spot_img
Homeຂ່າວພາຍ​ໃນແຈ້ງການປະກອບຂໍ້ມູນສິນຄ້າໃສ່ກະຕ່າຂອງຂວັນ ແລະ ຄູສັງຄະທານ ກ່ອນວາງຈໍາຫນ່າຍໃຫ້ ຜູ້ຊົມໃຊ້

ແຈ້ງການປະກອບຂໍ້ມູນສິນຄ້າໃສ່ກະຕ່າຂອງຂວັນ ແລະ ຄູສັງຄະທານ ກ່ອນວາງຈໍາຫນ່າຍໃຫ້ ຜູ້ຊົມໃຊ້

Published on

ກະຊວງອຸດສາຫະກໍາ ແລະ ການຄ້າ ອອກແຈ້ງການເຖິງບັນດາຜູ້ປະກອບການຂາຍສິນຄ້າ ປະເພດກະຕ່າຂອງຂວັນ ແລະ ຄຸສັງຄະທານ ໃນຂອບເຂດທົ່ວປະເທດ ກ່ຽວກັບການປະກອບຂໍ້ມູນສິນຄ້າໃສ່ກະຕ່າຂອງຂວັນ ແລະ ຄູສັງຄະທານ ກ່ອນວາງຈໍາຫນ່າຍໃຫ້ ຜູ້ຊົມໃຊ້.

ຫ້ອງການກະຊວງ ອຸດສາຫະກໍາ ແລະ ການຄ້າ ອອກແຈ້ງການ:
1. ໃຫ້ຜູ້ປະກອບການທີ່ຂາຍກະຕ່າຂອງຂວັນ ແລະ ຄູສັງຄະທານ ໃນຂອບເຂດທົ່ວປະເທດ ຕ້ອງຕິດສະຫຼາກ ສິນຄ້າເປັນພາສາລາວ ໃສ່ກະຕ່າຂອງຂວັນ ແລະ ຄຸສັງຄະທານ ລະບຸເນື້ອໃນຄື: ຈໍານວນສິນຄ້າ, ຊະນິດ ສິນຄ້າ, ວັນເດືອນປີຫມົດອາຍຸ, ຊື່ວິສາຫະກິດ ຫຼື ຮ້ານຄ້າທີ່ຂາຍກະຕ່າຂອງຂວັນ ຫຼື ຄຸສັງຄະທານ ພ້ອມເປີ ໂທຕິດຕໍ່. ນອກນັ້ນ, ສິນຄ້າທີ່ມາປະກອບຕ້ອງເປັນສິນຄ້າຕົງປົກ ດ້ານນອກກົງກັບດ້ານໃນ;

2. ໃຫ້ພະແນກອຸດສາຫະກໍາ ແລະ ການຄ້າ ແຂວງ, ນະຄອນຫຼວງ ແຕ່ງຕັ້ງເຈົ້າຫນ້າທີ່ການຄ້າ ໂດຍສົມທົບກັບ ຫ້ອງການອຸດສາຫະກໍາ ແລະ ການຄ້າເມືອງ, ນະຄອນ ເອົາໃຈໃສ່ໃນການໂຄສະນາເຜີຍແຜ່ວຽກງານປົກ ປ້ອງຜູ້ຊົມໃຊ້ ແລະ ລົງຕິດຕາມກວດກາບັນດາຮ້ານຄ້າທີ່ຂາຍກະຕ່າຂອງຂວັນ ແລະ ຄູສັງຄະທານ ຢ່າງ ເປັນປົກກະຕິ ໂດຍສະເພາະກ່ອນເທດສະການ ງານຕ່າງໆ ເປັນຕົ້ນ: ປີໃຫມ່ລາວ, ປີໃຫມ່ສາກົນ ແລະ ວັນ ສໍາຄັນຕ່າງໆ. ກໍລະນີ ຫາກພົບເຫັນການລະເມີດ ໃຫ້ນໍາໃຊ້ມາດຕະການຕາມກົດຫມາຍ ແລະ ລະບຽບການ ຢ່າງ ເຂັ້ມງວດ;

3. ສໍາລັບຜູ້ຊົມໃຊ້ ໃນການເລືອກຊື້ສິນຄ້າປະເພດກະຕ່າຂອງຂວັນ ແລະ ຄູສັງຄະທານ ຄວນເລືອກຊື້ຈາກ ຮ້ານ ທີ່ມີຫນ້າຮ້ານເຊື່ອຖືໄດ້, ໃບບິນຊື້-ຂາຍ ຫຼື ຫຼັກຖານການໂອນເງິນ. ກໍລະນີທີ່ໄດ້ຮັບຜົນກະທົບ ຫຼື ສິນຄ້າທີ່ບໍ່ໄດ້ຄຸນນະພາບ ຫຼື ອື່ນໆ ສາມາດແຈ້ງຂໍ້ມູນໂດຍກົງຕໍ່ຫ້ອງການອຸດສາຫະກໍາ ແລະ ການຄ້າ ເມືອງ, ນະຄອນ, ພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງ, ກົມແຂ່ງຂັນທາງທຸລະກິດ ແລະ ກວດກາການຄ້າ, ກະຊວງອຸດສາຫະກໍາ ແລະ ການຄ້າ ຫຼື ຜ່ານສາຍດ່ວນປົກປ້ອງຜູ້ຊົມໃຊ້ ຫມາຍ ເລກ 1510 ຫຼື ຜ່ານເຟດບຸກເພສ ສາຍດ່ວນປົກປ້ອງຜູ້ຊົມໃຊ້;

4. ມອບໃຫ້ບັນດາພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງວຽງຈັນ ສະຫຼຸບລາຍງານຜົນ ການຈັດຕັ້ງປະຕິບັດມາຍັງກົມແຂ່ງຂັນທາງທຸລະກິດ ແລະ ກວດກາການຄ້າ ເປັນປະຈໍາທຸກ 03 ເດືອນ ເພື່ອລາຍງານ ແລະ ຂໍທິດຊີ້ນໍາຈາກຄະນະນໍາກະຊວງອຸດສາຫະກໍາ ແລະ ການຄ້າ.

ບົດຄວາມຫຼ້າສຸດ

ພະຍາກອນອາກາດ ແຕ່ເວລາ 07 ໂມງ ຂອງວັນທີ 28/03/2025 ຫາ ເວລາ 07 ໂມງ ຂອງວັນທີ 29/03/2025

ກົມອຸຕຸແຈ້ງເຕືອນສະພາບອາກາດ 28/3/25 ພາກເໜືອຈະມີອາກາດຮ້ອນ-ຮ້ອນເອົ້າ ສ່ວນພາກກາງມີເນື້ອທີ່ຝົນປົກຫຸ້ມ 50%. ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກ ຂອງປະເທດລາວ ດ້ວຍກໍາລັງອ່ອນ ຫາປານກາງ, ສົມທົບກັບກະແສລົມ ຕາເວັນຕົກພັດປົກຄຸມ, ຊຶ່ງຈະເຮັດໃຫ້ອາກາດຍັງສືບຕໍ່ຮ້ອນ ພ້ອມມີ ໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ລະພາກ...

ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ

ເພື່ອຍົກລະດັບການຂົນສົ່ງ ຂອງ ສປປ ລາວ ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ. ເຊັນສັນຍາຮ່ວມມືຍຸດທະສາດດ້ານການຂົນສົ່ງດິຈິຕອນ-ໂລຈິສຕິກພາຍໃນປະເທດຂອງດ່ານສາກົນສິນຄ້າທ່າບົກທ່ານາແລ້ງ ເພື່ອຍົກລະດັບການຂົນສົ່ງ ຂອງ ສປປ ລາວ ຮອງຮັບການນໍາເຂົ້າ - ສົ່ງອອກ, ສົ່ງອອກຕໍ່ ແລະ ຜ່ານແດນ...

ພະຍາກອນອາກາດ ປະຈໍາວັນທີ 27 ມີນາ 2025, ເວລາ 12 ໂມງ 00

ຮ້ອນຈັດອາກາດຕອນສວາຍ ພາກເໜືອມີອຸນຫະພູມສູງສຸດ 40 ອົງສາ ສ່ວນພາກໃຕ້ມີເນື້ອທີ່ຝົນປົກຫຸ້ມ 50% ຄວາມກົດດັນຕໍ່າຂອງອາກາດຮ້ອນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນຕົກພັດປົກຄຸມ, ຊຶ່ງຈະເຮັດໃຫ້ ອາກາດຍັງສືບຕໍ່ຮ້ອນ ພ້ອມມີຫມອກແຫ້ງປົກຫຸ້ມຢູ່ທົ່ວໄປໃນຕອນກາງເວັນຢູ່ໃນແຕ່ ລະພາກ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ...

ເກົາຫຼີໃຕ້ປະເຊີນກັບໄຟປ່າຄັ້ງທີ່ຮ້າຍແຮງທີ່ສຸດ ຫຼ້າສຸດເສຍຊີວິດແລ້ວ 24 ຄົນ

ສະຖານະການໄຟປ່າທາງພາກຕາເວັນອອກສຽງໃຕ້ ລຸກລາມຢ່າງໄວວາ ຫຼ້າສຸດເສຍຊີວິດທັງໝົດ 24 ຄົນ ແລະ ບາດເຈັບອີກຫຼາຍຄົນ. ສຳນັກຂ່າວຕ່າງປະເທດລາຍງານໃນວັນທີ 27 ມີນາ 2025 ກ່ຽວກັບສະຖານະການໄຟປ່າຄັ້ງຮ້າຍແຮງທີ່ສຸດໃນພາກຕາເວັນອອກສຽງໃຕ້ຂອງເກົາຫຼີໃຕ້ ທີ່ຍັງຄົງລຸກລາມເຜົາວັດເກົ່າແກ່ ແລະ ໄໝ້ອາຄານມໍລະດົກໂລກ...