spot_img
Homeຂ່າວພາຍ​ໃນງານວາງສະແດງສິລະປະສາກົນສາມຫຼ່ຽມຄໍາແຫ່ງສັນຕິພາບ

ງານວາງສະແດງສິລະປະສາກົນສາມຫຼ່ຽມຄໍາແຫ່ງສັນຕິພາບ

Published on

ງານວາງສະແດງສິລະປະສາກົນສາມຫຼ່ຽມຄໍາແຫ່ງສັນຕິພາບ ເນື່ອງໃນໂອກາດເທດສະການດອກງິ້ວບານ ຄັ້ງທີ XXI ປະຈຳປີ 2024 ຈັດຂຶ້ນວັນທີ 26 ມັງກອນ 2024 ຢູ່ໂຮງແຮມດາວດອກງິ້ວຄໍາ ເຂດເສດຖະກິດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໂດຍເຂົ້າຮ່ວມຂອງ ທ່ານ ກິແກ້ວ ໄຂຄຳພິທູນ ຮອງນາຍົກລັດ ຖະມົນຕີ ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ ທ່ານ ຈ້າວເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄໍາ ພ້ອມດ້ວຍບັນດາເຈົ້າແຂວງ ຮອງເຈົ້າແຂວງ ແລະ ແຂກຖືກເຊີນທັງພາຍໃນ ແລະ ຕ່າງປະເທດ.

ທ່ານ ເຊີນ ສຽນເຟີງ ໄດ້ກ່າວວ່າ: ການເປີດງານວາງສະແດງຄັ້ງນີ້ ແມ່ນມີຈຸດປະສົງຖ່າຍທອດຄວາມສວຍງາມ, ການປົກປັກຮັກສາສິ່ງແວດລ້ອມ, ສົ່ງເສີມສັນຕິພາບ ແລະ ຄວາມສະຫງົບ, ຮີດຄອງປະເພນີອັນດີຂອງຊາດຂອງບັນດາຊົ່ນເຜົ່າຕ່າງໆ ຜ່ານຜົນສິລະປະ ໃນເທສະການດອກງິ້ວບານ ປະຈຳປີ 2024 ເຊິ່ງໄດ້ຈັດຫລາຍກິດຈະກຳທີ່ໜ້າສົນໃຈ.

ສຳລັບການຈັດເທສະການດອກງິ້ວບານ ຄັ້ງທີ XXI ປະຈຳປີ 2024 ເປັນປາງບຸນໃຫຍ່ປະເພນີຂອງແຂວງບໍ່ແກ້ວ ເຊິ່ງຄັ້ງທີ I ຈັດຂຶ້ນແຕ່ປີ 2000 ແລະ ມີຜົນສໍາເລັດໃນການຈັດງານມາແລ້ວ 20 ຄັ້ງ ໂດຍຈັດຂຶ້ນໃນໄລຍະລະດູ ທີ່ດອກງິ້ວກໍາລັງເບັ່ງບານ (ທ້າຍເດືອນມັງກອນ-ຕົ້ນເດືອນກຸມພາ) ຂອງທຸກປີ. ຈຸດປະສົງການຈັດງານດັ່ງກ່າວ ເພື່ອອະນຸລັກ ແລະ ສົ່ງເສີມ ວຽກງານດ້ານສິລະປະ ວັດທະນະທໍາ, ການນຸ່ງຖື, ແບບແຜນວິຖີຊີວິດ ກໍຄືຮີດຄອງປະເພນີອັນດີງາມຂອງປະຊາຊົນບັນດາເຜົ່າ ພາຍໃນແຂວງບໍ່ແກ້ວ ໃຫ້ມີຄວາມຍືນຍົງ ຄຽງຄູ່ກັບການພັດທະນາດ້ານເສດຖະກິດ ທັງເປັນການເຊື່ອມໂຍງເຂົ້າກັບວັດທະນະທໍາ-ອະລິຍະທໍາ ອັນດີງາມຂອງຊາດ ແລະ ສາກົນ ເພື່ອໃຫ້ບັນດາແຂກ ແລະ ນັກທ່ອງທ່ຽວໄດ້ທ່ຽວຊົມ ແລະ ສໍາຜັດກັບຄວາມສວຍສົດງົດງາມ ທີ່ເປັນເອກະລັກພິເສດຂອງຕົ້ນງິ້ວ ກໍຄືດອກງິ້ວໄລຍະທີ່ກໍາລັງເບັ່ງບານ.

ໂອກາດນີ້ ທ່ານ ກິແກ້ວ ໄຂຄຳພິທູນ ທ່ານ ຈ້າວເຫວີຍ ພ້ອມຄະນະປະທານ ກໍໄດ້ໃຫ້ກຽດເປີດປ້າຍງານວາງສະແດງສິລະປະສາກົນສາມຫຼ່ຽມຄໍາແຫ່ງສັນຕິພາບເປັນທາງການ ແລະ ຢ້ຽມຊົມຜົນງານວາງສະແດງສິລະປະດັ່ງກ່າວ ຈາກນັ້ນກໍໄດ້ສືບຕໍ່ໄປຢ້ຽມຊົມການວາງສະແດງ ແລະ ຈໍາໜ່າຍສິນຄ້າ ເພື່ອສົ່ງເສີມການຄ້າ ການບໍລິການ ກໍຄືການສ້າງລາຍຮັບໃຫ້ປະຊາຊົນ ແລະ ຜູ້ປະກອບການ ຢູ່ເຂດດອນຊາວ ຕື່ມອີກ.

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...