ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ.
ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological Agency) ເປີດເຜີຍວ່າ: ຍີ່ປຸ່ນປະເຊີນຕື່ນຄວາມຮ້ອນຮຸນແຮງອີກຮອບ ໂດຍທີ່ເມືອງອິເຊຊາກິ ທີ່ຢູ່ໃກ້ກັບນະຄອນໂຕກຽວ ວັດແທກອຸນຫະພູມສູງສຸດໄດ້ທີ່ 41.8 ອົງສາ ນັບເປັນສະຖິຕິໃໝ່ຂອງປະເທດ ຈາກທີ່ເຄີຍວັດແທກໄດ້ 41.2 ອົງສາ ເມື່ອວັນທີ 6 ສິງຫາ 2025 ຜ່ານມາ ຢູ່ທີ່ເມືອງທຳບະ ແຂວງຫຽວງະ ຢູ່ທາງພາກຕາເວັນຕົກຂອງປະເທດຍີ່ປຸ່ນ.
ເຊິ່ງປີນີ້ເປັນຄັ້ງທີ 6 ທີ່ອຸນຫະພູມໃນຍີ່ປຸ່ນທະລຸ 40 ອົງສາຂະນະທີ່ທາງການໄດ້ປະກາດເຕືອນ ພາວະໂຣກລົມແດດ 44 ຈາກ 47 ແຂວງທົ່ວປະເທດພ້ອມຂໍໃຫ້ປະຊາຊົນຫຼີກຫຼ່ຽງການອອກນອກບ້ານໂດຍບໍ່ຈຳເປັນ ຢູ່ໃນພື້ນທີ່ຮົ່ມທີ່ມີເຄື່ອງປັບອາກາດ ແລະ ດື່ມນ້ຳ ແລະ ນ້ຳດື່ມເກືອແຮ່ໃຫ້ພຽງພໍ.
ແຫຼ່ງຂ່າວ: ໄທລັດ