ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ຈະໄດ້ມີການສ້ອມແປງຕັດທໍ່ນໍ້າປະປາ ເກົ່າ ຂະໜາດ DIP DN 500 mm, ໃສ່ທໍ່ນໍ້າປະປາ ໃໝ່ ຂະໜາດ DIP DN 400 mm ເພື່ອເພີ່ມແຮງດັນນໍ້າ ຢູ່ເຂດນິຄົມອຸສາຫະກຳໂນນທອງ ບ້ານໄຊສົມບູນ ເມືອງໄຊທານີ ນະຄອນຫຼວງວຽງຈັນ ໃນວັນທີ 1 ພະຈິກ 2024 ເລີ່ມແຕ່ 9:00ໂມງ ຫາ 16:30ໂມງ, ຊຶ່ງການສ້ອມແປງດັ່ງກ່າວ ຈະສົ່ງຜົນໃຫ້ມີນ້ຳອອກຄ່ອຍ ຫາ ບໍ່ມີນ້ຳ ຢູ່ເຂດເມືອງດັ່ງກ່າວ.
ໃນໄລຍະການສ້ອມແປງນີ້, ລັດວິສາຫະກິດ ນ້ຳປະປາ ນະຄອນຫຼວງວຽງຈັນ ຂໍຮຽກຮ້ອງໃຫ້ບັນດາຜູ້ຊົມໃຊ້ນ້ຳປະປາ ຈົ່ງກະກຽມໂຕ່ງນ້ຳ ແລະ ກັກເກັບນ້ຳໄວ້ຊົມໃຊ້ໃຫ້ພຽງພໍ ຢູ່ເຂດບ້ານໄຊສົມບູນ, ບ້ານໂຄກສະອາດ, ບ້ານສະພັງຄະນົງ, ບ້ານໄຜ່ລ້ອມ, ບ້ານຫົວຊຽງ ແລະ ຂອບເຂດບໍລິເວນບ້ານໄກ້ຄຽງ ເມືອງໄຊທານີ ນະຄອນຫຼວງວຽງຈັນ.