spot_img
Homeຂ່າວພາຍ​ໃນຍທຂ ນວ ຊີ້ແຈງ! ສິ່ງທີ່ສັງຄົມສົງໄສ ການກໍ່ສ້າງສະຖານີລົດເມ BRT ມາຕັ້ງໄວ້ກາງທາງ

ຍທຂ ນວ ຊີ້ແຈງ! ສິ່ງທີ່ສັງຄົມສົງໄສ ການກໍ່ສ້າງສະຖານີລົດເມ BRT ມາຕັ້ງໄວ້ກາງທາງ

Published on

ທ່ານ ບຸນຍະວັດ ນິລະໄຊຍ໌ ຫົວຫນ້າພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ໄດ້ຂຶ້ນລາຍງານ ໃນກອງປະຊຸມສະໄຫມສາມັນ ເທື່ອທີ 8 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II ໃນຕອນເຊົ້າຂອງວັນທີ 17 ທັນວາ 2024 ກ່ຽວກັບການຊີ້ແຈງບັນຫາທີ່ສັງຄົມສົນໃຈ ຕໍ່ກັບໂຄງການກໍ່ສ້າງສະຖານີລົດເມ BRT ດັ່ງນີ້:

อาจเป็นรูปภาพของ 2 คน

1. ເປັນຫຍັງຈຶ່ງເອົາສະຖານີລົດເມ BRT ມາຕັ້ງໄວ້ກາງທາງ ຈະບໍ່ເຮັດໃຫ້ການສັນຈອນແອອັດກວ່າ ເກົ່າບໍ່? ເອົາໄປຕັ້ງໄວ້ຂອບທາງໄດ້ບໍ່?ຕອບ: ໂຄງການໄດ້ອອກແບບໄປຕາມມາດຕະຖານລະບົບລົດເມດ່ວນ (Bus Rapid Transit/BRT) ຂອງສາກົນ ໂດຍໃຫ້ມີຊ່ອງວະລາຈອນ (ເລນ) ສະເພາະ ທີ່ມີກ້ອນ Curb ຄອນກີດກັ້ນໄວ້ກັບເລນທົ່ວໄປ ແລະ ມີສະຖານີ ຂຶ້ນ-ລົງຢູ່ກາງທາງເພື່ອຮັກສາເວລາແລ່ນລົດໃນເວລາເລັ່ງດ່ວນ ແລະ ປົກກະຕິ ຕາມຫຼັກການວິສະວະກໍາຄຸ້ມຄອງການຈະລາຈອນ.

-ນໍາໃຊ້ໂຄງສ້າງທາງ ແລະ ເຂດສະຫງວນທາງຫຼວງ ໃຫ້ເກີດປະສິດທິຜົນທີ່ສຸດ ບໍ່ໃຫ້ກະທົບພື້ນທີ່ຂອງບຸກຄົນ.

– ສໍາລັບຈຸດທີ່ແຄບ, ໂຄງການຈະຂະຫຍາຍຜ່າທາງອອກ ຢ່າງຫນ້ອຍເບື້ອງລະ 1 ແມັດ ເພື່ອໃຫ້ເລນ ມີຄວາມກວ້າງຕາມມາດຕະຖານ ແລະ ມີຈໍານວນເລນ ສໍາລັບພາຫະນະທົ່ວໄປ ບໍ່ໃຫ້ຫຼຸດ ເບື້ອງລະ 2 ເລນ.

– ຖ້າເອົາສະຖານີ ຂຶ້ນ-ລົງ ລົດເມ BRT ມາຕັ້ງໄວ້ຂອບທາງ, ເລນສະເພາະລົດເມ BRT ຈະຕັນທາງເຂົ່າເຮືອນ ແລະ ສະຖານທີ່ອື່ນໆ ຈະສ້າງຄວາມຫຍຸ້ງຍາກທີ່ສຸດ.

อาจเป็นรูปภาพของ 5 คน, รถไฟ, รถลาก, ถนน, ถนน และ ข้อความ

2. ການເອົາສະຖານີ BRT ມາຕັ້ງໄວ້ກາງທາງ ຄົນຈະມານໍາໃຊ້ລົດເມແນວໃດ? ຄົນຍ່າງຈະມີຄວາມປອດໄພບໍ່?

ຕອບ: ດ້ານຄວາມປອດໄພ ສໍາລັບ ຄົນຍ່າງຂ້າມທາງ ມານໍາໃຊ້ລົດເມ BRT, ໂຄງການ ໄດ້ອອກແບບສິ່ງອໍານວຍຄວາມສະດວກຕ່າງໆ ເພື່ອຄວາມປອດໄພ ເຊັ່ນ: ຕິດຕັ້ງໄຟເຕືອນສໍາລັບຄົນຂ້າມທາງ, ປ້າຍເຕືອນ, ຕີເສັ້ນ (ທາງມ້າລາຍ), ເສັ້ນລູກລະນາດ ແລະ ຕິດຕັ້ງຄື້ນຫຼຸດຄວາມໄວ ກ່ອນຮອດສະຖານີ.

ไม่มีคำอธิบายรูปภาพ

3. ຈະກໍ່ສ້າງຂົວຂ້າມທາງ ຄືເຫັນຢູ່ຕ່າງປະເທດບໍ່? ເພື່ອຄວາມປອດໄພແກ່ຄົນຍ່າງ.

ຕອບ: ໂຄງການ ມີແຜນຈະກໍ່ສ້າງຂົວຂ້າມທາງສໍາລັບຄົນຍ່າງ ເພື່ອເຊື່ອມຕໍ່ໃສ່ ສະຖານີຂຶ້ນ-ລົງ ລົດເມດ່ວນ BRT ເພື່ອອໍານວຍຄວາມສະດວກ ແລະ ຮັບປະກັນຄວາມປອດໄພ. ເບື້ອງຕົ້ນ ແມ່ນໄດ້ລົງສໍາຫຼວດຈຸດກໍ່ສ້າງ ລະຫວ່າງ ຕະຫຼາດເຊົ້າ ຫາ ຄິວລົດເມ ຂົວດິນ. ນອກຈາກນັ້ນ ກໍ ແມ່ນຈຸດດົງໂດກ ແລະ ອື່ນໆ.

ຂ່າວ: ວສລ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...