ເມື່ອບໍ່ດົນມານີ້, ເວັບໄຊ້ຕ່າງປະເທດລາຍງານວ່າ:ລົດໄຟເຫາະ ທີ່ຖືກຂະໜານນາມວ່າ: ເປັນລົດໄຟເຫາະທີ່ມີຄວາມໄວສູງທີ່ສຸດໃນໂລກ Do-Dodonpa ທີ່ສວນສະໜຸກ ຟູຈິ-ຄິວ ໄຮແລນ, ໃນແຂວງ ຢາມານາຊິ, ປະເທດຍີ່ປຸ່ນ ປະກາດປິດໃຫ້ບໍລິການຖາວອນ, ເນື່ອງຈາກມີການລາຍງານວ່າມີຜູ້ຫຼິ້ນໄດ້ຮັບບາດເຈັບ-ກະດູກຫັກຫຼາຍຄົນຈາກການຫຼິ້ນເຄື່ອງຫຼິ້ນດັ່ງກ່າວ.
ໃນໄລຍະຜ່ານມາ, ທາງສວນສະໜຸກໄດ້ພະຍາຍາມຫາທາງອອກ ແລະ ແກ້ໄຂເພື່ອແເພິ່ມຄວາມປອດໄພໃຫ້ກັບເຄື່ອງຫຼິ້ນດັ່ງກ່າວຫຼາຍຂຶ້ນ, ແຕ່ກໍຍັງບໍ່ສາມາດແກ້ໄຂໄດ້ເທົ່າທີ່ຄວນ, ເນື່ອງຈາກຄ່າ G-Force ຈາກການເລັ່ງຄວາມໄວຂອງລົດໄຟເຫາະນີ້ຢູ່ທີ່ 3.75G ເຊິ່ງຖືວ່າທຽບເທົ່າກັບການອອກຕົວຂອງເຮືອບິນອາຍພົ່ນ, ອາດຈະເຮັດໃຫ້ເກີດການບາດເຈັບຈາກແຮງອອກຕົວຂອງເຄື່ອງຫຼິ້ນໄດ້.
ພາຍຫຼັງທີ່ທາງສວນສະໜຸກໄດ້ປຶກສາຫາລືຫຼາຍຄັ້ງກັບຜູ້ຜະລິດ, ຈຶ່ງໄດ້ຂໍ້ສະຫຼຸບວ່າ: ຈະຕັດສິນໃຈປິດໃຫ້ບໍລິການຢ່າງຖາວອນ, ຫຼັງຈາກໃນໄລຍະ 2-3 ປີທີ່ຜ່ານມາ ມີຜູ້ໄດ້ຮັບບາດເຈັບຫຼາຍກວ່າ 18 ຄົນ, ໃນນັ້ນມີ 9 ຄົນ ມີອາການກະດູກຫັກ.
ຂ່າວ: Japan Today