spot_img
Homeຂ່າວທ້ອງຖິ່ນງານບຸນນະມັດສະການພະບາດໂພນສັນ ປະຈຳປີ 2024

ງານບຸນນະມັດສະການພະບາດໂພນສັນ ປະຈຳປີ 2024

Published on

ງານບຸນນະມັດສະການພະບາດໂພນສັນ ປະຈຳປີ 2024 ທີ່ຈະມາເຖິງນີ້ ເປັນອີກໜຶ່ງໃນກິດຈະກຳລະດັບຊາດຂອງປີທ່ອງທ່ຽວລາວ ເຊິ່ງຈະຈັດຂຶ້ນໃນເດືອນມັງກອນ ໂອກາດດຽວກັນກໍຈະປະກາດວັດພະບາດໂພນສັນເປັນມໍລະດົກແຫ່ງຊາດ ຢ່າງເປັນທາງການ.
ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ ແຂວງບໍລິຄຳໄຊ ໄດ້ໃຫ້ຮູ້ວ່າ: ງານບຸນ ນະມັດສະການວັດພະບາດໂພນສັນ ຈະດຳເນີນ ລະຫວ່າງວັນທີ 22 – 25 ມັງກອນ 2024 ເຊິ່ງມີກິດຈະກຳຫຼັກໆປະກອບດ້ວຍ:

1. ງານຕະຫຼາດນັດວາງສະແດງ ແລະ ຈຳໜ່າຍສິນຄ້າຕ່າງໆດັ່ງທີ່ເຄີຍ ດຳເນີນມາເປັນປົກກະຕິ;

2. ຈະໄດ້ປະກາດວັດພະບາດໂພນສັນ ເປັນມໍລະດົກແຫ່ງຊາດ ( ຈາກ ມໍລະດົກລະດັບທ້ອງຖິ່ນເປັນມໍລະດົກລະດັບຊາດ );

3. ຈັດກິດຈະກຳຕິດພັນກັບປີທ່ອງທ່ຽວລາວ – ທ່ອງທ່ຽວບໍລິຄຳໄຊ ລະດັບຊາດ ຢູ່ໃນທ້ອງຖິ່ນ.

ໃນນັ້ນ, ຈະມີການປະກວດເພງ, ສະແດງ ສິລະປະພື້ນເມືອງ ແລະ ງານເດີນແບບຊຸດບັນດາເຜົ່າພາຍໃນແຂວງ.
ປັດຈຸບັນແຂວງບໍລິຄຳໄຊ ມີແຫຼ່ງທ່ອງທ່ຽວທີ່ໄດ້ຂຶ້ນບັນຊີແລ້ວ 102 ແຫ່ງ ເຊິ່ງໃນປີ 2024 ທີ່ຈະມາເຖິງກໍຈະມີຫຼາຍກິດຈະກຳນຳສະຫຼອງສ້າງຄວາມປະທັບໃຈໃຫ້ກັບແຂກຄົນທີ່ຢ້ຽມຢາມເນື່ອງໃນໂອກາດປີ ທ່ອງທ່ຽວລາວ.

ໃນນັ້ນ, ມີ 1 ກິດຈະກຳລະດັບຊາດ ພ້ອມດ້ວຍກິດ ຈະກຳອື່ນໆທີ່ຕິດພັນກັບວັດທະນະທຳທ້ອງຖິ່ນທີ່ເຄີຍປະຕິບັດມາ ເຊັ່ນ: ບຸນປີໃໝ່ລາວ ເມືອງບໍລິຄັນ ຈະຈັດຂຶ້ນໃນເດືອນເມສາ 2024 ກິດຈະກຳໃຫຍ່ທີ່ເມືອງບໍລິຄັນ; ງານບຸນບັ້ງໄຟໃຫຍ່ ບ້ານຫ້ວຍອຸດົມ ຈະຈັດຂຶ້ນໃນເດືອນມິຖຸນາ 2024 ຢູ່ເມືອງປາກຊັນ; ບຸນອອກພັນສາ ປະວໍລະນາ ( ຝາກົດການບັ້ງໄຟພະຍານາກ ) ວັດໂພນສັນ ຈະວັດຂຶ້ນ ໃນເດືອນຕຸລາ ທີ່ເມືອງທ່າພະຍາດ; ບຸນວັດທາດພູວຽງ ຈະຈັດຂຶ້ນໃນ ເດືອນທັນວາ ທີ່ເມືອງວຽງທອງ ແລະ ອື່ນໆ.

ເວົ້າໄດ້ວ່າ ໃນປີ 2024 ທີ່ຈະມາເຖິງນີ້ ແຂວງບໍລິຄຳໄຊ ເປັນອີກແຂວງ ໜຶ່ງທີ່ມີຫຼາກຫຼາຍກິດຈະກຳໃຫ້ຊື່ນຊົມ, ສາມາດໄປສຳຜັດທິວທັດສະ ນີຍະພາບຢູ່ຕາມເມືອງຕ່າງໆ ຄຽງຄູ່ກັບການໄດ້ໃກ້ຊິດສໍາຜັດວິຖີຊີວິດປະຊາຊົນບັນດາເຜົ່າໃນພື້ນທີ່ດ້ວຍການຮ່ວມກິດຈະກຳທາງປະເພນີຢ່າງເພີດເພີນຈະເລີນໃຈ.
ທີ່ມາ: ເສດຖະກິດ ການຄ້າ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...