spot_img
Homeຂ່າວທ້ອງຖິ່ນແຂວງເຊກອງງອອກແຈ້ງການວ່າດ້ວຍໃຫ້ຢຸດຕິຊົ່ວຄາວການຂົນສົ່ງແຮ່ບົກຊິດຜ່ານເສັ້ນທາງ 16B

ແຂວງເຊກອງງອອກແຈ້ງການວ່າດ້ວຍໃຫ້ຢຸດຕິຊົ່ວຄາວການຂົນສົ່ງແຮ່ບົກຊິດຜ່ານເສັ້ນທາງ 16B

Published on

ແຂວງເຊກອງງອອກແຈ້ງການວ່າດ້ວຍໃຫ້ຢຸດຕິຊົ່ວຄາວການຂົນສົ່ງແຮ່ບົກຊິດຜ່ານເສັ້ນທາງ 16B ແຕ່ເຂດບ້ານດາກເຕີຣບ ເມືອງດາກຈຶງ ແຂວງເຊກອງ ຫາ ຊາຍແດນລາວ-ຫວຽດນາມ (ດ່ານສາກົນດາກຕະອອກ-ນາມຢາງ)

1. ໃຫ້ບໍລິສັດສະຫະລາວບໍລິການພັດທະນາແຮ່ທາດ ຢຸດຕິຊົ່ວຄາວການຂົນສົ່ງແຮ່ບົກຊີດ ຜ່ານທາງເລກທີ 16B ແຕ່ 3 ແຍກບ້ານດາກເຕີຣບ ເມືອງດາກຈຶງ ແຂວງເຊກອງ ຫາ ຊາຍແດນ ລາວ-ຫວຽດນາມ (ດ່ານສາກົນດາກ ຕະອອກ-ນາມຢາງ) ນັບແຕ່ວັນທີ 19 ພະຈິກ (11) ປີ 2024 ເປັນຕົ້ນໄປ, ເພື່ອສ້າງເງື່ອນໄຂເອື້ອອໍານວຍຄວາມ ສະດວກໃຫ້ແກ່ການສັນຈອນໄປມາຂອງທົ່ວສັງຄົມ ມີຄວາມສະດວກປອດໄພ ແລະ ເພື່ອປະຊຸມປຶກສາຫາລືເປັນເອກກະພາບ ກ່ຽວກັບການຄຸ້ມຄອງການຂົນ ສົ່ງແຮ່ບົກຊິດ, ການສ້ອມແປງ-ບໍາລຸງຮັກສາເສັ້ນທາງເລກທີ 16B ທີ່ເປເພຮຸນ ແຮງຈາກຜົນກະທົບຂອງການຂົນສົ່ງແຮ່ປົກຊິດເບື້ອງແຂວງອັດຕະປື ຜ່ານເຂດແດນຂອງແຂວງເຊກອງ.

2. ມອບໃຫ້ຫົວຫນ້າຄຸ້ມຄອງດ່ານ, ເຈົ້າຫນ້າທີ່ ຕມ, ພາສີ ປະຈໍາດ່ານສາກົນດາກຕະອອກ-ນາມຢາງ ເບື້ອງລາວ ແລະ ເບື້ອງຫວຽດນາມ ແຈ້ງໃຫ້ບໍລິສັດຂົນສົ່ງ, ບໍລິສັດສະຫະລາວບໍລິການພັດທະນາແຮ່ທາດ ຮັບຊາບດ່ວນ ຕາມກໍານົດເວລາທີ່ໄດ້ກໍານົດໃວ້ຂ້າງເທີງນັ້ນ.

3. ມອບໃຫ້ພະແນກ ຍທຂ ແຂວງ, ພະແນກແຜນການ-ການລົງທຶນແຂວງ, ພະແນກພະລັງງານ-ບໍ່ແຮ່ແຂວງ, ກອງບັນຊາການ ປກສ ແຂວງ, ອົງການປົກຄອງເມືອງດາກຈຶງ, ບໍລິສັດສະຫະລາວບໍລິການພັດທະນາແຮ່ທາດ ແລະ ພາກສ່ວນທີ່ກ່ຽວຂ້ອງ ຈົ່ງຮັບຮູ້, ພ້ອມກັນຈັດຕັ້ງປະຕິບັດຄໍາສັ່ງສະບັບນີ້ຢ່າງເຂັ້ມງວດ, ພ້ອມທັງຮຽກເຊີນບໍລິສັດສະ ຫະລາວບໍລິການພັດທະນາແຮ່ທາດ ແລະ ບໍລິສັດທີ່ກ່ຽວຂ້ອງ ມາປະຊຸມປຶກສາຫາລື-ທໍາຄວາມເຂົ້າໃຈເປັນເອກະພາບ.

4. ມອບໃຫ້ກອງບັນຊການ ປກສ ແຂວງ ສົມທົບກັບພາກສ່ວນກ່ຽວຂ້ອງ ເປັນເຈົ້າການຄວບຄຸມ, ຄຸ້ມຄອງ ການຜັນຂະຫຍາຍ ແລະ ຈັດຕັ້ງປະຕິບັດຄໍາສັ່ງສະບັບນີ້ຢ່າງເຂັ້ມງວດ.

5. ຜ່ານການຈັດຕັ້ງປະຕິບັດຕົວຈິງ ຂອງພະແນກການ, ຂະແຫນງການກ່ຽວຂ້ອງຂັ້ນແຂວງ ແລະ ເມືອງ ຫາກ ມີຄວາມຫຍຸ້ງຍາກ ແມ່ນໃຫ້ລາຍງານການນໍາແຂວງຮັບຊາບ ເພື່ອຊີ້ນໍາໃຫ້ທັນການ.

6. ຄໍາສັ່ງສະບັບນີ້ ມີຜົນສັກສິດບັງຄັບໃຊ້ນັບແຕ່ມື້ລົງລາຍເຊັນເປັນຕົ້ນໄປ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...