spot_img
Homeຂ່າວພາຍ​ໃນສ້ອມແປງທາງເຂົ້າເທດສະບານເມືອງຕົ້ນເຜິ້ງ

ສ້ອມແປງທາງເຂົ້າເທດສະບານເມືອງຕົ້ນເຜິ້ງ

Published on

ເມື່ອບໍ່ດົນມານີ້, ພະແນກ ຍທຂ ແຂວງ ບໍ່ແກ້ວ ສົມທົບກັບ ພະແນກການກ່ຽວຂ້ອງຂອງແຂວງ, ຫ້ອງການ ຍທຂ ເມືອງຕົ້ນເຜິ້ງ ແລະ ວິຊາການຂົວທາງບໍລິສັດ ຂວັນໄຊນໍາໂຊກ ອອກແບບກໍ່ສ້າງເຄຫະສະຖານ ແລະ ຂົວທາງ ນໍາໂດຍ ທ່ານ ສົມອົກ ມະນີວັນ ຫົວໜ້າຂະແໜງຈັດຕັ້ງ – ກວດກາ ພະແນກ ຍທຂ ແຂວງ , ທ່ານ ແສງເພັດ ຈິດຕະພົງ ຫົວໜ້າຫ້ອງການ ຍທຂ ເມືອງ ຕົ້ນເຜິ້ງ ໄດ້ລົງກວດກາຜົນສຳເລັດການປັບປຸງສ້ອມແປງເສັ້ນທາງເຂົ້າເທດສະບານເມືອງຕົ້ນເຜິ້ງ.

อาจเป็นรูปภาพของ 8 คน, ถนน, หมอก และ ถนน

ການປັບປຸງ ສ້ອມແປງເສັ້ນທາງເຂົ້າເທດສະບານເມືອງ ຕົ້ນເຜິ້ງ ໄດ້ເລີ່ມຈັດຕັ້ງປະຕິບັດມາແຕ່ທ້າຍເດືອນກຸມພາ 2024, ໂດຍ ກໍ່ສ້າງໃນມູນຄ່າ 3 ຕື້ 654 ລ້ານກວ່າກີບ, ປະກອບມີ 3 ເສັ້ນຄື: ເສັ້ນທາງເລກທີ 2383 ຈາກສີ່ແຍກກອງບັນຊາການທະຫານເມືອງ ຫາ ທາງຫຼວງ R3B ໄລຍະທາງ 1,950 ແມັດ, ໜ້າທາງກວ້າງ 5 ແມັດ; ເສັ້ນທາງເລກທີ 2385 ຈາກເຂດໜອງເຮ້ຍ ຫາ ທາງຫຼວງ R3B ຈຸດທາງເຂົ້າເທດສະບານເມືອງ ໄລຍະທາງ 1,420 ແມັດ, ໜ້າທາງກວ້າງ 5 ແມັດ; ເສັ້ນທາງຊອຍບ້ານໂພນໂຮມ ໄລຍະທາງ 630 ແມັດ, ໜ້າທາງກວ້າງ 5 ແມັດ.

อาจเป็นรูปภาพของ 4 คน, จานร่อน และ ต้นไม้

ສ່ວນໜ້າວຽກການປັບປຸງ ສ້ອມແປງ ໃນໄລຍະຈັດຕັ້ງປະຕິບັດໂຄງການແມ່ນມີຄື: ການອະນາໄມຂຸດລອກສອງຂ້າງທາງ, ການຂຸດລອກໜ້າທາງເກົ່າ, ປັບເກດຂຶ້ນຮູບທາງ, ວຽກດິນຕັດ, ການຂຸດຮ່ອງລະບາຍນໍ້າ, ການຂຸດວັດສະດຸບໍ່ເໝາະອອກ ພ້ອມທັງຖົມດິນຄືນ, ການຖົມດິນຍົກລະດັບ, ການຖົມດິນປະສົມຫິນແຮ່ເພື່ອຍົກລະດັບ ແລະ ການຕິດຕັ້ງທໍ່ກົມ ເຊິ່ງແຕ່ລະໜ້າວຽກແມ່ນສຳເລັດ 100 %.

อาจเป็นรูปภาพของ 10 คน, ถนน และ หมอก

ໂຄງການປັບປຸງ ສ້ອມແປງ ເສັ້ນທາງເຂົ້າເທດສະບານເມືອງ ຕົ້ນເຜິ້ງ ເປັນການປະຕິບັດຕາມແຜນຂອງແຂວງ ໃນການຂະຫຍາຍຜັງເມືອງ, ເພື່ອຮອງຮັບການຕັ້ງທີ່ຢູ່ອາໄສທີ່ນັບມື້ນັບເພີ່ມຂຶ້ນ, ເປັນການແກ້ໄຂບັນຫາການສັນຈອນແອອັດຕາມເສັ້ນທາງໃນເທດສະບານເມືອງ, ທັງເຮັດໃຫ້ເສັ້ນທາງຄົມມະນາຄົມມີຄວາມສະດວກສະບາຍ ແລະ ເຊື່ອມຈອດກັນ, ມາຮອດປະຈຸບັນແມ່ນສຳເລັດໂຄງການ 100 % ແລະ ສາມາດສັນຈອນໄດ້.

ພາບ – ຂ່າວ: ອຸໄທ ພູມມາ.

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...