spot_img
Homeຂ່າວພາຍ​ໃນທຳລາຍສິນຄ້າເສື່ອມຄຸນ ຫຼາຍກວ່າ 100 ລາຍການ

ທຳລາຍສິນຄ້າເສື່ອມຄຸນ ຫຼາຍກວ່າ 100 ລາຍການ

Published on

ເມື່ອບໍ່ດົນມານີ້, ຫ້ອງການສາທາລະນະສຸກ ເມືອງວາປີ, ແຂວງສາລະວັນ ຈັດພິທີທຳລາຍສິນຄ້າເສື່ອມຄຸນ ແລະ ໝົດອາຍຸການນຳໃຊ້ ໂດຍການເຂົ້າຮ່ວມຂອງທ່ານ ຄໍາເບົ້າ ແກ້ວວິຈິດ ຮອງຫົວໜ້າຫ້ອງການ ສາທາລະນະສຸກ ເມືອງວາປີ, ພ້ອມດ້ວຍຄະນະກຳມະການກວດກາອາຫານ-ເຄື່ອງດື່ມຂັ້ນເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

May be an image of 8 people and tree

ທ່ານ ຄໍາເບົ້າ ແກ້ວວິຈິດ ໄດ້ໃຫ້ຮູ້ວ່າ: ການທໍາລາຍ ສິນຄ້າເສື່ອມຄຸນ ແລະ ໝົດອາຍຸການນຳໃຊ້ ຢູ່ເມືອງວາປີ ໃນຄັ້ງນີ້ ເພື່ອເປັນການປະຕິບັດ ຕາມກົດໝາຍ ວ່າດ້ວຍ ອາຫານ ສະບັບເລກທີ 33/ສພຊ ລົງວັນທີ 24 ກໍລະກົດ 2013 ແລະ ແຜນການເຄື່ອນໄຫວ ຂອງຄະນະກຳມະການຄວບຄຸມຄຸນນະພາບອາຫານ-ເຄື່ອງດື່ມຂັ້ນເມືອງ ແລະ ເພື່ອເປັນການຄຸ້ມຄອງ ການບໍລິໂພກເຄື່ອງດື່ມ ເຄື່ອງໃຊ້ໃນເມືອງວາປີ ໃຫ້ຖືກຕ້ອງຕາມຫລັກການ, ລະບຽບການ ແລະ ກົດໝາຍ ວ່າດ້ວຍ ອາຫານ ແລະ ຢາ ທີ່ກຳນົດໄວ້.

May be an image of 1 person and text

ເຊິ່ງສິນຄ້າເສື່ອມຄຸນ ແລະ ໝົດອາຍຸການນຳໃຊ້ ແມ່ນໄດ້ຈາກຄະນະກຳມະການຄວບຄຸມຄຸນນະພາບອາຫານ ແລະ ເຄື່ອງດື່ມ ທີ່ເຄື່ອນໄຫວກັກ ແລະ ຢຶດໄດ້ນຳບັນດາຫົວໜ່ວຍທຸລະກິດຫ້າງຮ້ານ, ຮ້ານຂາຍເຄື່ອງອຸປະໂພກ-ບໍລິໂພກຕ່າງໆ ໃນແຕ່ລະແຫ່ງພາຍໃນເມືອງທັງໝົດ 30 ຮ້ານ, ມີ 158 ລາຍການ, ມີເຄື່ອງດື່ມທີ່ໝົດອາຍຸ ແລະ ເສື່ອມຄຸນ ເປັນປະເພດນໍ້າດື່ມ, ນໍ້າອັດລົມ, ນໍ້າໝາກໄມ້, ນົມ, ຂະໝົມ ແລະ ປະເພດເຄື່ອງສຳອາງ ລວມມູນຄ່າ 1 ລ້ານກວ່າກີບ.

ຂ່າວ: ປະເທດລາວ

ບົດຄວາມຫຼ້າສຸດ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ

ກຸ່ມບໍລິສັດ ພອນສັກ ລົງທຶນ 4 ຕື້ໂດລາ ສ້າງໂຮງງານໄຟຟ້າພະລັງງານຄວາມຮ້ອນຖ່ານຫີນຂະຫນາດໃຫຍ່ຢູ່ແຂວງເຊກອງ ສົ່ງອອກກຳປູເຈຍ. ໃນວັນທີ 2 ເມສາ 2025 ໄດ້ຈັດພິທີວາງສິລາລຶກຢ່າງເປັນທາງການ ສຳລັບໂຄງການໄຟຟ້າພະລັງງານຄວາມຮ້ອນຖ່ານຫີນທີ່ເມືອງກະລືມ, ແຂວງເຊກອງ ພາກໃຕ້ຂອງ...

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນ ຈັດຂຶ້ນຢູ່ນະຄອນບຣູດເຊວ, ປະເທດເບວຢຽ

ບໍລິສັດ ເບຍລາວ ໄດ້ຮັບການຮັບຮອງດ້ານຄຸນນະພາບໃນລະດັບສາກົນອີກຄັ້ງ ເມື່ອສອງຜະລິດຕະພັນຂອງບໍລິສັດຄື: ເບຍລາວ ແລະ ເບຍລາວກຣີນ ຄວ້າລາງວັນຫຼຽນຄຳດ້ານຄຸນນະພາບໃນງານ Monde Selection ຄັ້ງທີ 64 ເຊິ່ງເປັນງານມອບລາງວັນດ້ານຄຸນນະພາບລະດັບໂລກ ທີ່ໄດ້ຈັດຂຶ້ນຢູ່ນະຄອນບຣູດເຊວ,...

ພາກເໜືອ-ກາງ ກຽມຮັບມືກັບຝົນຕົກໃນໄລຍະວັນທີ 12 ຫາ 17 ເມສາ 2025

ຝົນຕົກ ຟ້າຮ້ອງ ຟ້າເຫຼື້ອມ, ຫມາກເຫັບຕົກ ແລະ ລົມພັດແຮງ ໃນໄລະຍະວັນທີ 12 ຫາ 17 ເມສາ 2025 ຄວາມກົດດັນສູງອາກາດເຢັນທີ່ປະເທດຈີນຈະແຜ່ລົງມາປົກຄຸມຢູ່ເຂດພາກເຫນືອ ແລະ ພາກກາງ...