ແຈ້ງເຕືອນ 5 ເມືອງໃນແຂວງອັດຕະປືກຽມຮັບມື ເຂື່ອນໄຟຟ້າ ອາເລື່ອຍ ຈະມີການປ່ອຍນ້ຳ ໃນວັນທີ 12 ມິຖຸນາ 2025.
ອີງຕາມແຈ້ງການຂອງຄະນະກຳມະການຄຸ້ມຄອງໄພພິບັດຂັ້ນແຂວງອັດຕະປື ລົງເມື່ອວັນທີ 11 ມິຖຸນາ 2025 ກ່ຽວກັບແຈ້ງການ ປ່ອຍນ້ຳ ບໍລິສັດ ຫຸ້ນສ່ວນໄຟຟ້ານ້ຳຕົກ ພາກກາງ ( ເຄື່ອນໄຟຟ້າ ອາເລື່ອຍ )ໃນຄັ້ງວັນທີ 12 ມິຖຸນາ 2025.
ພະແນກ ແຮງງານ ແລະ ສະຫັວດດີການສັງຄົມ ແຂວງ ໃນນາມຮອງປະທານຄະນະກໍາມະການຄຸ້ມ ຄອງໄພພິບັດຂັ້ນແຂວງ ( ຜູ້ປະຈໍາການ ) ຂໍຖືເປັນກຽດ ແຈ້ງມາຍັງ ປະທານ ຄະນະກໍາມະການຄຸ້ມຄອງ ໄພພິບັດ ຂັ້ນເມືອງ 5 ເມືອງ ຊາບວ່າ ໃນວັນທີ 12 ມິຖຸນາ 2025 ນີ້ ທາງບໍລິສັດ ຫຸ້ນສ່ວນໄຟຟ້ານໍ້າຕົກ ພາກກາງ (ເຂື່ອນໄຟຟ້າ ອາເລື່ອຍ) ຈະໄດ້ມີການປ່ອຍນາ ໃນວັນທີ 12 ມີຖຸນາ 2025 ນີ້ ເຊິ່ງຄາດຄະເນປ່ອຍນໍ້າ ເຖິງ Boom3/ວິນາທີ ເຊິ່ງອາດເຮັດໃຫ້ປະລິມານນໍ້າມີການເພີ່ມຂື້ນຢ່າງກະທັນຫັນ ໃນບາງບ່ອນ, ບາງພື້ນທີ່ຕໍ່າ ເຊິ່ງອາດເຮັດໃຫ້ ມີນໍ້າຖ້ວມອັ່ງ, ນໍ້າຖ້ວມຊຸ, ດິນເຈື່ອນ ແລະ ຕາຝັ່ງເຈື່ອນ
ສະນັ້ນ, ພະແນກ ຮສສ ແຂວງ ໃນນາມຮອງປະທານ ຄະນະກໍາມະການຄຸ້ມຄອງໄພພິບັດຂັ້ນແຂວງ (ຜູ້ປະຈໍາການ) ຈຶ່ງແຈ້ງການມາຍັງ ປະທານ ຄພມ 5 ເມືອງຊາບ ແລະ ແຈ້ງເຕືອນພໍ່ແມ່ປະຊາຊົນ ທີ່ອາໃສ່ຢູ່ ແຄມແມ່ນໍ້າລໍາເຊຕ່າງໆໃຫ້ຮັບຊາບຂໍ້ມູນຂ່າວສານ ແລະ ມີສະຕິລະວັງຕົວພ້ອມປ້ອງກັນ, ຮັບມືກັບເຫດການ ໄພພິບັດທີ່ອາດເກີດຂື້ນໃຫ້ທັນເວລາ.