ມອບເງິນຊຸກຍູ້ຄອບຄົວທີ່ຖຶກເຄາະຮ້າຍຈາກໄຟໄໝ້

0
296

ວັນທີ 22 ກຸມພາ ທີ່ຜ່ານມາ, ທ່ານ ປອ ບົວຄົງ ນາມມະວົງ ເຈົ້າແຂວງ ແຂວງບໍ່ແກ້ວ, ພ້ອມດ້ວຍຄະນະຕ້ານໄພພິບັດຂັ້ນແຂວງ ໄດ້ນໍາເອົາເງິນ ຈໍານວນ 15.000.000 ກີບ ມອບໃຫ້ຄອບຄົວທີ່ຖືກເຄາະຮ້າຍຈາກໄຟໄໝ້ເຮືອນປະຊາຊົນ ຢູ່ ບ້ານໃຫຍ່ຫ້ວຍຊາຍໃຕ້, ຄຸ້ມມ່ວງແກ້ວ,ເມືອງຫ້ວຍຊາຍ ແຂວງບໍ່ແກ້ວ ໃນຄໍ່າຄືນຂອງວັນທີ 20 ກຸມພາ ຜ່ານມາ, ເຊິ່ງເຮັດໃຫ້ເຮືອນດັ່ງກ່າວບໍ່ສາມາດຢູ່ອາໃສໄດ້ຍ້ອນຖືກໄຟໄໝ້ເສຍຫາຍທັງໝົດ,ເຊິ່ງມູນຄ່າການເສຍສາຍປະມານ 21 ຕື້ກວ່າກີບ.

May be an image of 6 people and text

ໂອກາດນີ້,ທ່ານເຈົ້າແຂວງ ໄດ້ສະແດງຄວາມເສຍໃຈຕໍ່ຄອບຄົວທີ່ຖືກເຄາະຮ້າຍເກີດອັກຄີໄພ ໄຟໄໝ້ເຮືອນໃນຄັ້ງນີ້, ພ້ອມທັງຊຸກຍູ້ໃຫ້ກໍາລັງໃຈຕໍ່ຄອບຄົວດັ່ງກ່າວ ແລະ ຮຽກຮ້ອງໃຫ້ພາກສ່ວນທີ່ກ່ຽວຂ້ອງໃຫ້ການຊ່ວຍເຫຼືອທີ່ຈໍາເປັນ ເປັນຕົ້ນແມ່ນທີ່ຢູ່ອາໄສຊົ່ວຄາວ, ອາຫານ-ການກິນ, ເຄື່ອງໃຊ້ທີ່ຈໍາເປັນອື່ນໆ ແລະ ຮຽກຮ້ອງມາຍັງພໍ່ແມ່ປະຊາຊົນບັນດາເຜົ່າຈົງມີສະຕິໃນການໃຊ້ໄຟຕ່າງໆ, ເພາະໄລຍະນີ້ເປັນລະດູທີ່ແຫ້ງແລ້ງເປັນສາເຫດພາໃຫ້ເກີດອັກຄີໄພໄດ້ງ່າຍ, ກ່ອນຈະ ອອກຈາກເຮືອນໄປວຽກງານຕ່າງໆຄວນເບິ່ງຄວາມເປັນລະບຽບຮຽບຮ້ອຍມອດພື້ນໄຟຕ່າງໆ, ເພື່ອຫຼີກລ້ຽງການເກີດອັກຄີໄພຕ່າງໆ.

ຂ່າວ: ຄໍາເພັງ ສີສະຫວ່າງ