spot_img
Homeຂ່າວການສຶກສາ10 ສຸດຍອດເຄັດລັບ ເຮັດແບບໃດໃຫ້ເກັງພາສາອັງກິດ!

10 ສຸດຍອດເຄັດລັບ ເຮັດແບບໃດໃຫ້ເກັງພາສາອັງກິດ!

Published on

Print

1 ເລີ່ມຈາກການຟັງບົດຄວາມທີ່ງ່າຍໆ ຈະໄດ້ມີກໍາລັງໃຈບໍ່ທໍ້ຕັ້ງແຕ່ເລີ່ມຕົ້ນ ລວມທັງທີ່ເປັນ slow speed ເພາະວ່າໃນໄລຍະທໍາອິດເຮົາອາດຈະບໍ່ຄຸ້ນເຄີຍກັບ Normal speed ຊຶ່ງການຝຶກຟັງຊ້າໆ ຈະເຮັດໃຫ້ເຮົາລື້ງເຄີຍກັບສໍານຽງ ແລະ ສໍານວນການເວົ້າ.

2 ຟັງເລື່ອງທີ່ເຮົາຖືກໃຈ ເພາະຈະນໍາໄປສູ່ຄວາມສຸກໃຈ, ໃສ່ໃຈ ແລະ ເຂົ້າໃຈ ຫຼາຍກວ່າຟັງເລື່ອງທີ່ເຮົາບໍ່ຄ່ອຍສົນໃຈ ຫຼື ຕ້ອງອົດຟັງ.

3 ໃຫ້ຝຶກຟັງເລື່ອງທີ່ຈົບພາຍໃນໄລຍະເວລາສັ້ນໆ ຖ້າຝຶກຟັງເລື່ອງທີ່ຍາວເກີນໄປຈະເຮັດໃຫ້ສະໝອງເຮົາເມື່ອຍຮັບບໍ່ໄດ້.

4 ຟັງພ້ອມອ່ານ ຫຼື ອ່ານກ່ອນຟັງ ຫຼືຟັງແລ້ວອ່ານ ຫຼືຈະຝຶກແບບໃໝ່ກໍ່ແລ້ວແຕ່ຖະນັດ ການອ່ານຈະຊ່ວຍໃນການສ້າງຄວາມເຂົ້າໃຈໃນເລື່ອງທີ່ຟັງ.

5 ຟັງພ້ອມເບິ່ງວິດີໂອ ການທີ່ສາມາດຮັບສານຜ່ານທັງ 2 ປະສາດ ຄືທາງຫູ ແລະ ທາງຕາ ຈະຊ່່ວຍໃຫ້ເຂົ້າໃຈງ່າຍຂຶ້ນຖ້າມີ subtitle (ການອະທິບາຍຫົວຂໍ້ຂອງເລື່ອງແບບຫຍໍ້ໆ) ໃຫ້ອ່ານພ້ອມກັບຮັບຊົມພາບວີດີໂອ ທີ່ເຄື່ອນໄຫວຍິ່ງຊ່ວຍໃຫ້ເຂົ້າໃຈໄດ້ຫຼາຍຂຶ້ນ.

6 ຝຶກຟັງໜ້ອຍໆ ແຕ່ຟັງເລື່ອຍໆ ດີກວ່າຝຶກຟັງດົນໆແຕ່ບໍ່ຄ່ອຍຟັງ ເພາະສະ ນັ້ນການຝຶກຟັງວັນລະ 15 ນາທີແຕ່ຟັງທຸກວັນໃນ 1 ອາທິດ ດີກວ່າອາທິດ 1 ຟັງ 2 ຊົ່ວໂມງແຕ່ຟັງຄັ້ງດຽວ.

7 ລອງຟັງໂດຍໃຊ້ ສາຍສະເບົ້າ ຈະໄດ້ຍິນສໍານຽງຊັດເຈນຂຶ້ນ ຊ່ວຍໃຫ້ງ່າຍໃນການຝຶກອອກສຽງຕາມ ແຕ່ຢ່າເປີດສຽງດັງຈົນເກີນໄປເພາະຖ້າຟັງໄປດົນໆຈະເຮັດໃຫ້ຫູອຶ່ງ(ຕຶງ)ໄດ້.

8 ຝຶກຟັງພ້ອມເວົ້າຕາມ ການຝຶກເວົ້າຕາມຈະຊ່ວຍສ້າງຄວາມໝັ້ນໃຈ ວ່າເຮົາຟັງໄດ້ຖືກຕ້ອງ ເພາະຖ້າເຮົາຟັງໄດ້ຖືກຕ້ອງ ເຮົາກໍ່ຈະເວົ້າໄດ້ຖືກຕ້ອງເປັນສ່ວນໃຫຍ່ ການຟັງໂດຍມີພາລະທີ່ຈະຕ້ອງເຮັດໃຫ້ເຮົາເວົາຕາມທີ່ຟັງ ຈະເຮັດໃຫ້ເຮົາໃສ່ໃຈໃນການຟັງຫຼາຍຂຶ້ນ ບໍ່ແມ່ນມີແຕ່ຟັງຢ່າງດຽວ.

9 ຟັງຢ່າງຕັ້ງໃຈຖ້າເຮົາຈະເສຍສະລະເວລາ ວັນລະ 20-30 ນາທີ ເພື່ອການຝຶກຟັງພາສາອັງກິດ ກໍ່ຕ້ອງໃຫ້ທັງໃຈໄປພ້ອມກັບ 2 ຫູ ຖ້າຟັງແຕ່ຫູບໍ່ໃຫ້ໃຈຝຶກຟັງ ກໍ່ມັກຈະບໍຄ່ອຍໄດ້ຜົນ.

10 ຟັງດ້ວຍຄວາມສຸກເຖິງຍັງຟັງບໍ່ຄ່ອຍຮູ່ເລື່ອງ ກໍ່ບໍ່ໄດ້ແປ່ວ່າຟັງບໍ່ໄດ້ເລື່ອງ ເຖິງແມ່ນວ່າໃນໄລຍະທໍາອິດ ອາດຈະຮູ້ສຶກວ່າທໍ້ ແຕ່ຮຽນພາສາອັງກິດບໍ່ມີທາງລັດ ຄົນທີ່ຊອກຫາແຕ່ທາງລັດ ແລະ ບໍ່ຄ່ອຍຕັ້ງໃຈໄປຕາມທາງທີ່ຄ່ອຍເປັນຄ່ອຍໄປ ຈະໄປເຖິງປາຍທາງໄດ້ຊ້າກວ່າຄົນທີ່ຄ່ອຍໄປຕາມຂັ້ນຕອນ.

>>ຂອບໃຈ https://www.facebook.com/NaNaSaRaNaRu

ບົດຄວາມຫຼ້າສຸດ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ

ສະເໜີໃຫ້ລັດຖະບານເອົາໃຈໃສ່ຈັດຕັ້ງປະຕິບັດ 7 ບັນຫາ ໃນການພັດທະນາພະລັງງານໄຟຟ້າ ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງຂ່າວຜົນການພິຈາລະນາບົດລາຍງານຂອງລັດຖະບານ ໃນການຈັດຕັ້ງປະຕິບັດບັນດານະໂຍບາຍ, ນິຕິກຳ, ກົນໄກ ໃນການພັດທະນາພະລັງງານໄຟຟ້າໃນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ...

ຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ

ຖວທ ແຂວງຄໍາມ່ວນ ອອກແຈ້ງການ ຢຸດການອອກໃບອະນຸຍາດ ຮ້ານບັນເທີງ-ຄາລາໂອເກະ ທີ່ເຄື່ອນໄຫວບໍ່ຖືກຕ້ອງ ອີງຕາມແຈ້ງການຂອງພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງຄຳມ່ວນ ລົງເມື່ອວັນທີ 12 ມິຖຸນາ 2025...

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ

ບໍລິສັດ ເອັສຊີລໍລຸກໂຊຕຕິກ້າ EssilorLuxottica ເປີດສາຂາສອງຢ່າງເປັນທາງການ ເພື່ອຂະຫຍາຍກຳລັງການຜະລິດໃນ ສປປ ລາວ ແລະ ສະໜັບສະໜູນການເຕີບໂຕຂອງຕະຫຼາດໃນພາກພື້ນ ວັນທີ 11 ມິຖຸນາ 2025 ທີ່ແຂວງສະຫວັນນະເຂດ, ເອັສຊີລໍລຸກໂຊຕຕິກ້າ...

ອິນເດຍປະກາດເຕືອນໄພລະດັບ ສີແດງ ກຽມຮັບມືຄື່ນຄວາມຮ້ອນຮຸນແຮງສູງເຖິງ 51.9 ອົງສາ

ອິນເດຍປະກາດເຕືອນໄພລະດັບ ສີແດງ ກຽມຮັບມືຄື່ນຄວາມຮ້ອນຮຸນແຮງດັດສະນີຄວາມຮ້ອນສູງເຖິງ 51.9 ອົງສາ ຂະນະດຍວກັນຄຸນນະພາບອາກາດກໍຢູ່ໃນລະດັບ ບໍ່ດີ ດັດສະນີຄຸນນະພາບອາກາດຢູ່ທີ 245 ເຊິ່ງສູງເກີດເກນມາດຕະຖານ ສົ່ງຜົນກະທົບຕໍ່ສຸຂະພາບະຊາຊົນ. ໃນວັນທີ 11 ມິຖຸນາ 2025...