ສຳນັກຂ່າວຕ່າງປະເທດ ລາຍງານວ່າ: ເມື່ອວັນທີ 22 ມິຖຸນາທີ່ຜ່ານ, ເຮືອບິນໂດຍສານ ໂບອິ້ງ 737 ແມັກ 8 ຂອງສາຍການບິນໂຄຣຽນເເອ ຖ້ຽວບິນ KE189 ຕົກຂຸມອາກາດໃນຂະນະທີ່ເດີນທາງໄປຍັງເມືອງໄຖຈົງ, ໄຕ້ຫວັນ, ເຊິ່ງໃນຖ້ຽວບິນດັ່ງກ່າວມີຜູ້ໂດຍສານທັງໝົດ 125 ຄົນ.
ຜູ້ໃນເຫດການໄດ້ເລົ່າວ່າ: ຫຼັງຈາກທີ່ເຮືອບິນ ບິນອອກຈາກສະໜາມບິນອິນຊອນ (ປະເທດເກົາຫຼີໃຕ້) ໄດ້ປະມານ 50 ນາທີ, ເຮືອບິນກໍໄດ້ເກີດເຫດຕົກຂຸມອາກາດ ຈາກ 30,000 ຟຸດ ຫຼຸດລົງມາເຫຼືອພຽງ 9,000 ຟຸດ ຢ່າງກະທັນຫັນ, ຈົນເຮັດໃຫ້ນັກບິນພະຍາຍາມຄວບຄຸມເຮືອບິນໃຫ້ເດີນທາງກັບມາຍັງສະໜາມບິນຕົ້ນທາງ ອີກຄັ້ງ (ສະໜາມບິນອິນຊອນ ປະເທດເກົາຫຼີໃຕ້)
ຕໍ່ກັບເຫດການທີ່ເກີດຂຶ້ນ ເຈົ້າໜ້າທີ່ໄດ້ລະບຸວ່າ: ມີຜູ້ໂດຍສານໄດ້ຮັບບາດເຈັບ 15 ຄົນ ຈາກອາການເຈັບແກ້ວຫູ ແລະ ອາການຫາຍໃຈໄວກວ່າປົກກະຕິ (hyperventilation), ໄດ້ນຳຕົວຜູ້ບາດເຈັບສົ່ງໂຮງໝໍໂດຍດ່ວນ. ເຊິ່ງຕໍ່ມາ, ໃນວັນທີ 23 ມິຖຸນາທີ່ຜ່ານມາ ທາງ ໂຄຣຽນແອ ໄດ້ໃຊ້ເຮືອບິນລຳໃໝ່ ພາຜູ້ໂດຍສານໄປສົ່ງຍັງຈຸດໝາຍ (ເມືອງໄຖຈົງ, ໄຕ້ຫວັນ) ອີກຄັ້ງຢ່າງປອດໄພ.
ຂ່າວ: NY post