ຜູ້ອາໄສໃນພາກເໜືອຂອງເມືອງຫລວງປະເທດໂຊມາລີ ເສຍຊີວິດກ່ວາ 50 ຄົນ ຫລັງຈາກດື່ມນ້ຳປົນເປື້ອນຈາກນ້ຳສ້າງ
ທີ່ຫາກໍຂຸດຂຶ້ນໃໝ່.
ສຳນັກຂ່າວຕ່າງປະເທດ ລາຍງານໃນວັນທີ 12 ທັນວານີ້ວ່າ ປະຊາຊົນຊາວໂຊມາລີ ທີ່ອາໄສຢູ່ໃນເຂດຍັກຊິດ ທາງພາກເໜືອ
ຂອງນະຄອນຫລວງກາດິຊູ ປະເທດໂຊມາລີ ເສຍຊີວິດກ່ວາ 50 ຄົນ ຫລັງຈາກທີ່ດື່ມນ້ຳຈາກນ້ຳສ້າງທີ່ຂຸດຂຶ້ນໃໝ່ ເຊິ່ງກວດ
ພົບໃນພາຍຫລັງວ່າ ມີການປົນເປື້ອນເຊື້ອພະຍາດ ໂດຍຜູ້ເສຍຊີວິດທີ່ອາຍຸນ້ອຍທີ່ສຸດໃນເຫດການຄັ້ງນີ້ ແມ່ນເປັນເດັກ
ນ້ອຍອາຍຸພຽງ 8 ປີເທົ່ານັ້ນ.
ທ່ານ ອອສມັນ ໂມຮຳເໝັດ ຮອງກົມການປົກຄອງເຂດຍັກຊິດ ໄດ້ເປີດເຜີຍວ່າ ໃນໄລຍະຜ່ານມານີ້ ມີຜູ້ທີ່ໄປດື່ມນ້ຳຈາກນ້ຳ
ສ້າງດັ່ງກ່າວກ່ວາ 150 ຄົນ ແລະ ທັງໝົດໄດ້ຖືກສົ່ງເຂົ້າປິ່ນປົວຢູ່ໂຮງໝໍ ແຕ່ຍັງບໍ່ທັນຮູ້ຊັດເຈນວ່າ ນ້ຳໃນນ້ຳສ້າງດັ່ງກ່າວນີ້
ມີສານປົນເປື້ອນເຂົ້າມາໄດ້ແນວໃດເທື່ອ.
ທັງນີ້ ອົງການສະຫະປະຊາຊາດ ໄດ້ເປີດເຜີຍວ່າ ຢູ່ທະວີບອາຟຣິກາ ໃນທຸກໆ 1 ຊົ່ວໂມງ ຈະມີຜູ້ເສຍຊີວິດຈາກອາການຕິດ
ພະຍາດຍ້ອນຂາດສຸຂະອານາໄມ ຢູ່ພາຍໃນປະເທດຂອງຕົນ.