spot_img
Homeສຸຂະພາບ ແລະ ສີ່ງແວດລ້ອມອາຫານຫລຸດອາການເຈັບຫົວ

ອາຫານຫລຸດອາການເຈັບຫົວ

Published on

ดาวน์โหลด

ຂໍ້​ດີ​ຂອງ​ອາຫານ​ທຳມະຊາດ ສຳຫລັບ​ຄົນ​ບໍ່​ຕ້ອງ​ການ​ກິນ​ຢາ ຫລື​ ມີ​ອາການ​ໜ້ອຍໜຶ່ງ ເຊັ່ນ ​ການ​ເຈັບ​ຫົວ ຊຶ່ງ​ຫລາຍ​ຄົນ​ມັກ​ຈະ​ເກີດ​ອາການ​ຂຶ້ນ​ເປັນ​ປະຈຳ​ ​ມາ​ເບິ່ງ​ກັນ​ວ່າ ອາຫານ​ຫຍັງ​ແນ່ທີ່​ເຮັດ​​ໃຫ້​ອີ່ມ​ທ້ອງ​ແຖມ​ຍັງ​ເປັນ​ຢາ ຊ່ວຍ​ປິ່ນປົວ​ຮ່າງກາຍ​ໄດ້​ນໍາອີກ

ປາ​ທະ​ເລ ​ເຊັ່ນ ປາ​ທູ ປາ​ແຊວມອນ ປາ​ກະ​ພົງ ເນື່ອງ​ຈາກ​ປາ​ທະ​ເລ​ມີ​ໂປ​ຕີນ​ສູງ​ຊຶ່​ງ​ຫນ້າທີ່​ຄວບ​ຄຸມ​ລະ​ດັບ​ນ້ຳ​ຕານ​ໃນ​ຮ່າງກາຍ​ໃຫ້​ຄົງ​ທີ່​ເມື່ອ​ລະ​ດັບ​ນ້ຳ​ຕານ​ຄົງ​ທີ່​ອາການ​ເຈັບ​ຫົວ​ກໍ​ຈະຫ​ລຸດລົງ ລວມ​ທັງ​ມີ​ກົດ​ໄຂ​ມັນ​ໂອ​ເມ​ກ້າ3 ທີ່​ເປັນ​ກົດ​ໄຂ​ມັນ​ທີ່​ຈຳ​ເປັນ​ຕໍ່​ຮ່າງກາຍ​ເປັນ​ຕົວ​ຊ່ວຍຫ​ລຸດ​ການ​ອັກ​ເສບ​ຫລຸດ​ອາການ​ເຈັບປວດ

ກ້ວຍ ຫມາກໄມ້​ຫາ​ງ່າຍ​ມີ​ຫລາກ​ຫລາຍ​ສາຍ​ພັນ​ມີ​ຢູ່​ທຸກ​ລະດູ ລາ​ຄາ​ບໍ່​ແພງ​ຫລາຍ ກ້ວຍ​ເປັນ​ຫມາກໄມ້​ທີ່​ມີ​ສານ​ອາຫານ​ທີ່​ດີ​ຕໍ່​ຮ່າງກາຍ​ຫລາຍ​ຊະນິດ ທັງ​ວິ​ຕາ​ມິນ​ເອ ວິ​ຕາ​ມິນ​ບີ ວິ​ຕາ​ມິນ​ຊີ ແລະ​ ທີ່​ສຳຄັນ​ມີ​ແຮ່ທາດ ​ໂພ​ແທດ​ຊຽມ ທີ່​ຊ່ວຍ​ປັບ​ສົມ​ດຸນ​ແຮ່ທາດ​ໃນ​ຮ່າງກາຍ ຈາກ​ການສຶກສາ​ພົບ​ວ່າ ​ກ້ວຍ​ຊ່ວຍ​ຫລຸດ​ຄວາມ​ຄຽດ ​ແລະ ​ເຮັດໃຫ້​ເກີດ​ຄວາມ​ສຸກ

ຂີງສະໝຸນ​ໄພ​ ສາມາດ​ນຳ​ມາ​ປຸງ​ອາຫານ​ໄດ້​ທັງ​ຄາວ ​ແລະ ​ຫວານ ຫລື ​ເຄື່ອງ​ດື່ມ ຂີງ​ຈະ​ຊ່ວຍ​ໃຫ້​ຜ່ອນ​ຄາຍ ເລືອດ​ລົມ​ໄຫລ​ວຽນ​ໄດ້​ດີ​ຜັກ​ສີ​ຂຽວ​ເຂັ້ມ​ເຊັ່ນ ຜັກ​ຂົມ
ຜັກ​ກາດນາ ຜັກຕໍານິນ ນອກ​ຈາກ​ຈະ​ມີ​ໃຍ​ອາຫານ​ສູງ​ທີ່​ຊ່ວຍ​ໃຫ້​ຂັບ​ຖ່າຍ​ຂອງ​ເສຍ​ອອກ​ມາ​ໄດ້​ດີ​ແລ້ວ ຍັງມີ​ສານ​ ຄໍ​ໂລ​ຟິນ ທີ່​ປຽບ​ຄື​ໂຕ​ລ້າງ​ພິດ​ເຮັດໃຫ້​ຮ່າງກາຍ​ສາມາດ​ຮັບ​ອອກ​ຊິ​ເຈນ​ໄດ້​ຫລາຍ​ຂຶ້ນ ອາການ​ປວດ​ກໍ​ຈະ​ຫລຸດລົງ

ທັນຍະ​ພືດ​ທຳມະຊາດ​ບໍ່​ຂັດ​ສີ​ເຊັ່ນ ເຂົ້າ​ກ້ອງ ໝາກເດືອຍ ຖົ່ວ​ແດງ ງາ ອາຫານ​ໃນ​ກຸ່ມ​ນີ້​ ຈະ​ມີ​ວິ​ຕາ​ມິນ​ໃນ​ກຸ່ມ​ວິ​ຕາ​ມິນ​ບີ​ສູງ ຊຶ່ງ​ເປັນ​ຕົວ​ຊ່ວຍ​ໃນ​ສານ​ສື່​ປະສາດ​ຂອງ​ຮ່າງກາຍ​ໃຫ້​ເຮັດວຽກ​ໄດ້​ດີ​ຊ່ວຍ​ຢຸດ​ອາການ​ເຈັບ​ຫົວ

​ສາລີ​ເນື່ອງ​ຈາກ​ສາລີ ມີ​ວິ​ຕາ​ມິນ​ບີ 3 ຫລື​ ໄນ​ອະ​ຊິນ​ ສູງ ມີ​ສ່ວນ​ຊ່ວຍ​ໃຫ້​ການ​ໄຫລ​ວຽນ​ເລືອດ​ໄປ​ສູ່​ສະຫມອງ​ໄດ້​ດີ​ຂຶ້ນ ແລະ​ ຫລຸດ​ຄວາມ​​ຕຶງຄຽດ​ຂອງ​ກ້າມ​ຊີ້ນ

ດື່ມ​ນົມ​ຈືດ​ດີກວ່າ​ນົມ​ປຸງ​ລົດ​ຊາ
1 ມິ​ຖຸ​ນາ ທຸກ​ປີ ອົງການ​ອາຫານ​ ແລະ ​ກະເສດ​ແຫ່ງ​ສະ​ຫະ​ປະ​ຊາ​ຊາດ ຫລື ເອ​ຟ​ເອ​ໂອ (FAO) ກໍານົດ ໃຫ້ເປັນ​ມື້​ດື່ມ​ນົມ​ໂລກ (World
Milk Day) ເພື່ອ​ໃຫ້​ປະເທດ ​ແລະ ​ອົງກອນ​ຕ່າງໆ ໃຫ້​ຄວາມ​ສໍາ​ຄັນ ​ແລະ ​ສະໜັບສະໜູນ ປຸກລະດົມ​ໃຫ້​ປະຊາຊົນ​ມີ​ຄວາມ​ຮູ້​ຄວາມ​ເຂົ້າໃຈ​ເລື່ອງ​ສັບ​ພະຄຸນ​ຂອງ​ນົມ ແລະ​ດື່ມ​ນົມ​ຢ່າງ​ພຽງ​ພໍ

ໃຜ​ທີ່​ນິຍົມ​ການ​ດື່ມ​ນົມ​ຢູ່​ແລ້ວ ຮູ້​ຫລື​ບໍ່​ວ່າ
ການ​ດື່ມ​ນົມ​ຈືດ​ ຈະ​ຫລຸດ​ພຶດຕິກຳ​ການ​ຕິດ​ຫວານ ຫລຸດ​ສ່ຽງ​ຕໍ່​ການ​ເກີດ​ພະຍາດ​ຕຸ້ຍ ແລະ​ ລຸດ​ຄວາມ​ສ່ຽງ​ໃນ​ການ​ເກີດ​ແຂ້ວແມງ​ນໍາອີກ ມີ​ຜົນ​ການສຶກສາ​ບອກໃຫ້​ເຫັນ​ວ່າ​ການ​ດື່ມ​ນົມ​ມື້​ລະ​ປະ​ມານ 2 ຈອກ ຫລື ​ປະ​ມານ 400-500 ຊີ​ຊີ ຮ່ວມ​ກັບ​ການ​ຮັບກິນ​ອາຫານ​ຄົບ 5 ໝູ່​ ​ແລະ ​ການ​ອອກ​ກຳ​ລັງ​ກາຍ​ປະ​ເພດ​ທີ່​ມີ​ການ​ຍືດ​ຕົວ ຈະ​ຊ່ວຍ​ເພີ່ມ​ຄວາມ​ສູງ​ໄດ້

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...