spot_img
Homeຂ່າວພາຍ​ໃນພົບສົບຍິງເສຍຊີວິດເທິງຫຼັງຄາຂອງຕືກ

ພົບສົບຍິງເສຍຊີວິດເທິງຫຼັງຄາຂອງຕືກ

Published on

ພະແນກຕໍາຫຼວດ ກອງບັນຊາການ ປກສ ເຂດບໍ່ເຕ່ນ ແຂວງຫຼວງນໍ້າທາ ໃຫ້ຮູ້ວ່າ: ໃນເວລາປະມານ 10 ໂມງ 20 ນາທີ ຂອງວັນທີ 6 ພຶດສະພາທີ່ຜ່ານມາ ໄດ້ຮັບແຈ້ງຄວາມຈາກພົນລະເມືອງດີວ່າ: ພົບຄົນນອນເສຍຊີວິດຢູ່ຮ່ອງລະບາຍນໍ້າ ເທິງຫຼັງຄາຊັ້ນ 5 ຂອງຕຶກ N16, ຈື່ງໄດ້ລົງກວດກາ ສະຖານທີ່ເກີດເຫດ ພ້ອມທັງເກັບກໍາຂໍ້ມູນຫຼັກຖານ.

ไม่มีคำอธิบายรูปภาพ

ຜ່ານການສອບຖາມ ແລະ ເກັບກໍາຂໍ້ມູນເບື້ອງຕົ້ນ ຮູ້ໄດ້ວ່າ: ຜູ້ເສຍຊີວິດ ຊື່ ນາງ ແຈງຊົງ ອາຍຸ 18 ປີ, ປະຊາຊົນບ້ານລາງຈົງ, ເມືອງຮຸນ, ແຂວງອຸດົມໄຊ. ກ່ອນເກີດເຫດໃນວັນທີ 4 ພຶດສະພາທີ່ຜ່ານມາ ຜູ້ກ່ຽວໄດ້ເດີນທາງເຂົ້າມາເຂດບໍ່ເຕ່ນ, ແຂວງຫຼວງນ້ຳທາ ພ້ອມກັບ ທ້າວ ຈົງຊຽວຊຸນ, ອາຍຸ 46 ປີ, ສັນຊາດຈີນ, ຢູ່ບ້ານທົງຊີ, ເມືອງພິງຈຽງ, ແຂວງຫູໜານ (ແຟນຂອງນາງແຈງຊົງ) ມາພັກຢູ່ໂຮງແຮມໃນຕຶກ N16 ຊັ້ນທີ 12, ເວລາປະມານ 19-20 ໂມງຂອງວັນທີ 5 ພຶດສະພາທີ່ຜ່ານມາ ນາງ ໄມໄອ (ນ້າສາວຂອງຜູ້ເສຍຊີວິດ) ມາພົບ ແລະ ໄດ້ລົມກັນຈົນຮອດເວລາປະມານ 22 ໂມງຈຶ່ງໄດ້ເລີກລາກັນ.ມາໃນວັນທີ 6 ພຶດສະພາ ທີ່ຜ່ານມາ ເວລາ 00 ໂມງ 06 ນາທີ, (ຕາມກ້ອງວົງຈອນປິດ) ຜູ້ເສຍຊີວິດ ໄດ້ອອກຈາກຫ້ອງນອນ ພ້ອມທັງໂທລະສັບວິດີໂອຄໍ ລົມຜູ້ໃດໜຶ່ງ ແລ້ວຂື້ນລິບໄປຊັ້ນ 18 (ຊັ້ນສຸດທ້າຍ) ຍ່າງໄປຮອດບ່ອນປ່ອງຢ້ຽມກົງກັບບ່ອນທີ່ຜູ້ເສຍຊີວິດຕົກລົງມາ ໃນເວລາ 00 ໂມງ 08 ນາທີ (ຈາກນັ້ນພາບວົງຈອນກໍ່ບໍ່ສາມາດຈັບພາບຕໍ່ໄປໄດ້).

อาจเป็นรูปภาพของ 3 คน

ຕໍ່ກັບເຫດການດັ່ງ, ກ່າວທາງເຈົ້າໜ້າທີ່ວິຊາສະເພາະ ປກສ ແຂວງ ພວມດໍາເນີນເກັບກໍາຂໍ້ມູນ ແລະ ນຳເອົາບຸກຄົນທີ່ກ່ຽວຂ້ອງມາດຳເນີນການສອບສວນເພີ່ມຕື່ມ ເພື່ອຊອກຫາເຖິງແຮງຈູງໃຈ ແລະ ຕົ້ນປາຍສາເຫດຂອງການເສຍຊີວິດໃນຄັ້ງນີ້.

ຂ່າວ: ອຸດອນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...