spot_img
Homeຂ່າວພາຍ​ໃນບໍລິສັດທາງລົດໄຟລາວ-ຈີນ ຝຶກຊ້ອມແຜນການຮັບມືກັບເຫດການສຸກເສີນ

ບໍລິສັດທາງລົດໄຟລາວ-ຈີນ ຝຶກຊ້ອມແຜນການຮັບມືກັບເຫດການສຸກເສີນ

Published on

ບໍລິສັດ ທາງລົດໄຟລາວ-ຈີນ ຈຳກັດ ຝຶກຊ້ອມແຜນການຮັບມືເຫດການສຸກເສີນ ຢູ່ທີ່ສະຖານີລົດໄຟນະຄອນຫລວງວຽງຈັນ ໃນວັນທີ 19 ມິຖຸນາ 2024 ພາຍໃຕ້ການຊີ້ນຳຂອງສະຖານ ທູດທູດທະຫານ ສປ ຈີນ ປະຈຳ ສປປ ລາວ ແລະ ກົມຕຳຫລວດທາງລົດໄຟ, ກະຊວງປ້ອງກັນຄວາມສະຫງົບ. ທັງນີ້, ກໍເພື່ອເປັນການຮັບມືກັບເຫດການສຸກເສີນທີ່ອາດຈະເກີດຂຶ້ນຢ່າງບໍ່ຄາດຄິດໃນສະຖານີ ຫລື ສະຖານທີ່ຄົນຈຳນວນຫລາຍໃຫ້ມີປະສິດທິຜົນ, ວ່ອງໄວ ແລະ ຮັບການຊ່ວຍເຫລືອໄດ້ທັນເວລາ.

ການຝຶກຊ້ອມຄັ້ງນີ້, ທ່ານ ຫລິວ ຫົງ ຜູ້ອຳນວຍການໃຫຍ່ ບໍລິສັດທາງລົດໄຟລາວ-ຈີນ ຈໍາກັດ ໄດ້ມີຄໍາເຫັນວ່າ: ການຝຶກຊ້ອມຮັບມືສຸກເສີນຄັ້ງນີ້, ໄດ້ສະແດງໃຫ້ເຫັນເຖິງການສ້າງສະພາບແວດລ້ອມທີ່ປອດໄພ ຂອງທາງລົດໄຟລາວ-ຈີນ ໃຫ້ແກ່ຜູ້ໂດຍສານທີ່ມາໃຊ້ບໍລິການ, ການຈຳລອງເຫດການສຸກເສີນ ແລະ ວິທີການຮັບມືໄດ້ຈໍາລອງເຫດການ ເຊັ່ນ: ເກີດມີການຂັດແຍ່ງ, ໂຕ້ຖຽງກັນ ແລະ ມີການໃຊ້ອາວຸດປືນ ແລະ ຂົ່ມຂູ່ ສົ່ງຜົນໃຫ້ເກີດມີການກໍການຮ້າຍ (ຍິງປືນແກັບ) ເຮັດໃຫ້ຜູ້ໂດຍສານພາກັນແລ່ນແຕກຕື່ນດ້ວຍຄວາມຕົກໃຈ ແລະ ກໍໃຫ້ເກີດມີຜູ້ບາດເຈັບ. ຈາກນັ້ນ, ພະນັກງານກວດປີ້, ພະນັກງານຮັກສາຄວາມປອດໄພ ກໍໄດ້ຝຶກຊ້ອມດໍາເນີນຕາມຂັ້ນຕອນຄວາມປອດໄພ ໂດຍໄດ້ໃຊ້ກົນໄກການສື່ສານລາຍງານຕໍ່ຫົວໜ້າສະຖານີ ແລະ ພາກສ່ວນທີ່ກ່ຽວຂ້ອງຕາມລຳດັບ; ຝຶກຊ້ອມທັງເຄື່ອນຍ້າຍຜູ້ໂດຍອອກຈາກບ່ອນເກີດເຫດຢ່າງຮີບດ່ວນ ແລະ ປອດໄພ; ໂທຫາຕຳຫລວດເພື່ອລາຍງານສະພາບ ໂດຍສະເພາະຫ້ອງຄວບຄຸມການເດີນລົດ, ຕິດຕໍ່ຫາໂຮງໝໍ; ເຄື່ອນຍ້າຍຜູ້ໂດຍສານໄປບ່ອນທີ່ປອດ ໄພຢ່າງຮີບດ່ວນ ໂດຍດຳເນີນການຢ່າງຖືກວິທີອອກຈາກສະຖານີ ດ້ວຍປະຕູໜີໄພດ້ານຫລັງທັງສອງຂ້າງຂອງສະຖານີໄດ້ຢ່າງປອດໄພ ແລະ ໄດ້ໃຊ້ຄວາມຮູ້ທີ່ໄດ້ຜ່ານການຝຶກຊ້ອມມາຊ່ວຍປະຖົມພະຍາບານເບື້ອງຕົ້ນໃຫ້ແກ່ຜູ້ໂດຍສານທີ່ຮັບບາດເຈັບ ແລະ ທາງສະຖານີກໍໄດ້ເປີດນໍາໃຊ້ສຽງແຈ້ງເຕືອນອັນຕະລາຍ ເພື່ອໃຫ້ຜູ້ໂດຍສານທ່ານອື່ນທີ່ຢູ່ນອກສະຖານີຮັບຮູ້ ແລະ ຫລີກໜີຢ່າງທັນເວລາ.

ບໍລິສັດ ທາງລົດໄຟລາວ-ຈີນ ຈຳກັດ ໄດ້ນໍາໃຊ້ມາດຕະການທີ່ຮັດກຸມ, ຈັດຕັ້ງທີມຮັບມືສຸກເສີນຕໍ່ເຫດການທີ່ບໍ່ຄາດຄິດ, ເພີ່ມທະວີການປະສານງານທີ່ມີປະສິດທິພາບ ແລະ ວ່ອງໄວເຊັ່ນ: ແຈ້ງຢຸດຈອດລົດໄຟທີ່ຈະເຂົ້າ-ອອກສະຖານີຊົ່ວຄາວ, ຮັບປະກັນຄວາມປອດໄພໃນທຸກພາກສ່ວນທີ່ສຳຄັນ, ການສະກັດກັ້ນອັກຄີໄພ ແລະ ປ້ອງກັນການລັກລອບໃນສະຖານີ, ການປະສານງານກັບຕໍາຫລວດທາງລົດໄຟ ແລະ ບໍລິສັດຮັກສາຄວາມປອດໄພ, ການກະກຽມອຸປະກອນປ້ອງກັນຢາງຄົບຊຸດ, ເພີ່ມມາດຕະການກວດກາລາດຕະເວນ, ເກັບກໍາຂໍ້ມູນທີ່ລະອຽດເພື່ອລາຍງານຕໍ່ພາກສ່ວນທີ່ກ່ຽວຂ້ອງ, ທາງພາກສ່ວນຕໍາຫລວດກໍໄດ້ຈັດຕັ້ງທີມສະກັດກັ້ນຜູ້ກໍ່ການຮ້າຍ, ເພື່ອໃຫ້ການປະຕິບັດໜ້າທີ່ມີປະສິດທິພາບຂຶ້ນ ໄດ້ຈັດທີມທີ່ມີທັກສະໃນການຊ່ວຍເຫລືອຕົວປະກັນ, ການຕໍ້ສູ້ ແລະ ວິທີການເຈລະຈາກັບຜູ້ກໍ່ການຮ້າຍຈົນສຳເລັດການຊ່ວຍເຫລືອ. ນອກຈາກນີ້, ຍັງໄດ້ການຝຶກຊ້ອມການຈຳລອງເຫດການ ເກັບກູ້ລະເບີດທີ່ສົງໄສຢູ່ໃນສະຖານີຫ້ອງລໍຖ້າຂຶ້ນລົດ.

ແຫຼ່ງຂ່າວ: ປະເທດລາວ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...