spot_img
Homeຂ່າວເຫດການເຕືອນໄພສາຍໃຈບຸນ ລະວັງມິດສາຊີບທີ່ສ້າງເພຈຂຶ້ນມາ ແລ້ວແອບອ້າງເປັນໜ່ວຍກູ້ໄພ ເປີດຮັບບໍລິຈາກ

ເຕືອນໄພສາຍໃຈບຸນ ລະວັງມິດສາຊີບທີ່ສ້າງເພຈຂຶ້ນມາ ແລ້ວແອບອ້າງເປັນໜ່ວຍກູ້ໄພ ເປີດຮັບບໍລິຈາກ

Published on

ເຕືອນໄພສາຍໃຈບຸນ ທ່ານໃດມັກບໍລິຈາກເງິນຊ່ວຍເຫຼືອຕາມເພຈກູ້ໄພໃຫ້ກວດສອບດີໆກ່ອນໂອນ ເນື່ອງຈາກມີເພຈປອມໄດ້ໃຊ້ຊື່ ແລະ ໂລໂກ້ຂອງໜ່ວຍງານກູ້ໄພແທ້ ເພື່ອເປັນຊ່ອງທາງໃນການຮັບບໍລິຈາກ.

ເມື່ອວັນທີ 11 ມິຖຸນາ 2024, ເພຈປອມທີ່ໃສ່ສື່ວ່າ ມູນລະນິທິ ກູ້ໄພຊ່ວຍເຫຼືອຄົນທຸກຍາກໄດ້ມີການໂພສເປີດຮັບບໍລິຈາກໃນວັນອັງຄານ ໂດຍມີເນື້ອໃນວ່າ:

“ຕາສົງສານເສດຖະກິດແບບນີ້ເຊັກປະຫັວດໄດ້ນ້ອງນ້ຳນິນອາຍຸ 12 ປີທີ່ກູ້ໄພນະຄອນຫຼວງຊ່ວຍເຫຼືອໄດ້ເສຍຊີວີດແລ້ວ ນ້ອງນ້ຳນິນອາການຊຸດຫນັກແຕ່ມື້ແລງວານນີ້ທີ 10/6/2024 ຈົນຮອດປະຈຸບັນນີ້ເວລາ10ໂມງເຊົ້າທີ 11/6/2024 ນ້ອງນ້ຳນິນໄດ້ເສຍຊິວິດແລ້ວ ທາງໜ່ວຍກູ້ໄພຂອງພວກເຮົາກໍ່ຈະນຳສົ່ງສົບນ້ອງກັບບ້ານມື້ອື່ນຕອນສວຍເພາະນ້ອງເປັນຄົນບ້ານໂນນສົມບຸນ ເມືອງບໍລິຄັນ ແຂວງບໍລິຄຳໄຊ ສ່ວນຄ່າໃຊ້ຈ່າຍຄາປີ່ນປົວແລະນຳສົ່ງນ້ອງກັບບ້ານແມ່ນທາງກູ້ໄພຂອງພວກເຮົາອອກຄ່າໃຊ້ຈ່າຍໃຫ້ທັງໝົດ ທ່ານໃດຢາກອອກຄ່າຊ່ວຍໂລ່ງສົບ 9.000.000 ກີບສົ່ງສະການວັນທີ 13/6/2024 ທ່ານສາມາດບໍລິຈາກກິນທານຄ່າໂລ່ງຜ່ານບັນຊີການຄ້າສູນກາງ ໝ່ວຍກູ້ໄພເລີຍເຈົ້າຜ່ານເລກບັນຊີສູນກາງໝ່ວຍກູ້ໄພໄດ້ເລີຍເຈົ້າ 1111228439512 ”

ຫຼັງຈາກໂພສດັ່ງກ່າວໄດ້ເຜີຍແຜ່ອອກໄປກໍມີຫຼາຍຄົນເຂົ້າມາສະແດງຄວາມຄິດເຫັນ ແລະ ບໍລິຈາກເງິນໂດຍທີ່ບໍ່ຮູ້ໂຕວ່າກຳລັງຕົກເປັນເຫຍື່ອຂອງມິດສາຊີບ, ເນື່ອງຈາກໄດ້ມີຍາດພີ່ນ້ອງຂອງຜູ້ເສຍຊີວິດໄດ້ອອກມາເປີດເຜີຍວ່າ: ນ້ອງແມ່ນມີອາການໜັກ ຕັ້ງແຕ່ວັນທີ 2/06/2024 ແລະ ໄດ້ເສຍຊີວິດຕັ້ງແຕ່ວັນທີ 3/06/2024 ແລ້ວ ພ້ອມຂໍໃຫ້ທຸກຄົນລະວັງເພຈດັ່ງກ່າວ.

ໂດຍຢາກແຈ້ງໃຫ້ທຸກທ່ານກວດຄືນເບິ່ງ ພ້ອມຕິດຕໍ່ຫາໜ່ວຍກູ້ໄພກ່ອນທີ່ຈະໂອນເງິນບໍລິຈາກອອນລາຍ ເຊິ່ງວິທີເບິ່ງເບື້ອງຕົ້ນ:
ເພຈປອມ ແມ່ນບໍ່ຮູ້ທີ່ຕັ້ງໜ່ວຍງານ, ໂທໄປບໍ່ຕິດ ບໍ່ມີຄົນຮັບ, ເອົາຮູບເກົ່າລົງຊໍ້າໆ, ຂໍ້ມູນປິດເປຶອນ. ສ່ວນເພຈແທ້: ຮູ້ທີ່ຕັ້ງໜ່ວຍງານຊັດເຈນ (ມີບ້ານ, ເມືອງ, ແຂວງ ສາມາດໄປບໍລິຈາກໄດ້ຮອດສະຖານທີ່), ຕິດຕໍ່ໄດ້, ມັກອອກເຫດຊ່ວຍເຫຼືອສັງຄົມ.

ທັງນີ້, ຂໍໃຫ້ພາກສ່ວນຮັບຜິດຊອບກວດກາຕື່ມ ພ້ອມໃສ່ໂທດຜູ້ແອບອ້າງທີ່ຫາກິນນຳຄວາມໃຈບຸນຂອງປະຊາຊົນ.

ເພີ່ມເຕີມ: ແຟນເພສທີ່ມີຄົນຕິດຕາມຫຼາຍ ກໍບໍ່ໄດ້ກາລັງຕີວ່າ ເພຈດັ່ງກ່າວແມ່ນເພຈແທ້ ເນື່ອງມິດສາຊີບ ນຳໃຊ້ຫຼາຍວິທີ ແລະ ຫຼາຍຮູບແບບ ທີ່ສາມາດຊັກຊວນ ແລະ ເຮັດໂຕໃຫ້ສັງຄົມເຊື່ອຖືພວກເຂົາ

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...