spot_img
Homeຂ່າວຢາເສບຕິດ10 ອັນດັບ ຄະດີຢາເສບຕິດທີ່ໃຫຍ່ທີ່ສຸດທົ່ວປະເທດ ໃນປີ 2024

10 ອັນດັບ ຄະດີຢາເສບຕິດທີ່ໃຫຍ່ທີ່ສຸດທົ່ວປະເທດ ໃນປີ 2024

Published on

ຕະຫຼອດໄລຍະ 11 ເດືອນ ນັບແຕ່ເດືອນມັງກອນ-ພະຈິກ 2024 ນີ້, ເຈົ້າໜ້າທີ່ ປກສ ໃນທົ່ວປະເທດ ສາມາດມ້າງຄະດີຢາເສບຕິດໄດ້ ຈຳນວນ 3.395 ເລື່ອງ, ຈັບຜູ້ຖືກຫາໄດ້ 5.168 ຄົນ ຍິງ 505 ຄົນ.

ໃນນີ້, ມີຄົນຕ່າງປະເທດ 199 ຄົນ ຍິງ 19 ຄົນ ແລະ ຢຶດຂອງກາງ ຢາເສບຕິດປະເພດຕ່າງໆ ລວມມີ ເຮໂຣອິນ 380,96 ກິໂລກຼາມ, ຢາບ້າ 81.030.733 ເມັດ ນໍ້າໜັກ 8.103,07 ກິໂລ, ຢາໄອສ໌ 4.816,17 ກິໂລ, ຝິ່ນ 84,86 ກິໂລ, ຄັນຊາ 3.583,24 ກິໂລ, ເຄຕາມິນ 33,14 ກິໂລ, ຢາອີ 2.584 ເມັດ ກັບ 61,44 ກິໂລ, ແປ້ງຝຸ່ນປະສົມສານເສບຕິດ ຈຳນວນ 10.092,84 ກິໂລ, ສານເຄມີ 101 ຖັງ, ລົດໃຫຍ່ 77 ຄັນ, ລົດຈັກ 480 ຄັນ, ປືນ 10 ກະບອກ ພ້ອມລູກປືນ ຈຳນວນ 1.677 ລູກ ແລະ ເຄື່ອງຂອງກາງອື່ນໆ ທີ່ພົວພັນກັບຄະດີອີກຫຼາຍລາຍການ.

ສຳລັບປີ 2024 ໜັງສືພິມຄວາມສະຫງົບ ກໍໄດ້ຈັດ 10 ອັນດັບ ຄະດີຢາເສບຕິດລາຍໃຫຍ່ ປະຈຳປີ ມີດັ່ງນີ້:

-ອັນດັບ 10: ເຈົ້າໜ້າທີ່ ປກສ ເມືອງນາຊາຍທອງ ນະຄອນຫຼວງວຽງຈັນ ມ້າງຄະດີຢາເສບຕິດປະເພດຢາບ້າ 1.222.400 ເມັດ. ໃນວັນທີ 27 ມີນາ 2024 ສາມາດຈັບຜູ້ຖືກຫາ ໄດ້ 2 ຄົນຄື: ທ້າວ ຮົ່ວເຮີ່ ອາຍຸ 23 ປີ ແລະ ທ້າວ ຕົ່ງຊົ່ງ ອາ ຍຸ 24.

-ອັນດັບທີ 9: ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ມ້າງຄະດີຢາເສບ ໃນວັນທີ 12 ທັນວາ 2024 ພ້ອມຂອງກາງ ຢາໄອສ໌ 165 ຖົງ ນ້ຳໜັກ 165 ກິໂລກຼາມ ແລະ  ຈັບຜູ້ຖືກຫາໄດ້ຊື່ ທ້າວ ເກຍມົວ ອາຍຸ 30 ປີ.

-ອັນດັບ 8: ອັນດັບ 8. ເຈົ້າໜ້າທີ່ ປກສ ແຂວງບໍ່ແກ້ວ ມ້າງຄະດີຢາເສບຕິດ ໃນຄັ້ງວັນທີ 20 ມີນາ 2024 ມີຂອງກາງ: ຢາໄອສ໌ 166 ຖົງ ນ້ຳໜັກ 166 ກິໂລ ແລະ ຢາບ້າ 775 ມັດ ເທົ່າກັບ 1.550.000 ເມັດ. ສາມາດຈັບຜູ້ຖືກຫາໄດ້ 2 ຄົນ ຊື່: ທ້າວ ຄົວປໍເລົາ ອາຍຸ 34 ປີ ແລະ ທ້າວ ກາວຢ່າງ ອາຍຸ 28 ປີ.

-ອັນດັບ 7: ເຈົ້າໜ້າທີ່ ປກສ ແຂວງບໍລິຄໍາໄຊ ມ້າງຄະດີຢາເສບຕິດ ໃນວັນທີ 21 ກໍລະກົດ 2024  ມີຂອງກາງຢາໄອສ໌ ຈໍານວນ 106 ຖົງ ນໍ້າໜັກ 110 ກິໂລກຼາມ, ເຮໂຣອິນ 99 ແຫ່ງ ນໍ້າໜັກ 37,5 ກິໂລກຼາມ ແລະ ຢາອີ ຈໍານວນ 47 ຫໍ່ ນໍ້າໜັກ 61 ກິໂລກຼາມ.

-ອັນດັບ 6: ເຈົ້າໜ້າທີ່ ປກສ ເມືອງຕົ້ນເຜີ້ງ ແຂວງບໍ່ແກ້ວ ມ້າງຄະດີຢາເສບຕິດ ຄັ້ງວັນທີ 31 ມັງກອນ 2024 ສາມາດຍຶດຢາບ້າ 4.000 ມັດ ເທົ່າກັບ 8.000.000 ເມັດ ນ້ຳໜັກ 800 ກິໂລກຼາມ. ສ່ວນຜູ້ຖືກຫາສາມາດຫຼົບໜີໄດ້.

-ອັນອັບ 5: ເຈົ້າໜ້າທີ່ ປກສ ແຂວງບໍ່ແກ້ວ ມ້າງຄະດີຢາເສບຕິດໃນຄັ້ງວັນທີ 12 ພຶດສະພາ 2024 ພ້ອມຂອງກາງຢາບ້າ 14.106.000 ເມັດ ນ້ຳໜັກ 1.410 ກິໂລກຼາມ, ສາມາດຈັບຜູ້ຖືກຫາໄດ້ 2 ຄົນ ຊື່ ທ້າວ ໜໍຄົວຊົງ ອາຍຸ 29 ປີ ແລະ ທ້າວ ເຢັງກົງ ອາຍຸ 38 ປີ.

-ອັນດັບ 4: ເຈົ້າໜ້າທີ່ ປກສ ແຂວງບໍ່ແກ້ວ ມ້າງຄະດີຢາເສບຕິດໃນວັນທີ 12 ກໍລະກົດ 2024 ພ້ອມຂອງກາງຢາໄອສ໌ 960 ຖົງ ນ້ຳໜັກ 960 ກິໂລກຼາມ ແລະ ຢາບ້າ 2.042.000 ເມັດ ນ້ຳໜັກ 200 ກວ່າກິໂລກຼາມ,  ສາມາດຈັບຜູ້ຖືກຫາໄດ້ຊື່ ທ້າວ ຕູ່ທໍ່ ອາຍຸ 43 ປີ.

-ອັນດັບ 3: ເຈົ້າໜ້າທີ່ ປກສ ແຂວງບໍ່ແກ້ວມ້າງຄະດີຢາເສບຕິດ ໃນວັນທີ 21 ມິຖຸນາ 2024 ພ້ອມຂອງກາງ: ເຮໂຣອິນ 600 ແທ່ງ ນໍ້າໜັກ 225 ກິໂລກຼາມ ແລະ ຢາບ້າ 2.900 ມັດ ເທົ່າກັບ 5.800.000 ເມັດ ນໍ້າໜັກເກືອບ 700 ກິໂລກຼາມ. ສ່ວນຜູ້ຖືກຫາ 2 ຄົນ ສາມາດລົບໜີເຂົ້າປ່າ.

-ອັນດັບ 2: ເຈົ້າໜ້າທີ່ ປກສ ເມືອງຫົງສາ ແຂວງໄຊຍະບູລີ ມ້າງຄະດີຢາເສບຕິດໃນວັນທີ 10 ກຸມພາ 2024 ພ້ອມຂອງການຢາໄອສ໌ ຫຼາຍກວ່າ 1.000 ຖົງ ນໍ້າໜັກ 1.033 ກິໂລກຼາມ, ສາມາດຈັບຜູ້ຖືກຫາໄດ້ ຊື່ ທ້າວ ເນັງຢາງ ອາຍຸ 36 ປີ.

-ອັນດັບ 1: ເຈົ້າໜ້າທີ່ ປກສ ແຂວງບໍລິຄຳໄຊ ແກ້ໄຂຄະດີຢາເສບຕິດໃນຄັ້ງວັນທີ 29 ກໍລະກົດ 2024 ພ້ອມຂອງກາງຢາໄອສ໌ 1.449 ຖົງ ນໍ້າໜັກ 1.449 ກິໂລກຼາມ, ສາມາດຈັບຜູ້ຖືກຫາໄດ້ 3 ຄົນ ຊື່ ທ້າວ ຊໍ່ມົວ ອາຍຸ 43 ປີ, ທ້າວ ຕູ້ຢ່າງ ອາຍຸ 23 ປີ ແລະ ທ້າວ ກູ້ຊົ່ງ ອາຍຸ 29 ປີ.

ແຫຼ່ງຂ່າວ: ຄວາມສະຫງົບ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...