spot_img
Home​ຂ່າວທ່ອງທ່ຽວຕາດ​ນ້ຳ​ກັດ ອຸດົມໄຊ

ຕາດ​ນ້ຳ​ກັດ ອຸດົມໄຊ

Published on

IMG_5566

ແຂວງ​ອຸດົມ​ໄຊ​ໄດ້​ພັດ​ທະນາ ​ແລະ ບຸກ​ເບີກ​ສະຖານ​ທີ່​ທ່ອງ​ທ່ຽວ​ໃໝ່​ແບບ​ ອະນຸລັກ​ທຳ​ມະ​ຊາດນັ້ນ​ກໍ​ຄື “ຕາດ​ນ້ຳ​ກັດ​ໂຢລະ​ພາ” ​ເຊິ່ງ​ເຮົາ​ສາມາດ​ເວົ້າ​ໄດ້​ເຕັມ​ປາກ​ວ່າ ຕາດ​ດັ່ງກ່າວ​ນີ້​ງາມ​ບໍ່​ໜ້ອຍໜ້າ​ຕາດ​ໃດໆ ​ເລີຍ​ພາຍ​ໃນ​ປະ​ເທດ ຫຼື​ ເວົ້າ​ໄດ້​ວ່າບໍ່​ເປັນ​ສອງ​ຮອງ​ຕາດ​ໃດໆ ​ໃນ​ຂົງ​ເຂດ​ອາ​ຊຽນ​ເຮົາ​ນີ້. ຕາດ​ນ້ຳ​ກັດ​ໄດ້​ເປີດ​ໂຕ​ໃຫ້​ນັກ​ທ່ອງ​ງທ່ຽວ​ເຂົ້າ​ຊົມ​ຢ່າງ​ເປັນ​ທາງ​ການ​ເມື່ອ​ເດືອນ​ຕຸລາ 2014 ທີ່​ຜ່ານ​ມາ​​ເພື່ອ​ກຽມພ້ອມ​ການ​ຕ້ອນຮັບ ນັກ​ທ່ອງ​ທ່ຽວ​ທີ່​ຈະ​ມາ​ທ່ຽວ​ຊົມ​​ເນື່ອງ​ໃນ​ແຂວງ​ອຸດົມ​ໄຊຈະ​ໄດ້​ຈັດງານ ມະຫະກຳ​ກິລາແຫ່ງ​ຊາດຄັ້ງ​ທີ່ 10 ທີ່​ຈະ​ມາ​ຮອດ​ມໍ່ໆ​ນີ້!

IMG_6029

PDS_7294

ຕາດ​ນ້ຳ​ກັດ​ນີ້​ຢູ່​ໃນ​ເຂດ​ປ່າ​ສະຫງວນເກືອ​ບ 6,000 ​ເຮັກຕາ ​ທີ່​ອຸດົມສົມບູນ​​ໄປ​ດ້ວຍ​ຊີວະ​ນານາ​ພັນ, ຕົ້ນ​ໄມ້​ໃຫຍ່​ສູງ​ອາຍຸ​ຫຼາຍ​ຮ້ອຍ​ປີ ເຊິ່ງຜູ້​ບຸກ​ເບີກເພີ່ນ​ກໍ​ເລີຍ​ພັດທະນາ​ ​ແລະ ສ້າງ​ແຫຼ່ງທ່ອງ​ທ່ຽວ​ແບບ​ອະນຸລັກ​ທີ່​ມີ​ ກິດຈະກຳ​ໃຫ້​ເຮັດ​ອັນ​ຫຼາກ​ຫຼາຍ: ການ​ສ້າງ​ເຮືອນຕົ້ນ​ໄມ້​ເພື່ອ​ເບິ່ງ​ສັດ, ຂ້າມຂົວ​ທີ່​ເຮັດ​ດ້ວຍ​ສາຍ​ສະ​ລິງ ປະສົມ​ກັບ​ໄມ້​ທີ່​ສ່ວນ​ງາມ​ ເພື່ອ​ເຊື່ອມ​ຕໍ່​ສອງ​ປ່າ​ເຂົ້າ​ຫາ​ກັນ, ​ໂຫນ​ສະ​ລິງ​ທີ່​ມີ​ຄວມ​ຍາວ 3,000 ​ແມັດ, ຂີ່​ລົດ​ເສືອ​ພູ​ເຂົາ​ເລາະ​ຕາມ​ປ່າ, ປີນ ​ແລະ ປ່ອຍ​​ໂຕຂຶ້ນ​ລົງ​ໜ້າ​ຜາ​(ຕາດ)ອັນ​ສູງ​ຊັນ, ການ​ເດີນ​ປ່າ​​ແບບ​ຄ້າງ​ຄືນທີ່​ມີຣີຊອດ  ​ແລະ ​ໂຮມ​ສະ​ເຕ ກັບ​ປະຊາຊົນ​ໄວ້​ຮອງ​ຮັບ. ແຕ່​ອັນ​ທີ່​ເປັນ​ພະ​ເອກຂອງ​ປ່າ​ສະຫງວນ ​ບໍລິ​ເວນ​ນີ້​ແມ່ນ​ເປັນຕາ​ດນ້ຳ​ກັດທີ່​ ສວຍງາມ​ທີ່​ສຸດທີ່​ມີໜ້າ​ຜາ​ສູງ​ເຖິງ 50 ​ແມັດ ​ເຊິ່ງມີ​ນ້ຳ​​ໃສ​ເຢັນໄຫຼ​​ຈາກ​ເທິງ​ພູ​ຕະຫຼອດ​ປີ ລຸ່ມ​ລົງ​ມາຕີ​ນຜາ​ກໍ​ເປັນ​ອ່າງ​ນ້ຳ​ໃຫ້​ລອຍ​ຫຼິ້ນ​ຕາມ​ໃຈ​ມັກ ​ເຫັນ​ແລ້ວ​ກໍ​ເປັນຕາ​ອອນຊອນ​ແທ້ໆ.

IMG_6720

PDS_7602

ຈຸດ​ດີ​ຂອງ​ແຫຼ່ງທ່ອງ​ທ່ຽວ​ຕາດ​ນ້ຳ​ກັດ​ ບໍ່​ສະ​ເພາະ​ເປັນ​ສະຖານ​ທີ່​ທ່ອງ​ທ່ຽວ ​ທີ່​ສວຍ​ງາມ​​ເທົ່າ​ນັ້ນແຕ່ ມັນ​ຍັງ​ໄດ້​ສ້າງ​ລາຍ​ຮັບ​ໃຫ້​​ແຂວງ, ປະຊາຊົນ​ທ້ອງ​ຖິ່ນໃຫ້​ມີລາ​ຍຮັບ ​ແລະ ວຽກ​ເຮັດ​ງານ​ທຳຈາກ​ທີ່​ເຄີຍ​ເກັບ ​ເຄື່ອງ​ປ່າ​ຂອງ​ດົງ​ແບບ​ເອກະ​ເທດ​ ໃຫ້​ຫັນ​ມາ​ມີ​ສ່ວນ​ຮ່ວມ​ອະນຸລັກ ​ແລະ ​ເກັບ​ເຄື່ອງ​ປ່າ​ຂອງ​ດົງ​ແບບ​ຍືນ​ຍົງ, ນອກ​ນັ້ນ ຜູ້ສຳປະ​ທານ ​ເຊິ່ງ​ແມ່ນ ​ທ່ານ ສົມ​ເພັດ​ ມ້າວ​ປະ​ເສີດ ປະທານ​ບໍລິສັດ ARI ​ເຊິ່ງ​ໄດ້ສຳ​ປະທານ​ເຂດ​ດັ່ງ​ກ່າວ​ເປັນ​ເວລາ 45 ປີ ​ເພີ່ນ​ ​ໄດ້​ເຮັດ​ສັນຍາ​ສຳ​ປະທານ​ປ່າ​ແບບ​ອະນຸລັກ ​​ແລະ​ຍືນ​ຍົງ​ໃຫ້​ເປັນ​ແຫຼ່ງທ່ອງ​ທ່ຽວ ​ຕົກ​ທອດ​ສູ່ລຸ້ນລູກ​ຫຼານ ​ເພີ່ນ​ໄດ້​ສົມທົບ​ກັບ​ພາກສ່ວນ​ອຳນາດ​ ການ​ປົກ​ຄອງ​ທ້ອງ​ຖິ່ນ​ ​ແລະ ​ເຈົ້າ​ໜ້າ​ທີ່​ປ່າ​ໄມ້ ຕັ້ງ​ສູນ ​ແລະ ຈຸດ ​ເຝົ້າ​ເວ​ນຍາມ​​ເພື່ອ​ບໍ່​ໃຫ້​ມີ​ການ​ລັກ​ລອບ​ລ່າ​ສັດປ່າ ​ແລະ ຕັດ​ໄມ້​ດັ່ງ​ນີ້​ເປັນ​ຕົ້ນ.

PDS_7710

PDS_8530

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...