Homeຂ່າວພາຍ​ໃນການຜະລິດ ແລະ ສົ່ງອອກແຮ່ທາດຂອງແຂວງເຊກອງໃນ 6 ເດືອນຕົ້ນປີ 2023

ການຜະລິດ ແລະ ສົ່ງອອກແຮ່ທາດຂອງແຂວງເຊກອງໃນ 6 ເດືອນຕົ້ນປີ 2023

Published on

ໃນໄລຍະຜ່ານມາ ພະແນກພະລັງງານ ແລະ ບໍ່ແຮ່ແຂວງ, ລັດວິສາຫະກິດໄຟຟ້າລາວສາຂາແຂວງເຊກອງ ໄດ້ສຸມໃສ່ຂະຫຍາຍໄຟຟ້າແຮງຕໍ່າທັງໃນຕົວເມືອງ ແລະ ເຂດຊົນນະບົດຫ່າງໄກສອກຫຫຼີກ ໂດຍສະເພາະຢູ່ 2 ເມືອງພູດອຍຄື: ເມືອງກະລຶມ ແລະ ເມືອງດາກຈຶງ ແຂວງເຊກອງ ເພື່ອໃຫ້ປະຊາຊົນໄດ້ຊົມໃຊ້ກະແສໄຟຟ້າຢ່າງທົ່ວເຖິງ.

ທ່ານ ຄໍາແສນ ພະສະແຫວງ ຫົວໜ້າພະແນກພະລັງງານ ແລະ ບໍ່ແຮ່ແຂວງ ໄດ້ລາຍງານໃຫ້ຮູ້ໃນກອງປະຊຸມສະໄໝສາມັນເທື່ອທີ 5 ຂອງສະພາປະຊາຊົນແຂວງເຊກອງ ຊຸດທີ II ໃນວັນທີ 23 ສິງຫາຜ່ານມາວ່າ: ປັດຈຸບັນທົ່ວແຂວງເຊກອງ ມີລະບົບຕາຂ່າຍໄຟຟ້າ 22 KV ຄວາມຍາວທັງໝົດ  948,39 Km/ວົງຈອນ, ລະບົບຕາຂ່າຍ 0,4 KV ຄວາມຍາວ 427,75 Km/ວົງຈອນ; ຕິດຕັ້ງໝໍ້ແປງໃນເທສະບານເມືອງ 4 ເມືອງ ກວມເອົາ 100% ແລະ ບ້ານກວມເອົາ 82,82%; ມີບ້ານໄດ້ຊົມໃຊ້ໄຟຟ້າ (ໃນລະບົບ ແລະ ນອກລະບົບ) ທັງໝົດ 164 ບ້ານ ກວມ 81,18% ແລະ ຫຼັງຄາເຮືອນ 18.870 ຫຼັງຄາເຮືອນ ກວມເອົາ 85,34% ຂອງຫຼັງຄາເຮືອນທົ່ວແຂວງ (ແຜນ 2025 ໃຫ້ກວມ 90%).

ທ່ານ ຄໍາແສນ ພະສະແຫວງ ໃຫ້ຮູ້ຕື່ມວ່າ: ນອກຈາກ ການຂະຫຍາຍໄຟຟ້າແລ້ວ ຂະແໜງພະລັງງານ ແລະ ບໍ່ແຮ່ແຂວງເຊກອງ ຍັງໄດ້ເອົາໃຈໃສ່ໃນການຄຸ້ມຄອງໂຄງການທີ່ນອນໃນຄວາມຮັບຜິດຊອບຂອງຕົນ ໂດຍສະເພາະໂຄງການທີ່ເປັນຍຸດທະສາດທາງດ້ານເສດຖະກິດ, ໂຄງການຂຸດຄົ້ນບໍ່ແຮ່ ແລະ ຂຸດຄົ້ນ-ປຸງແຕ່ງໃຫ້ປະຕິບັດຕາມສັນຍາ ແລະ ລະບຽບກົດໝາຍ ພ້ອມທັງມີມາດຕະຖານ, ຄຸນນະພາບ, ເປັນມິດຕໍ່ສິ່ງແວດລ້ອມ ຕິດພັນກັບການພັດທະນາສີຂຽວ ແລະ ຍືນຍົງ.

ໃນ 6 ເດືອນຕົ້ນປີ 2023 ສາມາດຜະລິດ ແລະ ສົ່ງອອກແຮ່ທາດ ເປັນຕົ້ນ: ແຮ່ຖ່ານຫີນ 1 ລ້ານກວ່າໂຕນ ແລະ ການຂຸດຄົ້ນແຮ່ຄໍາ 6.080 ແມັດກ້ອນ ເປັນແຮ່ດິບທີ່ມີດິນ ແລະ ຫີນເຈືອປົນ.

ແຫຼ່ງຂ່າວ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງເຊກອງ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...