spot_img
Homeຂ່າວພາຍ​ໃນເມືອງປາກງື່ມຈັດງານຕະຫຼາດນັດປະຈໍາປີ 2024

ເມືອງປາກງື່ມຈັດງານຕະຫຼາດນັດປະຈໍາປີ 2024

Published on

ພິ​ທີ​ເປີດ​ງານຕະຫຼາດນັດວາງສະແດງ ແລະ ຂາຍສິນຄ້າ ກະສິກຳ ຫັດຖະກຳ ອຸດສາຫະກຳ ໜຶ່ງບ້ານ ໜຶ່ງຜະລິດຕະພັນ ຄັ້ງທີ XIII ປະຈຳປີ 2024 ຂອງເມືອງປາກງື່ມໄດ້ຈັດຂຶ້ນຢ່າງເປັນທາງການໃນວັນທີ 7 ກຸມ​ພາທີ່ຜ່ານມາ, ທີ່ເດີ່ນໂຮງຮຽນປະຖົມບ້ານພ້າວ, ໂດຍມີທ່ານ ຄໍາໝູນ ຕຽງທະລາດ ເຈົ້າເມືອງປາກງື່ມ, ທ່ານ ພົນຈັດຕະວາ ບົວພັນ ຟອງມະນີ ຫົວໜ້າກອງບັນຊາການປ້ອງກັນຄວາມ ສະຫງົບນະຄອນຫຼວງວຽງຈັນ, ຊາວຄ້າຂາຍ ແລະ ຄອບຄົວຕົວແບບບ້ານການຜະລິດພາຍໃນເມືອງເຂົ້າຮ່ວມ.

May be an image of 6 people and text

ທ່ານ ຄໍາໝູນ ຕຽງທະລາດ ໃຫ້ສໍາພາດວ່າ: ຈຸດປະສົງການຈັດງານໃນຄັ້ງນີ້ເພື່ອກະຕຸກຊຸກຍູ້ຫົວໜ່ວຍທຸລະກິດການຜະລິດເປັນສິນຄ້າຢູ່ພາຍໃນໃຫ້ມີການເຕີບໃຫຍ່ຂະຫຍາຍຕົວ ເຂັ້ມແຂງ ແລະ ຢືນຍົງ ຕາມນະໂຍບາຍໜຶ່ງບ້ານໃຫ້ມີໜຶ່ງຜະລິດຕະພັນ ແລະ ໜຶ່ງເມືອງບໍ່ໃຫ້ຫຼຸດ 5 ຜະລິດຕະພັນ, ທັງເປັນການເປີດໂອກາດ ແລະ ສົ່ງເສີມໃຫ້ຜູ້ຜະລິດ, ຜູ້ປະກອບການ ແລະ ຄອບຄົວຕົວແບບດ້ານຕ່າງໆນໍາເອົາຜະລິດຕະພັນ ແລະ ສິນຄ້າຂອງຕົນເອງມາວາງໂຄສະນາ ແລະ ຈຳໜ່າຍເຮັດໃຫ້ສັງຄົມໄດ້ຮູ້ໄດ້ເຫັນ ແລະ ມີຄວາມສົນໃຈຕໍ່ສິນຄ້າ, ເຮັດໃຫ້ຜູ້ຜະລິດ ແລະ ຜູ້ຊົມໃຊ້ສາມາດເຂົ້າເຖິງກັນ ແລະ ຫັນມາຊົມໃຊ້ຜະລິດຕະພັນຢູ່ພາຍໃນໃຫ້ຫຼາຍຂຶ້ນ.

May be an image of 2 people, knife and text

ນອກນີ້, ທ່ານຍັງໄດ້ກ່າວຕື່ມອີກວ່າ: ອີກດ້ານໜື່ງເພື່ອເປັນການໂຄສະນາ ແລະ ດຶງດູດເອົານັກທ່ອງທ່ຽວຢູ່ພາຍໃນ ແລະ ຕ່າງປະເທດຮູ້ຈັກສະຖານທີ່ທ່ອງທ່ຽວ ແລະ ສິນຄ້າຂອງເມືອງປາກງື່ມໃຫ້ຫຼາຍຂຶ້ນ, ແນໃສ່ກະຕຸ້ນເສດຖະກິດຂອງປະຊາຊົນໃຫ້ນັບມື້ດີຂຶ້ນ.

May be an image of 5 people, medicine and text

ໃນງານຄັ້ງນີ້ມີຫົວໜ່ວຍຜະລິດສິນຄ້າຫັດຖະກຳ ອຸດສະຫະກຳປຸງແຕ່ງ ກະສິກໍາ ແລະການບໍລິການຕ່າງໆເຂົ້າຮ່ວມຫຼາຍກວ່າ 60 ຮ້ານ, ຄາດຄະເນມູນຄ່າຫຼາຍກວ່າ 1ຕື້ກີບ, ໃນນີ້ ມີສິນຄ້າໜຶ່ງເມືອງໜຶ່ງຜະລິດຕະພັນພາຍໃນເມືອງຈາກຕ່າງແຂວງ ແລະ ສິນຄ້າຈາກຄອບຄົວຕົວແບບດ້ານການຜະລິດ ສິນຄ້າທົ່ວໄປ ແລະ ອື່ນໆ ງານ​ດັ່ງ​ກ່າ​ວ​ແມ່ນ​ຈະ​ຈັດ​ຂຶ້ນ​ຈົນ​ເຖິງວັນ​ທີ 9 ກຸ​ມ​ພາ 2024.

ຂ່າວ-ພາບ: Vientaine Mai

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...