ເມື່ອບໍ່ດົນທີ່ຜ່ານມາ ທາງເມືອງຍົມມະລາດ ແຂວງຄຳມ່ວນ ໄດ້ອອກແຈ້ງການກ່ຽວກັບ ເປີດລະດູການຮັບເກັບຊື້ມັນຕົ້ນດິບ ແລະມັນຕົ້ນແຫ້ງ ປະຈຳປີ 2023-2024 ໃນຂອບເຂດເມືອງຍົມມະລາດ ນັບແຕ່ວັນທີ 20/10/2023 ໂດຍມີເນື້ອໃນລະບຸວ່າ:

1. ໂຮງງານແປ້ງມັນຕົ້ນ ຄໍາມ່ວນ ຈໍາກັດ ເປັນຜູ້ເກັບຊື້ມັນຕົ້ນດິບ ແລະ ມັນຕົ້ນແຫ້ງ, ສະຖານທີ່: ຕັ້ງຢູ່ບ້ານຫ້ວຍເຢັນ ເມືອງຍົມມະລາດ ແຂວງຄໍາມ່ວນ ຮັບເກັບຊື້ ເລີ່ມແຕ່ວັນທີ 20/ 10/2023 ເປັນຕົ້ນໄປ ໃນລາຄາມັນຕົ້ນດິບ ເລີ່ມຕົ້ນ 1.600 ກີບ/ກິໂລ ລາຄາມັນຕົ້ນແຫ້ງ 3.000ກີບ/ກິໂລ.
2. ບໍລິສັດ ທ່ຽມທອງມີ ການຄ້າ ຂາອອກ-ຂາເຂົ້າ ຈໍາກັດຜູ້ດຽວ ເປັນບໍລິສັດແມ່ທີ່ຮັບເກັບຊື້ມັນຕົ້ນແຫ້ງ, ຖ້າຫາກຜູ້ປະກອບການ ມີຈຸດປະສົງໃນການເກັບຊື້ມັນຕົ້ນແຫ້ງໃນຂອບເຂດເມືອງຍົມມະລາດ ແມ່ນໃຫ້ພົວພັນປະສານງານ ຫຼື ໄດ້ຮັບອະນຸຍາດຈາກ ບໍລິສັດ ທ່ຽມທອງມີ ການຄ້າ ຂາອອກ-ຂາເຂົ້າ ຈໍາກັດຜູ້ດຽວ ຈຶ່ງສາມາດໍາເນີນກິດຈະການໄດ້ ລາຄາມັນຕົ້ນແຫ້ງ 3.900ກີບ/ກິໂລ.
3. ສ່ວນການປັບປ່ຽນລາຄາຂຶ້ນ ຫຼື ລົງ ແມ່ນອີງໃສ່ລາຄາຕາມທ້ອງຕະຫຼາດຕົວຈິງໃນແຕ່ລະໄລຍະ.
4. ຫ້າມບໍ່ໃຫ້ຜູ້ປະກອບການ ຫຼື ບຸກຄົນ ເລາະເກັບຊື້ມັນຕົ້ນເພື່ອສົ່ງຂາຍອອກນອກເມືອງ ໂດຍບໍ່ໄດ້ຮັບອະນຸຍາດຈາກພາກລັດ ຖ້າຫາກພົບເຫັນຈະໄດ້ປັບໄໝຕາມລະບຽບການ.