spot_img
Homeຂ່າວທ້ອງຖິ່ນບ້ານຫຸມແບ່ງ ຂຸ້ນຂ້ຽວປັກດຳນາແຊງ ໃຫ້ສຳເລັດໃນທ້າຍເດືອນນີ້

ບ້ານຫຸມແບ່ງ ຂຸ້ນຂ້ຽວປັກດຳນາແຊງ ໃຫ້ສຳເລັດໃນທ້າຍເດືອນນີ້

Published on

20150127102700

ທ່ານ ບົວ​ລ່ຳ ໄຊ​ຍະ​ສານ ນາຍບ້ານ​ຫຸມ​ແບ່ງ ເມືອງ​ນາຊາຍ​ທອງ ນະຄອນຫຼວງ​ວຽງ​ຈັນ ໄດ້​ແຈ້ງ​ໃຫ້​ຊາບ​ວ່າ: ບ້ານ​ພວກເຮົາ​ຖື​ເປັນ​ບ້ານ​ກະສິກຳ ເປັນແຫຼ່ງ​ອູ່​ເຂົ້າ​ອູ່​ນ້ຳ​ກໍ່​ວ່າ​ໄດ້ ເພາະປະຊາຊົນ​ສ່ວນ​ໃຫຍ່​ແມ່ນ​ອາຊີບຊາວ​ກະສິກອນປູກຝັງ-ລ້ຽງສັດ ມີ​ເນື້ອທີ່​ນາ 537,3 ເຮັກຕາ ສາມາດ​ເຮັດ​ນາແຊງ​ໄດ້ 350 ເຮັກຕາ.

ສະເພາະ​ການ​ຜະລິດ​ນາແຊງ​ໃນ​ປີ​ນີ້ ມາ​ຮອດ​ປັດຈຸບັນ ພໍ່ແມ່​ປະຊາຊົນ​ພາຍ​ໃນ​ບ້ານ ​ພວມຂຸ້ນຂ້ຽວ​ປັກ​ດຳ​ນາແຊງ​ໃຫ້​ສຳເລັດ​ທ່ວງ​ທັນ​ກັບ​ລະດູ​ການ ເຊິ່ງຄາດ​ວ່າ​ຈະ​ສຳເລັດ​ໃນ​ທ້າຍເດືອນ​ມັງກອນ 2015 ທີ່​ຈະ​ມາເຖິງ​ນີ້ ໄປ​ຄຽງ​ຄູ່​ກັນ​ນີ້ ປະຊາຊົນຍັງ​ໄດ້​ເອົາໃຈໃສ່​ການ​ປູກ​ພືດ​ຜັກລ້ຽງສັດ ໂດຍ​ສະເພາະການລ້ຽງ​ປາ ແລະ ກົບ​ທຳ​ມະ​ຊາດ ເຊິ່ງ​ໃນ​ແຕ່​ລະ​ວັນ ໄດ້​ນຳ​ເອົາ​ຜົນຜະລິດ​ໄປ​ປ້ອນ​ໃຫ້​ຕະຫຼາດ​ພາຍໃນ​ເມືອງ ແລະ ຕາມ​ຕະຫຼາດໃຫຍ່ໃນ​ນະຄອນຫຼວງ​ຫຼາຍ​ແຫ່ງ ຄິດ​ສະເລ່ຍ​ລາຍ​ຮັບ​ວັນ​ລະ​ຫຼາຍລ້ານ​ກີບ.

 

ແຫລ່ງ​ຂ່າວ: ວຽງ​ຈັນ​ໃໝ່

ບົດຄວາມຫຼ້າສຸດ

ລັດຖະບານຍີ່ປຸ່ນໃຫ້ທຶນການຊ່ວຍເຫຼືອ 96,600 ໂດລາ ເພື່ອຊ່ວຍຍົກລະດັບການສຶກສາໃນແຂວງອຸດົມໄຊ

ລັດຖະບານຍີ່ປຸ່ນ ຊ່ວຍຍົກລະດັບການສຶກສາຊັ້ນອະນຸບານ ແລະ ປະຖົມໃນແຂວງອຸດົມໄຊ ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 89,600 ໂດລາ ໃນການສະໜັບສະໜູນໂຄງການດ້ານການສຶກສາໃນແຂວງອຸດົມໄຊ ພາຍໃຕ້​ໂຄງ​ການ​ເສີມ​ສ້າງ​ຄວາມ​ໝັ້ນ​ຄົງ​ຂອງ​ມະ​ນຸດ​ຂັ້ນ​ຮາກ​ຖານ (GGP); ພິທີລົງນາມການຊ່ວຍເຫຼືອດັ່ງກ່າວຈັດຂຶ້ນໃນຫວ່າງບໍ່ດົນມານີ້ ທີ່ນະຄອນຫຼວງວຽງຈັນ. ໂຄງການຈະໃຫ້ການສະໜັບສະໜູນທຶນຮອນເພື່ອກໍ່ສ້າງອາຄານຮຽນ ແລະ ຫ້ອງນໍ້າໃໝ່ ພ້ອມທັງສະໜອງສິ່ງອຳນວຍຄວາມສະດວກທີ່ຈຳເປັນ...

ຊົມເຊີຍທີມແພດຈີນ-ລາວ ສໍາເລັດການຜ່າຕັດກະດູກຫັກມອນເຕກຽຍ (Monteggia) ຂອງເດັກນ້ອຍ

ຊ່ຽວຊານແພດຈີນ ແລະ ລາວ ສໍາເລັດການຜ່າຕັດກະດູກຫັກມອນເຕກຽຍ(Monteggia) ຂອງເດັກນ້ອຍ ເມື່ອບໍ່ດົນນີ້, ພາຍໃຕ້ການຊີ້ນໍາຂອງຄະນະຊ່ຽວຊານການແພດທະຫານຈີນຊຸດທີ 12 ປະຈໍາລາວ (ມາຈາກໂຮງໝໍຊີຈິ່ງ ຂອງມະຫາວິທະຍາໄລການແພດທະຫານອາກາດຈີນ) ຮ່ວມກັບພະແນກກະທົບຜ່າຕັດ-ກະດູກຂອງໂຮງໝໍ ສູນກາງ103 ກອງທັບປະຊາຊົນລາວ ໄດ້ສໍາເລັດການຜ່າຕັດກະດູກຫັກມອນເຕກຽຍ(Monteggia)...

ກັບຄືສູ່ບ້ານເຮົາແລ້ວ! ທາງການໄທສົ່ງມອບພຣະພຸດທະຮູບບູຮານຄືນສູ່ປະເທດລາວ

ທາງການໄທສົ່ງມອບພຣະພຸດທະຮູບບູຮານ ທີ່ສູນຫາຍໃນສະໄໝສົງຄາມອິນດູຈີນຄືນໃຫ້ແກ່ ສປປ ລາວ ໃນວັນທີ 7 ມີນາ 2025, ທ່ານອຸປະກິດ ປາຈະລີຍາງກຸນ ອະດີດສະມາຊິກວຸດທິສະພາ, ຫົວໜ້າຜູ້ແທນທຳມະທູດຂອງໄທ ໄດ້ເຂົ້າພົບ ທ່ານ ຄຳພັນ...

ຊາຍໜຸ່ມກໍ່ເຫດໃຊ້ມີດບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ

ຊາຍໜຸ່ມຫຶງໂຫດ! ບຸກແທງຄໍແຟນສາວເສຍຊີວິດ ຄາຫ້ອງເຊົ່າ ຍ້ອນຫຶງທີ່ແຟນສົ່ງຍິ້ມໃຫ້ຊາຍອື່ນ ສຳນັກຂ່າວໄທລັດລາຍງານໃນວັນທີ 6 ມີນາ 2025 ຜ່ານມາ ເຈົ້າໜ້າທີ່ຕຳລວດໄດ້ຮັບແຈ້ງເຫດວ່າມີຄົນຖືກແທງເສຍຊີວິດ ຢູ່ຫ້ອງເຊົ່າແຫ່ງໜຶ່ງ ທີ່ຈັງຫວັດຣາຊະບູລີ ປະເທດໄທ. ຕາມການລາຍງານ: ຜູ້ກໍ່ເຫດຊື່ທ້າວ ຊາຍ...