spot_img
Homeຂ່າວທ້ອງຖິ່ນນັກທ່ອງທ່ຽວເຂົ້າໂຮງໝໍຫຼັງຈາກດື່ມເຫຼົ້າປະສົມສານປົນເປື້ອນ

ນັກທ່ອງທ່ຽວເຂົ້າໂຮງໝໍຫຼັງຈາກດື່ມເຫຼົ້າປະສົມສານປົນເປື້ອນ

Published on

ນັກທ່ອງທ່ຽວອົດສະຕາລີ 2 ຄົນ ເຂົ້າໂຮງໝໍດ່ວນຫຼັງຈາກດື່ມເຄື່ອງດື່ມປະສົມສານປົນເປື້ອນ.

ອີງຕາມສຳນັກຂ່າວ ABC news ອົດສະຕາລີ ລາຍງານໃຫ້ຮູ້ວ່າ: ເມື່ອວັນທີ 18 ພະຈິກ 2024 ທີ່ຜ່ານມາ, ກ່ຽວກັບເຫດການບໍ່ຄາດຄິດເມື່ອນັກທ່ອງທ່ຽວ 2 ຄົນ, ເພດຍິງ ຈາກອົດສະຕາລີ ມາທ່ຽວໃນຕົວເມືອວັງວຽງ ແລ້ວເຂົ້າໂຮງໝໍຫຼັງຈາກດື່ມເຫຼົ້າປະສົມທີ່ຕ້ອງສົງໃສວ່າມີສານປົນເປື້ອນ.

ຕາມການລາຍງານໄດ້ລະບຸວ່າ: ນັກທ່ອງທ່ຽວທັງ 2 ມີອາຍຸປະມານ 19 ປີ ກຳລັງຖືກຮັກສາໂຕທີ່ໂຮງໝໍໃນປະເທດໄທ ຫຼັງຈາກດື່ມເຫຼົ້າປະສົມທີ່ມີສານປົນເປື້ອນ ໂດຍທັງສອງໄດ້ເຂົ້າມາທ່ອງທ່ຽວ ແລະ ໄດ້ເຂົ້າພັກທີ່ໂຮສເທລແຫ່ງໜຶ່ງພາຍໃນເມືອງວັງວຽງ ແຂວງວຽງຈັນ ລາວ ເມື່ອວັນທີ 12 ພະຈິກ 2024 ຜ່ານມາ ແລະ ໄດ້ພາກັນດື່ມຢູ່ທີ່ບາພາຍໃນໂຮສເທລ ທີ່ນັກທ່ອງທ່ຽວທັງ 2 ເຂົ້າພັກ.

ຕາມການລາຍງານຂອງແພດໃນໂຮງໝໍເມືອງວັງວຽງໃຫ້ຮູ້ວ່າ: ນັກທ່ອງທ່ຽວທັງ 2 ໄດ້ມາຮອດໂຮງໝໍໃນເວລາ 02:30 ໂມງເຊົ້າຂອງວັນທີ 13 ພະຈິກ 2024, ເຊິ່ງທັງ 2 ມີອາການເມົາ ແລະ ຫາຍໃຈແຮງ ແຕ່ຍັງສາມາດສື່ສານໄດ້ ແຕ່ຫຼັງຈາກນັ້ນມີນັກທ່ອງທ່ຽວຄົນ 1 ມີອາການວິນຫົວ ແໜ້ນໜ້າເອິກ ແລະ ຫາຍໃຈລຳບາກ ທາງເຈົ້າໜ້າທີ່ແພດຈຶ່ງໃສ່ນ້ຳເກືອໃຫ້ ຕໍ່ມານັກທ່ອງທ່ຽວມີອາການຊ໋ອກ ແລະ ອາການຮຸນແຮງຂຶ້ນ ຈຶ່ງທຳການໃສ່ທໍ່ຊ່ວຍຫາຍໃຈ ແລ້ວນຳສົ່ງໂຮງໝໍເສດຖາທິລາດ ໃນນະຄອນຫຼວງວຽງຈັນ ເພື່ອຕິດຕາມອາການເບື້ອງຕົ້ນກ່ອນນຳຕົວສົ່ງໄປທີ່ໂຮງໝໍທັງ 2 ແຫ່ງຂອງປະເທດໄທ.

ເຈົ້າຂອງທີ່ພັກໄດ້ໃຫ້ຮູ້ວ່າ: ລາວແນ່ໃຈວ່າເຄື່ອງດື່ມທີ່ມີສານປົນເປື້ອນບໍ່ໄດ້ຂາຍຢູ່ບາຂອງລາວ, ໂດຍກ່າວວ່າ ບໍ່ມີແຂກຄົນອື່ນເປັນຫຍັງຈາກການດື່ມ. ລາວໝັ້ນໃຈວ່າ ລາວບໍ່ເຄີຍເພີ່ມ methanol ໃສ່ເຄື່ອງດື່ມຢູ່ບາ. ຕອນນີ້, ເຈົ້າໜ້າທີ່ຕຳຫຼວດເມືອງວັງວຽງ ແລະ ນະຄອນຫຼວງວຽງຈັນ ມາຮອດຫໍພັກເພື່ອກວດກາແລ້ວ, ຮ້ານທີ່ລາວຊື້ເຄື່ອງດື່ມ. ພ້ອມບອກຕື່ມວ່າ: ລາວ​ໄດ້​ເຮັດ​ທຸ​ລະ​ກິດ​ຢູ່​ນະ​ຄອນ​ຫລວງ​ວຽງ​ຈັນ ແລະ ວັງ​ວຽງ ມາ​ໄດ້​ເກືອບ 11 ປີ ​ແລ້ວ, ແລະ​ນີ້ກໍ​ເປັນ​ຄັ້ງ​ທຳ​ອິດ​ທີ່​ເກີດ​ເຫດ​ການ​ແບບນີ້. “ທີ່ຜ່ານມາ ຂ້ອຍເບິ່ງແຍງລູກຄ້າທັງໝົດທີ່ເຂົ້າມາພັກຢູ່ທີ່ໂຮສເທລຂອງພວກເຮົາເປັນຢ່າງດີ.”

ເມື່ອເກີດເຫດການນີ້ຂຶ້ນ ທາງພາກສ່ວນກ່ຽວຂ້ອງກໍໄດ້ເຂົ້າໃຫ້ການຊ່ວຍເຫຼືອ ແກ່ນັກທ່ອງທ່ຽວອົດສະຕາລີທັງ 2 ຄົນ ແລະ ຄອບຄົວຂອງເຂົາເຈົ້າ.

ປັດຈຸບັນ, ອາການຂອງທັງສອງແມ່ນຍັງໜ້າເປັນຫ່ວງ, ທາງຄອບຄົວຂອງກໍໄດ້ຢູ່ເຝົ້າອາການຢ່າງໃກ້ຊິດ.

ຢ່າງໃດກໍຕາມຕ້ອງລໍຖ້າເຈົ້າໜ້າທີ່ຮັບຜິດຊອບອອກມາແຈ້ງລາຍລະອຽດຕໍ່ໄປ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...