spot_img
Homeຂ່າວພາຍ​ໃນມະນີຍົມ ອໍໂຕ້ ກຣຸບ ກາຍເປັນຕົວແທນຜະລິດຕະພັນ ເອຊີແດລໂກ (ACDelco) ຢ່າງເປັນທາງການໃນລາວພຽງຜູ້ດຽວ

ມະນີຍົມ ອໍໂຕ້ ກຣຸບ ກາຍເປັນຕົວແທນຜະລິດຕະພັນ ເອຊີແດລໂກ (ACDelco) ຢ່າງເປັນທາງການໃນລາວພຽງຜູ້ດຽວ

Published on

ໃນວັນທີ 28 ມີນາ 2025 ບໍລິສັດ ມະນີຍົມ ອໍໂຕ້ ກຣຸບ ໄດ້ມີພິທິເຊັນສັນຍາຢ່າງເປັນທາງການ ເພື່ອກາຍເປັນຕົວແທນຈຳໜ່າຍຜະລິດຕະພັນ ເອຊີແດລໂກ (ACDelco) ໃນລາວ ຢ່າງເປັນທາງການ. ພິທີລົງນາມໄດ້ຈັດຂຶ້ນທີ່ສູນບໍລີການ ມະນີຍົມ ໂດຍມີ ທ່ານ ສຸກສະໝອນ ສີຫາເທບ, ປະທານບໍລິສັດ ມະນີຍົມ ອໍໂຕ້ ກຣຸບ ແລະ ທ່ານ ກິດສະນະມິດ, ຜູ້ອຳນວຍການຝ່າຍບໍລິການຫຼັງການຂາຍປະເທດໄທ ແລະ ສົ່ງອອກ ບໍລິສັດ ເຊບໂຣເລດ ເຊວສ໌ ປະເທດໄທ ຈຳກັດ ເຂົ້າຮ່ວມ.

ທ່ານ ສຸກສະໝອນ ສີຫາເທບ ໄດ້ເນັ້ນຢໍ້າເຖິງຄວາມສຳຄັນຂອງການຮ່ວມມືຄັ້ງນີ້ ແລະ ຄວາມມຸ່ງໝັ້ນຂອງບໍລິສັດ ມະນີຍົມ ອໍໂຕ້ ກຣຸບ ທີ່ຈະນຳເອົາຜະລິດຕະພັນທີ່ມີຄຸນນະພາບສູງຂອງ ເອຊີແດລໂກ ມາສູ່ຕະຫຼາດລາວ.

ພ້ອມກ່າວວ່າ “ພວກເຮົາມີຄວາມຮູ້ສຶກເປັນກຽດຢ່າງຍິ່ງທີ່ໄດ້ຮ່ວມມືກັບບໍລິສັດ ເຊບໂຣເລດ ເຊວສ໌ ປະເທດໄທ ຈຳກັດ ເພື່ອເປັນຕົວແທນຜະລິດຕະພັນ ເອຊີແດລໂກ ຢ່າງເປັນທາງການໃນລາວ” ແລະ “ພວກເຮົາເຊື່ອວ່າຜະລິດຕະພັນ ເອຊີແດລໂກ ທີ່ມີຊື່ສຽງໃນດ້ານຄຸນນະພາບ ແລະ ຄວາມໜ້າເຊື່ອຖືໃນລະດັບ ຈະຄວາມໄວ້ວາງໃຈ ພ້ອມຕອບສະໜອງຄວາມຕ້ອງການຂອງຜູ້ບໍລິໂພກໃນລາວໄດ້ເປັນຢ່າງດີ.”

ນອກຈາກນີ້ ທ່ານ ກິດສະນະມິດ ໄດ້ກ່າວເຖິງຄວາມໝັ້ນໃຈຂອງບໍລິສັດ ເຊບໂຣເລດ ເຊວສ໌ ປະເທດໄທ ຈຳກັດ ຕໍ່ບໍລິສັດ ມະນີຍົມ ອໍໂຕ້ ກຣຸບ ໃນການເປັນຕົວແທນຈຳໜ່າຍຜະລິດຕະພັນ ເອຊີແດລໂກ ໃນລາວ ວ່າການຮ່ວມມືຄັ້ງນີ້ຈະຊ່ວຍໃຫ້ຜູ້ບໍລິໂພກໃນລາວສາມາດເຂົ້າເຖິງຜະລິດຕະພັນ ເອຊີແດລໂກ ໄດ້ງ່າຍຂຶ້ນ, ເຊິ່ງລວມມີແບັດເຕີຣີ,ນ້ຳມັນເຄື່ອງ ແລະ ອາໄຫຼ່ລົດອື່ນໆ ທີ່ມີຄຸນນະພາບສູງ. ບໍລິສັດ ມະນີຍົມ ອໍໂຕ້ ກຣຸບ ຈະໃຫ້ບໍລິການຫຼັງການຂາຍທີ່ດີເລີດແກ່ລູກຄ້າທຸກທ່ານທີ່ມາໃຊ້ບໍລິການ.

ບໍລິສັດ ມະນີຍົມ ອໍໂຕ້ ກຣຸບ ຈະກາຍເປັນຕົວແທນ ຜະລິດຕະພັນ ເອຊີແດລໂກ ຢ່າງເປັນທາງການໃນລາວ ພ້ອມຈະມີສູນບໍລິການຫຼັງການຂາຍ ເພື່ອຕອບສະໝອງຄວາມຕ້ອງການຂອງຕະຫຼາດໃນລາວ ການຮ່ວມມືກັນໃນຄັ້ງນີ້ຖືວ່າເປັນບາດກ້າວໜ້າທີ່ສຳຄັນຂອງວົງການອາໄຫຼ່ລົດ.

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...