spot_img
Homeຂ່າວພາຍ​ໃນອັດຕະປື ຍັງມີຄວາມຕ້ອງການແພດ-ໝໍເພິ່ມອີກ 339 ຄົນ

ອັດຕະປື ຍັງມີຄວາມຕ້ອງການແພດ-ໝໍເພິ່ມອີກ 339 ຄົນ

Published on

ອີງຕາມການລາຍງານຈາກ ຫົວໜ້າພະແນກສາທາລະນະສຸກແຂວງ ໄດ້ລາຍງານກ່ຽວກັບການຈັດສັນໂຄຕາລັດຖະກອນ ໃນປະຈຸບັນ ທົ່ວແຂວງມີຈໍານວນແພດ-ໝໍທັງໝົດ 514 ຄົນ, ເພື່ອໃຫ້ພຽງພໍ ແລະ ຮອງຮັບການບໍລິການໃຫ້ມີຄຸນນະພາບຕ້ອງບັນຈຸຕື່ມອີກຈໍານວນ 339 ຄົນ.

May be an image of 7 people and hospital

ເຊິ່ງຄວາມຕ້ອງການບັນຈຸໃຫ້ພຽງພໍຕາມຕໍ່າແໜ່ງງານໃນແຕ່ລະຂັ້ນຄື: ພະແນກສາທາລະນະສຸກແຂວງ ມີ 63 ຄົນ, ຕ້ອງການບັນຈຸເພີ່ມ 21 ຄົນ, ໂຮງໝໍແຂວງ ມີ 119 ຄົນ, ຕ້ອງການບັນຈຸເພີ່ມ 171 ຄົນ, ໂຮງຮຽນແພດ ມີ 19 ຄົນ, ຕ້ອງການບັນຈຸເພີ່ມ 8 ຄົນ, ສາທາເມືອງສາມັກຄີໄຊ ມີ 21 ຄົນ, ຕ້ອງການບັນຈຸເພີ່ມ 29 ຄົນ, ສາທາເມືອງສະໜາມໄຊ ມີ 53 ຄົນ, ຕ້ອງການບັນຈຸເພີ່ມ 37 ຄົນ, ສາທາເມືອງຊານໄຊ ມີ 47 ຄົນ, ຕ້ອງການບັນຈຸເພີ່ມ 3 ຄົນ, ສາທາເມືອງພູວົງ ມີ 44 ຄົນ, ຕ້ອງການບັນຈຸເພີ່ມ 6 ຄົນ, ສາທາເມືອງໄຊເສດຖາ ມີ 54 ຄົນ, ພຽງພໍກັບຄວາມຕ້ອງການ ແລະ ສຸກສາລາທົ່ວແຂວງ 33 ແຫ່ງ ມີ 94 ຄົນ, ຕ້ອງການບັນຈຸເພີ່ມ 64 ຄົນ.

May be an image of 1 person, studying and hospitalທ່ານ ອິນປັນ ອິນທິລາດ ຫົວໜ້າພະແນກສາທາລະນະສຸກ ແຂວງອັດຕະປື ລາຍງານໃຫ້ຮູ້ອີກວ່າ: ເນື່ອງຈາກແຜນຄວາມຕ້ອງການເພື່ອໃຫ້ພຽງພໍຕໍ່ການຮັບໃຊ້ບໍລິການປະຊາຊົນຫຼາຍ ແຕ່ການສະໜອງມີຈຳກັດໃນແຕ່ລະປີ ທາງກະຊວງສາທາລະນະສຸກ ຮ່ວມກັບ ພະແນກສາທາແຂວງ ໄດ້ຈັດສັນໂຄຕາໃຫ້ສຸກສາລາ ຢູ່ເຂດຫ່າງໄກສອກຫຼີກໃຫ້ພຽງພໍ, ບົນພື້ນຖານຢ່າງໜ້ອຍ 3 ຄົນ. ເຊິ່ງປະຈຸບັນສຸກສາລາ ຈໍານວນ 33 ແຫ່ງ ແມ່ນມີແພດຄົບ 3 ຄົນ, ແຕ່ແຫ່ງທີ່ຍັງບໍ່ຄົບຕາມມາດຕະຖານວິຊາການ ຄື: ສຸກສາລາແຫ່ງໜຶ່ງຕ້ອງ ມີ 1 ແພດທົ່ວໄປ 2 ພະຍາບານ ແລະ 3 ຜະດຸງຄັນ ແຕ່ໃນຕົວຈິງບາງແຫ່ງ ມີແພດປິ່ນປົວ 2 ຄົນ, ພະຍາບານ 1 ຫຼື 2 ຄົນ, ຜະດຸງຄັນ 1 ຄົນ ບາງແຫ່ງກໍ່ບໍ່ມີຜະດຸງຄັນ.

May be an image of 3 people, people studying, table and hospital

ເຊິ່ງກຳລັງຈັດສັນ ຫຼື ສັບປ່ຽນພະນັກງານອາສາສະໝັກ, ພະນັກງານຢູ່ຂັ້ນເມືອງ ລົງໄປຊ່ວຍເປັນໄລຍະ, ສ່ວນການຈັດສັນໂຄຕາລັດຖະກອນ ແຕ່ປີ 2021-2024 ແມ່ນກະຊວງສາທາລະນະສຸກ ເປັນຜູ້ຈັດສັນໃຫ້ ໂດຍອີງຕາມວິຊາສະເພາະທີ່ຍັງຂາດ ແລະ ຈໍານວນທີ່ຍັງບໍ່ພໍຕາມມາດຕະຖານ ຕາມການເກັບກຳຂໍ້ມູນ ແລະ ຖານຂໍ້ມູນຕົວຈິງ ທີ່ມີລະບົບຕິດຕາມທາງອອນລາຍ ແລະ ທາງພະແນກສາທາລະນະສຸກແຂວງ ເປັນຜູ້ຈັດການສອບເສັງຄັດເລືອກເອົາບຸກຄະລາກອນເຂົ້າໃສ່ຕາມວິຊາສະເພາະ, ສ່ວນສະຖານທີ່ບັນຈຸ ແມ່ນກະຊວງສາທາລະນະສຸກ ເປັນຜູ້ລະບຸມາເທົ່ານັ້ນ ບໍ່ສາມາດປ່ຽນແປງໄດ້.

ຂ່າວ: ຂ່າວສານອອນລາຍອັດຕະປື

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...