Homeຂ່າວຕ່າງປະເທດກະຊວງສຶກສາທິການໄທ ຍົກເລິກຊົງຜົມນັກຮຽນ ໃຫ້ສິດເສລີພາບຕໍ່ຜູ້ຮຽນ ໂດຍບໍ່ລະບຸຄວາມຍາວ

ກະຊວງສຶກສາທິການໄທ ຍົກເລິກຊົງຜົມນັກຮຽນ ໃຫ້ສິດເສລີພາບຕໍ່ຜູ້ຮຽນ ໂດຍບໍ່ລະບຸຄວາມຍາວ

Published on

ກະຊວງສຶກສາທິການໄທ ຍົກເລິກຊົງຜົມນັກຮຽນ ບໍ່ລະບຸຄວາມຍາວ ເປີດກວ້າງຮັບຟັງຄວາມຄິດເຫັນ ພ້ອມເປີດໃຫ້ທາງໂຮງຮຽນໂອ້ລົມເພື່ອຫາທາງອອກຮ່ວມກັນ ກ่ຽວກັບການກຳນົດ ຊົງຜົມ-ການແຕ່ງກາຍຢ່າງສ້າງສັນ.

ສຳນັກຂ່າວຕ່າງປະເທດລາຍງານໃນວັນທີ 5 ມັງກອນ 2025, ທ່ານ ສິຣິພົງ ອັງສະກຸນກຽດ ໂຄສົກກະຊວງສຶກສາທິການແຫ່ງປະເທດໄທ ໄດ້ກ່າວເຖິງກໍລະນີການຮຽກຮ້ອງການຈົ່ງຜົມຂອງນັກຮຽນ ໂດຍເນັ້ນຍ້ຳເຖິງການຍົກເລິກລະບຽບ ຊົງຜົມນັກຮຽນ ໂດຍການໃຫ້ສະຖານສຶກສາເປີດໂອກາດໃຫ້ນັກຮຽນສະແດງຄວາມຄິດເຫັນ ເພື່ອຄວາມສຳຄັນເລື່ອງສິດເສລີພາບ ສົ່ງເສີມຄວາມຫຼາກຫຼາຍ ແລະ ເປັນທຳໃນທຸກດ້ານ.

ຈາກການທີ່ມີຂໍ້ຮຽກຮ້ອງໃຫ້ມີການແກ້ໄຂປັບປຸງລະບຽບກະຊວງສຶກສາທິການໄທ ວ່າດ້ວຍການຈົ່ງຊົງຜົມຂອງນັກຮຽນໃນປີ 2020 ໄດ້ມີການຊິ້ແຈງວ່າ: ລະບຽບດັ່ງກ່າວໄດ້ຍົກເລີກເປັນລາຍລັກອັກສອນຢ່າງຊັດເຈນ ມີການປະກາດໃນຣາຊກິດຈານຸເບກສາ ລວມທັງອອກໜັງສືແຈ້ງການອີກດ້ວຍ.

ເຊິ່ງໄດ້ລະບຸໃຫ້ມີການເປີດຮັບຟັງຄວາມຄິດເຫັນຈາກທຸກພາກສ່ວນທີ່ກ່ຍວຂ້ອງ ທັງອາຈານ ນັກຮຽນ ແລະ ຜູ້ປົກຄອງ ແລະ ສະເໜີຄວາມເຫັນດີຈາກຄະນະກຳມະການສະຖານສຶກສາ ຫຼື ຄະນະກຳມະການບໍລິຫານໂຮງຮຽນ ກ່ອນປະກາດໃຊ້ເພື່ອຄວາມຊັດເຈນໃນການກຳນົດແນວທາງການປະຕິບັດ ເຊິ່ງສະຖານສຶກສາອາດກຳນົດລັກສະນະຊົງຜົມໄດ້ຕາມຄວາມເໝາະສົມ ສ່ວນການຈະກຳນົດໃຫ້ຜູ້ຮຽນຈົ່ງຜົມລວມເຖິງການແຕ່ງກາຍແບບໃດ ໃຫ້ເປັນໄປຕາມຄວາມເໝາະສົມຂອງສະຖານສຶກສາ ໂດຍໃຫ້ໂຮງຮຽນເປີດຊ່ອງທາງໃຫ້ໂອກາດ ຜູ້ຮຽນໂອ້ລົມກັນເພື່ອຫາທາງອອກທີ່ດີທີ່ສຸດຮ່ວມກັນຢ່າງສ້າງສັນ.

ຢ່າງໃດກໍຕາມ ສະຖານສຶກສາຫຼາຍແຫ່ງຂອງລັດໃນລາວກໍຍັງມີກົດລະບຽບການກຳນົດຊົງຜົມນັກຮຽນ ຫຼື ການແຕ່ງກາຍໃນຊຸດນັກຮຽນຍັງຄົງເປັນໄປຕາມກົດລະບຽບທີ່ທາງກະຊວງສຶກສາທິການ ແລະ ກິລາ ໄດ້ກຳນົດໄວ້ຢ່າງຊັດເຈນເນື່ອງຈາກລະບຽບດັ່ງກ່າວເຮັດໃຫ້ນັກຮຽນມີຄວາມເປັນລະບຽບຮຽບຮ້ອຍ ສະອາດຈົບງາມ ແລະ ຕ້ອງໄດ້ປະຕິບັດຕາມກົດລະບຽບຢ່າງເຂັ້ມງວດ.

ແຫຼ່ງຂ່າວ: Thai PBS

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...