ສຳນັກຂ່າວຕ່າງປະເທດລາຍງານວ່າ: ຊາຍຄົນໜຶ່ງມີອາການອອກຮ້ອນໃນຮູຄໍ, ສຽງແຫບ, ບາງຄັ້ງກໍມີອາການໄອອອກມາເປັນເລືອດ, ແຕ່ກໍຄິດວ່າຕົນເອງບໍ່ໄດ້ເປັນຫຍັງ, ຈົນມາຮູ້ສຶກວ່າມີຫຍັງບາງຢ່າງເໜັງໄປມາໃນຮູຄໍ.ຫຼັງຈາກນັ້ນລາວໄດ້ສ່ອງກະຈົກເບິ່ງ ສັງເກດເຫັນວ່າມີກ້ອນສີນໍ້າຕານຕິດຢູ່ໃນຮູຄໍ ແລະ ຮີບໄປກວດຢູ່ໂຮງໝໍທັນທີ.ພາຍຫຼັງທີ່ໝໍໄດ້ທຳການກວດພົບວ່າໃນຮູຄໍຂອງຊາຍຄົນດັ່ງກ່າວມີປິງຍາວຂະໜາດ 6 ເຊັນ ຢູ່ໃກ້ກັບຫຼອດລົມ ແລະ ໄດ້ທຳການວາງຢາສະຫຼົບ, ພ້ອມດຶງປິງອອກມາ.
ຈາກກໍລະນີດັ່ງກ່າວ, ແພດຍັງໄດ້ກ່າວຕື່ມອີກວ່າ: ປິງ ເປັນສິ່ງທີ່ມີຊີວິດທີ່ສາມາດເຂົ້າສູ່ນ່າງກາຍມະນຸດໄດ້, ເນື່ອງຈາກຂາດການຮັກສາສຸຂະອະນາໄມທີ່ເໝາະສົມ, ໃນກໍລະນີຂອງຊາຍຄົນດັ່ງກ່າວ ແມ່ນລາວໄດ້ຮັບບາດເຈັບຈາກກັບດັກໜູ ແລ້ວນຳເອົາໃບພືດສະໝຸນໄພມາຫຍໍ້າໂດຍທີ່ບໍ່ໄດ້ລ້າງ, ຈຶ່ງພາໃຫ້ປິງຂະໜາດໂຕນ້ອຍໆເຂົ້າໄປຢູ່ໃນຮູຄໍ ແລະ ດູດເລືອດຊາຍຄົນດັ່ງກ່າວຈົນໂຕໃຫຍ່, ເພື່ອເປັນການຫຼີກລ່ຽງເຫດການນີ້, ແນະນຳໃຫ້ປະຊາຊົນບໍ່ດື່ມນໍ້າໃນແຫຼ່ງນໍ້າທີ່ບໍ່ສະອາດ ແລະ ກິນສະໝຸນໄພສົດໆໃນປ່າ.
ຂ່າວ: Oodditycentral