກໍ່ຍັງມີໄວລຸ້ນທັງຍິງຊາຍຈໍານວນບໍ່ໜ້ອຍ ທີ່ພາກັນເຂົ້າຄີລນິກເພື່ອເຮັດການດັດແຂ້ວ ແລະ ໃນປັດຈຸບັນນີ້ເລື່ອງບໍລິການຕ່າງໆກໍ່ເລີ່ມເຂົ້າທີ່ເຂົ້າທາງແດ່ແລ້ວ, ເວລາອອກໄປງານສັງຄົມຕ່າງໆ ກໍ່ໄດ້ເຫັນຜ່ານຫູຜ່ານຕາເປັນຈໍານວນບໍ່ໜ້ອຍ ບາງຄົນກໍ່ໃສ່ເພື່ອດັດແຂ້ວແທ້ ແຕ່ກໍ່ອາດຈະມີບາງຄົນກໍ່ໃສ່ເພື່ອຄວາມງາມຄວມເທ້ໄປຕາມກະແຟຊັ່ນກໍ່ວ່າກັນໄປ!
ແຕ່ໄວລຸ້ນທັງຫຼາຍເອີ່ຍ ພວກເຈົ້າຮູ້ບໍ່ວ່າ “ການດັດແຂ້ວ” ບໍ່ແມ່ນແຟຊັ່ນໃໝ່ຟຸ້ງຟິ້ງອີຫຍັງເລີຍ! ເພາະມີຫຼັກຖານຄົ້ນພົບແລ້ວວ່າ ການດັດແຂ້ວມີມາຕັ້ງແຕ່ສະໄໝ 2000ປີກ່ອນສຄ ພຸ້ນ!!
ຊຶ່ງຫຼັກຖານ ແຂ້ວເຫຼັກນີ້ ຖືກພົບໃນຂຸມສົບຂອງ ມໍ່າມີ່ຮ່າງໜຶ່ງ ທີ່ປະເທດເອຢິບ ໂດຍນັກບູຮານຄະດີໄດ້ໃຊ້ເທກນິກພິເສດກວດສອບອາຍຸຂອງໂຄງກະດູກ ພົບວ່າເກົ່າແກ່ຫຼາຍນ່າຈະມີອາຍຸຫຼາຍກວ່າ 2000ປີກ່ອນສຄ ແລະ ກໍ່ຕ້ອງອື້ງຕາມໆກັນໄປເມື່ອເຫັນວ່າ “ພວກເຂົາຮຽນຮູ້ການໃຊ້ລວດຊະນິດທອງແດງແບບດຽວກັບສາຍໄຟມາຮອບ ແລະ ຮ້ອຍແຂ້ວເອົາໄວ້”
ຕ້ອງຍອມຮັບປະເທດເອຢິບ ອີຫຼີກ່ຽວກັບລາວເລື່ອງວີວັດທະນາການອີຫຍັງຫຼາຍໆຢ່າງ ທີ່ຊາວເອຢິບໄດ້ຄິດຄົ້ນ ແລະ ລອງເຮັດ ຊຶ່ງເຮັດໃຫ້ເຮົາອຶ້ງທຶ້ງກັບຫຼາຍໆຢ່າງ, ຖ້າສະໄໝນັ້ນມີເຄື່ອງມືບັນທຶກຫຼັກຖານດີໆ ເຊື່ອວ່າມະນຸດໃນຍຸກປັດຈຸບັນຕ້ອງຕາຄ້າງກັນເປັນແຖວເລີຍ! (ໂດຍສະເພາະວິທີການສ້າງປີລະມິດ ທີ່ຍັງຄົງຖົກຖຽງກັນຢູ່ຈວບຈົນປັດຈຸບັນ).