ສຳນັກຂ່າວ ເອເອັບພີ ລາຍງານໃນວັນທີ 16 ສິງຫາ 2024 ຜ່ານມາ, ເກີດເຫດສະເທືອນຂວັນທີ່ປະເທດອິນໂດເນເຊຍ ເມື່ອພົບສົບຂອງແມ່ຕູ້ອາຍຸ 74 ປີ ທີ່ຊື່ວ່າ ນາງ ເມກາ ເສຍຊີວິດຢູ່ຫາງທົງນາ ຖືກງູເຫຼືອມຫັດ ແລະ ກັດ ຈົນເສຍຊີວິດ ໃນແຂວງສຸລາເວສີໃຕ້ ທາງຕອນກາງຂອງອິນໂດເນເຊຍ ຊຶ່ງເປັນເຫຍື່ອລາຍທີ 3 ທີ່ສັງເວຍຊີວິດໃຫ້ກັບງູເຫຼືອມ.
ເຈົ້າໜ້າທີ່ຕຳຫຼວດໃນເມືອງປາໂລໂປ ໃນແຂວງສຸລາເວສີໃຕ້ກ່າວວ່າ: ຫຼັງຈາກພີ່ນ້ອງໄດ້ພົບວ່າແມ່ຕູ້ ເມກາ ບໍ່ໄດ້ກັບບ້ານຕັ້ງແຕ່ວັນພຸດ 14 ສິງຫາ 2024 ຜ່ານມາ, ຈຶ່ງພາກັນອອກຕາມຫາຈຶ່ງພົບວ່າເສຍຊີວິດແລ້ວ ເປັນເພາະຖືກງູຫັດ ແລະ ກັດ ຈົນເຮັດໃຫ້ເສຍຊີວິດ ມີຮອຍກັດບລິເວນຫົວ ແລະ ຂາ.
ຕາມການລາຍງານລູກສາວເປັນຄົນພົບສົບແມ່ ຢູ່ບໍລິເວນນາໃກ້ບ້ານ ແລະ ຫ່າງຈາກສົບພຽງບໍ່ພໍເທົ່າໃດກໍພົບງູເຫຼືອມໃຫຍ່ ມີຄວາມຍາວປະມານ 4 ແມັດ ຊາວບ້ານໄດ້ພາກັນລຸມກັນຂ້າງູໂຕດັ່ງກ່າວຈົນຕາຍ ເຊິ່ງຊາວບ້ານໄດ້ລະບຸວ່າ: ແມ່ຕູ້ ເມກາຖືກງູກືນເຂົ້າໄປຮອດບ່າແລ້ວ ກ່ອນທີ່ຈະຄາຍອອກມາຄືນ.
ການເສຍຊີວິດຈາກການຖືກງູເຫຼືອມກິນ ໃນແຂວງສຸລາເວສີໃຕ້ ປະເທດອິນໂດເນເຊຍ ນັບໄດ້ວ່າເປັນລາຍທີ 3 ໃນປີ 2024 ເຊິ່ງລາຍທຳອິດເກີີດຂຶ້ນໃນຊ່ວງເດືອນ ມັງກອນ ແລະ ລາຍທີ 2 ເກີດຂຶ້ນເມື່ອເດືອນມິຖຸນາ.
ທີ່ມາ: ມະຕິຊົນ