spot_img
Homeຂ່າວຄວາມສະຫງົບຈັບກຸມ 3 ສ່ຽວໂຈນອາຍຸ 15 ປີ ກໍ່ເຫດລັກລົດຈັກ

ຈັບກຸມ 3 ສ່ຽວໂຈນອາຍຸ 15 ປີ ກໍ່ເຫດລັກລົດຈັກ

Published on

ອີງຕາມການລາຍງານຂອງ ເຈົ້າໜ້າທີ່ໜ່ວຍງານຄະດີອາຍາ ພະແນກຕຳຫຼວດ ປກສ ເມືອງຫຼວງນໍ້າທາ ແຂວງຫຼວງນ້ຳທາ ໄດ້ຮັບແຈ້ງຈາກປະຊາຊົນວ່າ: ມີຄົນຮ້າຍເຄື່ອນໄຫວລັກຊັບປະເພດລົດຈັກ ເປັນຈຳນວນ 11 ລາຍ; ດັ່ງນັ້ນ, ເຈົ້າໜ້າທີ່ ຈຶ່ງໄດ້ສ້າງແຜນຂຶ້ນບັນຊີເປົ້າໝາຍ ຜູ້ທີ່ເຄື່ອນໄຫວລັກຊັບ ແລະ ສາມາດກັກໄດ້ຜູ້ຖືກຫາໄດ້ 3 ຄົນ ຊື່ ທ້າວ ເອັບເອັມ ອາຍຸ 16 ປີ ປະຊາຊົນ ຢູ່ ບ້ານປ່າຄາ ເມືອງລອງ ແຂວງຫຼວງນໍ້າທາ, ທ້າວໄກສອນ ອາຍຸ 16 ປີ ປະຊາຊົນ ຢູ່ ບ້ານວຽງທອງ ເມືອງຫຼວງນ້ຳທາ ແລະ ທ້າວ ເອກ ອາຍຸ 15 ປີ ນັກຮຽນ ຢູ່ ບ້ານຫຼວງ ເມືອງຫຼວງນໍ້າທາ ແຂວງຫຼວງນໍ້າທາ ພ້ອມຍຶດຂອງກາງລົດຈັກ ຈໍານວນ 4 ຄັນ ມາດໍາເນີນການສອບສວນ.

ຜ່ານການສອບສວນ ຜູ້ກ່ຽວທັງ 3 ຄົນ ໃຫ້ການຕໍ່ເຈົ້າໜ້າທີ່ຕຳຫຼວດວ່າ: ໃນທ້າຍເດືອນ ທັນວາ 2024 ຫາ ເດືອນ ມັງກອນ 2025, ຜູ້ກ່ຽວ ໄດ້ເຄື່ອນໄຫວລັກຊັບ ປະເພດລົດຈັກມາແລ້ວຫຼາຍຄັ້ງ ຢູ່ເຂດຮ້ານອາຫານບັນເທິງ ແລະ ຮ້ານກິນດື່ມຕ່າງໆ ພາຍໃນແຂວງ ແລະ ບັນດາເມືອງ; ວິທີການລັກ ແມ່ນໄດ້ຫັກຄໍລົດຈັກ, ພາຍຫຼັງທີ່ລັກໄດ້ມາແລ້ວ ແມ່ນໄດ້ປັບປ່ຽນ, ສະລັບສີອາໄລຂອງລົດ ແລ້ວນຳໄປເລາະຂາຍຕໍ່ຢູ່ບັນດາຮ້ານສ້ອມແປງລົດ, ບຸກຄົນ ແລະ ຂາຍອອນລາຍທາງກຸ່ມເຟສບຸກ; ພໍຮອດ ວັນທີ 25 ທັນວາ 2024 ແລະ ວັນທີ 5 ມັງກອນ 2025 ໄດ້ຖືກເຈົ້າໜ້າທີ່ກັກຕົວມາດໍາເນີນຄະດີ.

ຕໍ່ກັບພວກກ່ຽວທັງ 3 ຄົນ, ທາງເຈົ້າໜ້າທີ່ຕຳຫຼວດ ປກສ ແຂວງ ໄດ້ກັກຂັງໄວ້ ພ້ອມທັງໄດ້ຍຶດຂອງກາງລົດຈັກ 4 ຄົນໄວ້ ເພື່ອສືບຕໍ່ສອບສວນຂະຫຍາຍພົນຫາພັກພວກກຸ່ມແກ້ງ ມາດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...