spot_img
Homeຂ່າວຕ່າງປະເທດເຈົ້າໜ້າທີ່ຕຳຫຼວດໄທ ຈັບກຸມຜູ້ລັກລອບນຳສັນຍານອິນເຕີເນັດຂ້າມນ້ຳຂອງ ຢ້ານເປັນຊ່ອງທາງໃຫ້ກຸ່ມແກ້ງຄຳເຊັນເຕີ

ເຈົ້າໜ້າທີ່ຕຳຫຼວດໄທ ຈັບກຸມຜູ້ລັກລອບນຳສັນຍານອິນເຕີເນັດຂ້າມນ້ຳຂອງ ຢ້ານເປັນຊ່ອງທາງໃຫ້ກຸ່ມແກ້ງຄຳເຊັນເຕີ

Published on

ອີງຕາມສຳນັກຂ່າວໄທລາຍງານໃນວັນທີ 20 ຕຸລາ 2024 ຜ່ານມາ, ພົນຕຳຫຼວດເອກ ນັດທະທອນ ເພາະສຸນທອນ ຄະນະກຳມະການກິດຈະການກະຈາຍສຽງ, ກິດຈະການໂທລະທັດ ແລະ ກິດຈະການໂທລະຄົມມະນາຄົມແຫ່ງຊາດ ຫຼື ກສທຊ ແຫ່ງປະເທດໄທ, ພ້ອມດ້ວຍເຈົ້າໜ້າຕຳຫຼວດພູທອນຈັງຫວັດມຸກດາຫານ ຮ່ວມຖະແຫຼງ: ຜົນການຈັບກຸມຜູ້ລັກລອບນຳສາຍສັນຍານອິນເຕີເນັດທີ່ໃຫ້ບໍລິການໃນໄທ ລາກສາຍຂ້າມຂົວມິດຕະພາບລາວ-ໄທ ແຫ່ງທີ 2 (ສະຫວັນນະເຂດ-ມຸກດາຫານ) ເຂົ້າມາໃນລາວໄລຍະໄກເຖິງ 5 ກິໂລແມັດ, ເຮັດໃຫ້ເຄືອຂ່າຍດັ່ງກ່າວສາມາດກະຈາຍສັນຍານອິນເຕີເນັດຄວບຄຸມພຶ້ນທີ່ຂະນາດໃຫຍ່ ຮອງຮັບຜູ້ໃຊ້ງານຈຳນວນຫຼາຍ ແລະ ເປັນຊ່ອງທາງໃຫ້ກຸ່ມແກ້ງຄໍເຊັນເຕີ້ ຕວົະຍົວະຄົນໄທຢ່າງສະດວກສະບາຍ.

ພົນຕຳຫຼວດເອກ ນັດທະທອນ ກ່າວວ່າ: ການປະຕິບັດການໃນຄັ້ງນີ້ເປັນການຮ່ວມມືລະຫວ່າງ ກສທຊ ແລະ ສຳນັກງານຕຳຫຼວດແຫ່ງຊາດ ປະເທດໄທ ໃນການລົງພຶ້ນທີ່ ເພື່ອຄວບຄຸມ ແລະ ກຳກັບການປະກອບກິດຈະການໂທລະຄົມມະນາຄົມໃຫ້ດປັນໄປຕາມກົດໝາຍ, ໃນກໍລະນີດັ່ງກ່າວທີ່ມີບໍລິສັດເອກຊົນແຫ່ງໜຶ່ງໄດ້ດຶງສາຍສັນຍານອິນເຕີເນັດຂ້າມ ຂົວມິດຕະພາບລາວ-ໄທ ແຫ່ງທີ 2 (ສະຫວັນນະເຂດ-ມຸກດາຫານ) ຖືເປັນການກະທຳທີ່ມີຄວາມຜິດໂດຍບໍ່ໄດ້ຮັບອະນຸຍາດ ເຊິ່ງເປັນຄວາມຜິດຕາມມາດຕາ 67(3) ຕາມກົດໝາຍ ການປະກອບກິດຈະການໂທລະຄົມມະນາຄົມ ເຊິ່ງຕ້ອງໂທດສູງສຸດຈຳຄຸກບໍ່ເກີນ 5 ປີ ຫຼື ປັບໄໝບໍ່ເກີນ 10 ລ້ານບາດ ຫຼື ທັງຈຳທັງປັບ.

ທັງນີ້ເຈົ້າໜ້າທີ່ຍັງໄດ້ທຳການ ຮື້ຖອນສາຍສັນຍານດັ່ງກ່າວ ພ້ອມທັງເຂົ້າກວດຄົ້ນຕູ້ຊິມ ແລະ ສາມາດຍຶດຊິມຂອງໄທຈຳນວນ 101,068 ຊິມ ແລະ ອຸປະກອນອືນອີກຈຳນວນຫຼາຍ.

ທີ່ມາ: ຂ່າວອອນລາຍໄທ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...