ງານເທດສະການດອກງີ້ວບານ ຄັ້ງທີ XXI ປະຈຳປີ 2024 ທີ່ເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ຈະຈັດຂື້ນໃນລະຫວ່າງວັນທີ 21 ຫາ 29 ມັງກອນ 2024 ເຊິ່ງພາຍໃນງານຈະມີຫຼາຍກິດຈະກຳ ເພື່ອດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດໄດ້ມາທ່ຽວຊົມຢ່າງເບີກບານມ່ວນຊື່ນ.

ກິດຈະກຳພາຍໃນງານປະກອບມີ: ການປະກວດນາງສາວດອກງິ້ວບານ ປະຈຳປີ 2024, ການປະກວດນາງສາວທ່ອງທ່ຽວລາວ ປະຈຳປີ 2024, ການແຂ່ງຂັນກິລາກ໊ອຟ ຊິງຖ້ວຍລາງວັນດອກງິ້ວຄຳ ຄັ້ງທີ I, ງານວາງສະແດງສິລະປະສາກົນ”ສາມຫຼ່ຽມຄຳສັນຕິພາບ”, ຫໍວາງສະແດງວັດທະນະທຳ, ງານວາງສະແດງສິນຄ້າສີ່ປະເທດ, ການສະແດງບິນໂດນ 1,000 ລຳ, ການສະແດງສິລະປະ 4 ປະເທດ (ລາວ, ຈີນ, ໄທ, ມຽນມາ), ການສະແດງບັ້ງໄຟດອກ, ການປ່ອຍໂຄມໄຟ ແລະ ການແຂ່ງກິລາຕີມວຍ.

ສຳລັບເທດສະການ ດອກງິ້ວບານ ເປັນງານບຸນໃຫຍ່ ຂອງແຂວງບໍ່ແກ້ວ ເພື່ອຮ່ວມສະເຫຼີມສະຫຼອງຄວາມງາມທາງທໍາມະຊາດ ໂດຍສະເພາະເຂດ ດອນຊາວ ທີ່ມີ ດອກງິ້ວໜາແໜ້ນ ແລະ ສວຍສົດງົດງາມ, ນອກຈາກທ່ານຈະໄດ້ສຳຜັດກັບສິ່ງໃໝ່ໆທີ່ໜ້າຕື່ນຕາຕື່ນໃຈກັນເເລ້ວ ຍັງເປັນການຊຸກຍູ້ສົ່ງເສີມວັດທະນະທຳຮີດຄອງປະເພນີອັນດີງານຂອງລາວເຮົາ ພ້ອມກັບເເຫຼ່ງທ່ອງທ່ຽວໃຫ້ກັບທົ່ວໂລກໄດ້ຮັບຮູ້ອີກດ້ວຍ.