spot_img
Homeຂ່າວຕ່າງປະເທດແມ່ຕູ້ຊາວອັງກິດອາຍຸ 102 ປີສະຫຼອງວັນເກີດໂດຍການໂດດຈ້ອງຈາກເຮືອບິນ

ແມ່ຕູ້ຊາວອັງກິດອາຍຸ 102 ປີສະຫຼອງວັນເກີດໂດຍການໂດດຈ້ອງຈາກເຮືອບິນ

Published on

ສຳນັັກຂ່າວຕ່າງປະເທດລາຍງານໃນວັນທີ 26 ສິງຫາ 2024 ນີ້ວ່າ, ແມ່ຕູ້ຊາວອັງກິດທີ່ຊື່ວ່າ ແມນເນັດ ເບວລີ ໄດ້ສະຫຼອງຄົບຮອບວັນເກີດອາຍຸ 102 ປີ ດ້ວຍການໂດດຈ້ອງພ້ອມມີຄູຝຶກລົງມາຈາກເຮືອບິນ ສ້າງສະຖິຕິເປັນຊາວອັງກິດທີ່ມີອາຍຸຫຼາຍທີ່ສຸດໃນການໂດດຈ້ອງໃນລັກສະນະແບບນີ້.

ແມນເນັດ ເບວລີ ໄດ້ເລົ່າຄວາມຮູ້ສຶກຫຼັງໄດ້ໂດດຈ້ອງວ່າ: ມີຄວາມຮູ້ສຶກດີໃຈຫຼາຍ ເພາະມັນເປັນຄວາມຝັນທີ່ຕັ້ງໃຈລໍຖ້າ ຊຶ່ງໃນວິນາທີທີ່ປະຕູເຮືອບິນເປີດອອກ ຕ້ອງໄດ້ຕັດສິນໃຈຕ້ອງໂດດລົງໄປເທົ່ານັ້ນ ແລະ ຂ້ອຍກໍເຮັດມັນໄດ້ ຫຼັງຈາກແມ່ຕູ້ໄດ້ລົງສູ່ພຶ້ນຢ່າງປອດໄພ ກໍໄດ້ຮັບຊໍ່ດອກໄມ້ ແລະ ໃບຢ້ງຢືນພ້ອມທັງສຽງຕົບມືຈາກກອງເຊີຍທີ່ມາໃຫ້ກຳລັງໃຈຢ່າງຫຼວງຫຼາຍ.

ນອກຈາກຈະສ້າງສະຖິຕິແລ້ວ ຍັງສາມາດລະດົມເງິນບໍລິຈາກໄດ້ເຖິງ 9000 ປອນ ຫຼື ປະມານ ເກືອບ 300 ລ້ານກີບ ເພື່ອມອບໃຫ້ໜ່ວຍງານການກຸສົນເຊັ່ນ: ໜ່ວຍງານສຸກເສີນທາງອາກາດ ລວມທັງສະມາຄົນໂຣກທາງປະສາດ ແລະ ໜ່ວຍງານການກຸສົນອື່ນໆອີກດ້ວຍ.

ຢ່າງໃດກໍຕາມແມ່ຕູ້ ເບວລີ ເຄີຍສະຫຼອງວັນເກີດຄົບຮອບ 100 ປີມາແລ້ວໂດຍການຂັບລົດແຂ່ງເຟີຣາຣີ້ດ້ວຍຄວາມໄວ 209 ກິໂລແມັດຕໍ່ຊົ່ວໂມງ ທີ່ສະໜາມຊິວເວີສະໂຕນອີກດ້ວຍ.

ແຫຼ່ງຂ່າວ:skynews

ບົດຄວາມຫຼ້າສຸດ

ແຈ້ງເຕືອນໄພສະບັບທີ 2 ພາຍຸຫນູນເຂດຮ້ອນ ໃນລະຫວ່າງວັນທີ 18 – 22 ກັນຍາ 2024

ພາຍຸດີເປຣຊັນ ກາລັງເຄື່ອນທີຢູ່ເຂດທະເລຈີນໃຕ້ ຕອນກາງ ດ້ວຍຄວາມໄວ 25 ກິໂລແມັດຕໍ່ ຊົ່ວໂມງ ຊຶ່ງໃນເວລາ 8 ໂມງ 25 ນາທີ ມີຈຸດສູນ ກາງ...

ອັບເດດຍອດຜູ້ເສຍຊີວິດ ຈາກເຫດການນ້ຳຖ້ວມ ແລະ ດິນຖະຫຼົ່ມໃນມຽນມາ

ອີງຕາມສື່ທາງການຂອງປະເທດມຽນມາລາຍງານໃນວັນທີ 17 ກັນຍາ 2024 ນີ້ກ່ຽວກັບເຫດການໄພພິບັດນ້ຳຖ້ວມຮຸນແຮງໃນມຽນມາ ໂດຍມີຄົນຄົນເສຍຊີວິດຢ່າງນ້ອຍ 226 ຄົນ ໃນຊ່ວງໜຶ່ງອາທິດທີ່ຜ່ານມາ ໂດຍສາເຫດຂອງນ້ຳຖ້ວມມາຈາກຝົນທີ່ຕົກໜັກຈາກອິດທິພົນຂອງພາຍຸໝຸນເຂດຮ້ອນ ຢາກິ ທີ່ພັດເຂົ້າຖະຫຼົ່ມໃນພາກກາງຂອງປະເທດມຽນມາ. ຕາມການລາຍງານຂອງໜັງສືພິມຂອງລັດຖະບານມຽນມາລະບຸວ່າ: ຕອນນີ້ຍັງມີຜູ້ຄົນຫາຍສາບສູນ 77...

ໂຮງຮຽນ 50 ແຫ່ງ ພ້ອມຄູ-ນັກຮຽນເກືອບ 6 ພັນຄົນ ຮັບຜົນກະທົບຈາກນໍ້າຖ້ວມຫຼວງນໍ້າທາ

ພາຍຫຼັງໄດ້ເກີດສະພາບອາກາດປ່ຽນແປງ ມີພະຍຸລົມແຮງ (ພະຍຸໄຕ້ຝຸ່ນ ຢາກິ) ເຮັດໃຫ້ເກີດມີຝົນຕົກຫຼາຍໃນອາທິດທີ່ຜ່ານມາ ໂດຍສະເພາະແມ່ນໃນແຂວງຫຼວງນໍ້າທາ ຈຶ່ງເຮັດໃຫ້ເກີດຄວາມເສຍຫາຍສົມຄວນຕໍ່ອາຄານໂຮງຮຽນ ທີ່ຕັ້ງຢູ່ພາຍໃນເມືອງຫຼວງນໍ້າທາ ຊຶ່ງມີໂຮງຮຽນ ຈໍານວນ 50 ແຫ່ງ ພ້ອມຄູອາຈານ ແລະ...

ພະແນກສຶກສາ-ກິລາ ຄຳມ່ວນ ແຈ້ງກຽມພ້ອມຮັບມືນໍ້າຖ້ວມ ທີ່ອາດຈະເກີດຂຶ້ນໃນເດືອນກັນຍາ-ຕຸລາ 2024

ອີງຕາມແຈ້ງການຂອງພະແນກສຶກສາ-ກິລາ ແຂວງຄຳມ່ວນ ລົງເມື່ອວັນທີ 17 ກັນຍາ 2024 ກ່ຽວກັບກະກຽມຄວາມພ້ອມຮັບມືກັບໄພພິບັດນໍ້າຖ້ວມທີ່ອາດຈະເກີດຂຶ້ນ ໃນເດືອນກັນຍາ-ຕຸລາ 2024 (ອ່ານລາຍລະອຽດແຈ້ງການລຸ່ມນີ້)