ສຳນັກຂ່າວຕ່າງປະເທດລາຍງານວ່າ: ເມື່ອວັນທີ 24 ກໍລະກົດທີ່ຜ່ານມາ, ເກີດເຫດສຸດເສົ້າຈາກອຸບັດຕິເຫດເຮືອບິນຕົກທີ່ປະເທດເນປານ, ເຊິ່ງສາຍການບິນດັ່ງກ່າວແມ່ນສາຍການບິນ Saurya Airlines, ມີຜູ້ເສຍຊີວິດຈຳນວນ 18 ຄົນ, ລອດຊີວິດພຽງ 1 ຄົນ, ເຊິ່ງແມ່ນນັກບິນ.
ຕາມການລາຍງານໄດ້ໃຫ້ຮູ້ວ່າ: ເຮືອບິນດັ່ງກ່າວມີຜູ້ໂດຍສານທັງໝົດປະມານ 19 ຄົນ, ມີເຈົ້າໜ້າທີ່ຝ່າຍເທັກນິກສາຍການບິນ 17 ຄົນ ແລະ ລູກເຮືອ 2 ຄົນ, ຖ້ຽວບິນນີ້ເປັນຖ້ຽວບິນທົດສອບ, ເຊິ່ງເກີດເຫດໃນຂະນະທີ່ນັກບິນໄດ້ນຳເຮືອບິນ ບິນຂຶ້ນຈາກສະໜາມບິນຕຣີພູວັນ ເມື່ອເວລາ 11:15 ນາທີ(ຕາມເວລາທ້ອງຖິ່ນ) ເພື່ອຈະເດີນທາງໄປເມືອງໂພຄາຣາ ແຕ່ກໍມາເກີດອຸບັດຕິເຫດດັ່ງກ່າວຂຶ້ນ. ສ່ວນສາເຫດຂອງການເກີດອຸບັດຕິເຫດດັ່ງກ່າວ, ເຈົ້າໜ້າທີ່ກຳລັງທຳການສືບສວນຢ່າງລະອຽດ.
ຂ່າວ: bbc