ຊານົມໄຂ່ມຸກ” ເປັນເຄື່ອງດື່ມສຸດຮິດຢ່າງໜຶ່ງຂອງຄົນທຸກເພດທຸກໄວ ມີຂາຍແພ່ຫລາຍ ເປັນເຄື່ອງດື່ມເຢັນມີຫລາກຫລາຍລົດຊາດໃຫ້ເລືອກທັງກາເຟແລະຊາລົດຫມາກໄມ້ຕ່າງໆນອກຈາກຫອມຫວານຍັງຫຍໍ້າໄດ້ແລະມ່ວນປາກຜູ້ບໍລິໂພກ”ບາງຄົນນິຍົມດື່ມມື້ລະຈອກບາງລາຍຫລາຍຈອກຕໍ່ມື້ຈົນລືມຄຳນຶງເຖິງໄພຮ້າຍທີ່ແຝງໂຕມານັ້ນຄືພະຍາດຕຸ້ຍງ່າຍແລະເຖົ້າໄວ”
ເນື່ອງຈາກສ່ວນປະສົມຫລັກຂອງຊາມຸກປະກອບດ້ວຍຊາຄີມທຽມນ້ຳຕານນົມຂຸ້ນຫວານ ໄຂ່ມຸກແລະຜົງເຄື່ອງດື່ມສຳເລັດຮູບທີ່ແຕ່ງກິ່ນຕົວຢ່າງກິ່ນແອບເປີ້ນໝາກກ້ຽງ ລິ້ນຈີ່ ແລະອື່ນໆຈຶ່ງເປັນເຄື່ອງດື່ມທີ່ມີນ້ຳຕານແລະໄຂມັນສູງຊຶ່ງສະຫມອງຂອງຄົນເຮົານັ້ນຖ້າຖືກກະຕຸ້ນດ້ວຍຄວາມຫວານມັນເຄັມຈະມັກແລະເຂົ້າໃຈວ່າອາຫານ
ນັ້ນແຊບຊ້ອຍເມື່ອເກີດຄວາມແຊບຊ້ອຍກໍຍິ່ງເຮັດໃຫ້ຢາກຫາມາກິນເລື້ອຍໆຍິ່ງຖ້າມີ ກາເຟອີນປະສົມຢູ່ກໍຍິ່ງເຮັດໃຫ້ສະຫມອງຕິດໃຈໄດ້ງ່າຍຂຶ້ນໄປອີກ
ເອີ້ນໄດ້ວ່າຄວາມຫວານມັນແລະກາເຟອີນໃນຊານົມໄຂ່ມຸກຫລິ້ນກົນຕວະໃຫ້ສະຫມອງຕິດໃຈຍິ່ງມີການໂຄສະນາຊວນເຊື່ອວ່າເປັນເຄື່ອງດື່ມສຸຂະພາບກໍຍິ່ງອັນຕະລາຍສຳລັບຄົົນທີ່ຕ້ອງການຫລຸດນ້ຳໜັກເພາະເມື່ອເກີດຄວາມເຊື່ອທີ່ຜິດໆກໍສົ່ງຜົນໃຫ້ຜູ້ບໍລິໂພກຈຳນວນບໍ່ນ້ອຍເລືອກດື່ມຊານົມໄຂ່ມຸກແທນການກິນອາຫານ ເນື່ອງຈາກຄິດວ່າຈະຊ່ວຍຫລຸດນ້ຳໜັກໄດ້
ທີ່ແທ້ຈິງແລ້ວ ການກິນເກົາເຫລົາໝົດຖ້ວຍຍັງຕຸ້ຍໜ້ອຍກວ່າການກິນຊານົມໄຂ່ມຸກ 1 ຈອກເນື່ອງຈາກປະລິມານແຄລໍລີໃນຊານົມໄຂ່ມຸກແຕ່ລະຈອກແຕກຕ່າງກັນອອກໄປຕັ້ງແຕ່ 200 ກິໂລແຄລໍລີຮອດ 400 ກິໂລແຄລໍລີ ແຕ່ທີ່ສໍາຄັນໄປກວ່ານັ້ນຄືປະລິມານນ້ຳຕານທີ່ມີຕັ້ງແຕ່ 8 ບ່ວງຕໍ່ຈອກໄປຈົນເຖິງ 11 ບ່ວງຕໍ່ຈອກ
ຊຶ່ງໂດຍທົ່ວໄປແລ້ວ ໃນໜຶ່ງມື້ເຮົາບໍ່ຄວນບໍລິໂພກນ້ຳຕານກາຍ 6 ບ່ວງສຳລັບຜູ້ຍິງ ແລະ 9 ບ່ວງສຳລັບຜູ້ຊາຍອີກທັງໄຂມັນອິ່ມຕົວຈາກນົມທີ່ໃສ່ລວມຢູ່ກໍມີປະລິມານບໍ່ໜ້ອຍບາງສູດໃຊ້ຄີມທຽມຊຶ່ງມີໄຂມັນຊານທີ່ເປັນອັນຕະລາຍຕໍ່ສຸຂະພາບຍິ່ງກວ່າໄຂມັນຊະນິດອື່ນນອກຈາກຈະເພີ່ມຄວາມສ່ຽງຕໍ່ການເກີດພະຍາດຫລອດເລືອດຫົວໃຈຍັງເພີ່ມຄວາມສ່ຽງຕໍ່ພະຍາດມະເຮັງນໍາອີກ
ສ່ວນ “ແກ່ນໄຂ່ມຸກ” ທີ່ຜູ້ບໍລິໂພກຫລາຍຄົນຕ່າງເພີນກັບການ “ຫຍ້ຳ” ດ້ວຍຄວາມຮູ້ສຶກໜຽວໆກໍຄືແປ້ງເພາະເຮັດຈາກມັນຕົ້ນນຳມາຕົ້ມກັບນ້ຳຕານໃຫ້ແຄລໍລີແຕກຕ່າງກັນໄປແຕ່ລະສູດຕັ້ງແຕ່ 2-4 ກິໂລແຄລໍລີຕໍ່ແກ່ນອີກທັງຍັງບໍ່ມີຄຸນຄ່າທາງອາຫານ ບໍ່ວ່າ ວິຕາມິນແຮ່ທາດຫລືສານຕ້ານອານຸມູນອິດສະຫລະໃດໆເລີຍ