spot_img
Homeຂ່າວການພັດທະນາກູເວດສະໜອງເງິນກູ້ ໂຄງການຊົນລະປະທານ ນາບົງ-ໂຄກສາ

ກູເວດສະໜອງເງິນກູ້ ໂຄງການຊົນລະປະທານ ນາບົງ-ໂຄກສາ

Published on

20150302123221

ໂຄງການ​ຊົນລະປະທານນາ​ບົງ-ໂຄກ​ສາ ເປັນ​ໂຄງການ​ທີ່ປະກອບສ່ວນ​ໃນ​ການ​ພັດທະນາເສດຖະກິດ-ສັງຄົມ​ຂອງ ​ສປປ ລາວ ໂດຍ​ສະເພາະ​ໃນ​ຂົງເຂດ 11 ບ້ານ ໃນ​ເມືອງ​ປາກ​ງື່ມ ໂດຍການ​ຟື້ນ​ຟູ ປັບປຸງ ແລະ ຂະຫຍາຍ​ລະບົບ​ຊົນລະປະທານ​ຈັກສູບ​ນ້ຳ ເພື່ອ​ລຳລຽງ​ນ້ຳຈາກ​ນ້ຳງື່ມ​ ເພື່ອ​ສະໜອງ​ນ້ຳ​ໃຫ້​ເນື້ອທີ່ປະມານ 4.500 ເຮັກຕາ ເຊິ່ງ​ຈະຊ່ວຍ​ອຳນວຍຄວາມ​ສະດວກ​ໃຫ້ແກ່​ການ​ຜະລິດ​ເຂົ້າ ແລະ ພືດ​ຜັກ ແນໃສ່​ຫຼຸດຜ່ອນ​ຄວາມທຸກ​ຍາກ ປັບປຸງ​ຊີວິດ​ການ​ເປັນ​ຢູ່ ແລະ ເພີ່ມ​ລາຍ​ຮັບ​ໃຫ້​ປະຊາຊົນ​ໃນ​ຂົງເຂດ​ໂຄງການ​ໃຫ້​ດີ​ຂຶ້ນ ພ້ອມ​ນັ້ນ ໂຄງການ​ດັ່ງກ່າວ​ ຍັງ​ຕອບ​ສະໜອງ​ການ​ຜະລິດ​ສິນຄ້າ​ສົ່ງ​ອອກ ເພື່ອ​ເປັນ​ການ​ປະກອບສ່ວນ​ ໃນການ​ພັດທະນາ​ເສດຖະກິດ​ຂອງຊາດ ​ໃຫ້​ນັບ​ມື້​ດີ​ຂຶ້ນ ກໍ່​ຄືການ​ປະກອບ​ສ່ວນ​ໃນ​ການ​ພັດທະນາເສດຖະກິດ-ສັງຄົມຂອງ​ຊາດ ໃຫ້​ດີ​ຂຶ້ນ​ເປັນ​ກ້າວໆ.

ສຳລັບ​ເງື່ອນໄຂ​ທາງ​ດ້ານການ​ເງິນ ​ຂອງ​ການ​ສະໜອງ​ເງິນກູ້​ຂອງ​ກອງ​ທຶນ​ກູ​ເວດ ເພື່ອ​ການພັດທະນາ​ເສດຖະກິດ​ອາ​ຣັບ ເຂົ້າ​ໃນ​ໂຄງການ​ດັ່ງກ່າວ ແມ່ນມີ​ໄລຍະ​ທົດ​ແທນ​ຄືນ​ເງິນ​ກູ້​ຢືມ 24 ປີ ໃນ​ນັ້ນ ລວມ​ມີ​ໄລຍະ​ການປອດ​ຊຳລະ​ຕົ້ນ​ທຶນ 7 ປີ ອັດຕາດອກ​ເບ້ຍ 1,5% ຕໍ່​ປີ.

ໃນ​ວັນ​ທີ 2 ມີນາ 2015 ກະຊວງ​ການ​ເງິນ ຕາງໜ້າ​ລັດ​ຖະບານ​ແຫ່ງ ​ສປປ ລາວ ແລະ ກອງ​ທຶນ​ກູ​ເວດ ເພື່ອ​ການ​ພັດ​ທະນາ​ເສດຖະກິດ​ອາ​ຣັບ ໄດ້​ເຊັນ​ສັນຍາ​ເງິນ​ກູ້​ມູນ​ຄ່າ 7 ລ້ານ​ກູ​ເວດດີ​ນາ ທຽບ​ເທົ່າ 23,8 ລ້ານ​ໂດລາ​ສະຫະລັດ ທີ່​ກະຊວງ​ດັ່ງກ່າວ ເພື່ອ​ນຳ​ໃຊ້​ເຂົ້າ​ໃນ​ການຈັດຕັ້ງປະຕິບັດ​ໂຄງການ​ຊົນລະປະທານນາ​ບົງ-ໂຄກ​ສາ ການ​ເຊັນ​ສັນຍາໃນ​ຄັ້ງ​ນີ້ ​ໄດ້​ມີ​ຂຶ້ນລະຫວ່າງທ່ານນາງ ທິບ​ພະ​ກອນ ຈັນທະ​ວົງ ລັດຖະມົນຕີ​ຊ່ວຍ​ວ່າການກະຊວງ​ການ​ເງິນ ແລະ ທ່ານ ເຮ ແຊມ ອານ ວາ​ກາ ຍານ ຮອງປະທານ​ກອງ​ທຶນ​ກູ​ເວດ ເພື່ອ​ການພັດທະນາ​ເສດຖະກິດ​ອາ​ຣັບ ໂດຍມີ​ບັນດາ​ທ່ານ​ຜູ້ຕາງໜ້າ​ຈາກພາກສ່ວນ​ທີ່​ກ່ຽວຂ້ອງ​ເຂົ້າ​ຮ່ວມ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...