ສະຫະພາບເອີລົບ ຈັດມອບທຶນຊ່ວຍເຫລືອລ້າ 2 ຊຸດໃຫ້ແກ່ຫວຽດນາມ ລວມມູນຄ່າ 514 ລ້ານເອີໂຣ ເພື່ອໃຊ້ໃນການ
ພັດທະນາສາທາລະນະສຸກ ແລະ ພະລັງງານ.
ສຳນັກຂ່າວຕ່າງປະເທດລາຍງານ ໃນວັນທີ 4 ທັນວາຜ່ານມານີ້ວ່າ ສະຫະພາບເອີລົບ ໄດ້ໃຫ້ຄວາມຊ່ວຍເຫລືອຢ່າງເປັນ
ທາງການໃຫ້ແກ່ຫວຽດນາມ ໃນການພັດທະນາພື້ນຖານໂຄງລ່າງ ແລະ ເສດຖະກິດ – ສັງຄົມ ໂດຍໄດ້ແບ່ງອອກຈຳນວນ
400 ລ້ານເອີໂຣ ສຳລັບການພັດທະນາພະລັງງານທີ່ຍືນຍົງ ແລະ ປັບປຸງລະບົບການປົກຄອງຂອງປະເທດ ແຕ່ນ້ີຈົນຮອດ
ປີ 2020 ແລະ ອີກສ່ວນໜຶ່ງ ແມ່ນເປັນທຶນຊ່ວຍເຫລືອພາກສາທາລະນະສຸກຂອງປະເທດ ໃນໄລຍະເວລາ 3 ປີ ເປັນມູນ
ຄ່າ 114 ລ້ານເອີໂຣ ເຊິ່ງຈະມອບໃຫ້ໃນປີໜ້າ.
ຫວຽດນາມຄາດວ່າ ການລົງນາມຂໍ້ຕົກລົງເຂດການຄ້າເສລີກັບສະຫະພາບເອີລົບ ໃນຕົ້ນປີ 2015 ນີ້ ຈະເຮັດໃຫ້ສະຫະ
ພາບເອີລົບ ກາຍເປັນຄູ່ຄ້າລາຍໃຫຍ່ອັນດັບ 2 ຂອງຫວຽດນາມ ໂດຍມີມູນຄ່າຂອງທັງ 2 ຝ່າຍຢູ່ທີ່ 30,16 ຕື້ໂດລາ.