ໃນເດືອນກັນຍາທີ່ຈະມາເຖິງນີ້ ຈະມີຂະບວນການສັກວັກຊີນກັນມະເຮັງປາກມົດລູກໃຫ້ກັບເດັກຍິງ ແລະ ໄວໜຸ່ມຍິງ ອາຍຸ 10-17 ປີ ຕາມໂຮງຮຽນ ແລະ ສະຖານທີ່ບໍລິການສາທາລະນະສຸກທົ່ວປະເທດ.
ມະເຮັງປາກມົດລູກ ແມ່ນມະເຮັງທີ່ພົບເຫັນຫຼາຍທີ່ສຸດເປັນອັນດັບສອງ ສຳລັບແມ່ຍິງທີ່ເກີດໃນແມ່ຍິງ ແຕ່ເຮົາສາມາດປ້ອງກັນຕົນເອງຈາກມະເຮັງດັ່ງກ່າວໄດ້ ໂດຍການໄປຮັບວັກຊີນກັນມະເຮັງປາກມົດລູກ ເຊິ່ງມີຄວາມປອດໄພ, ມີປະສິດທິພາບ ແລະ ສາມາດໄປຮັບວັກຊີນໄດ້ໂດຍບໍ່ເສຍຄ່າ.
ຫຼັງຈາກທີ່ໄດ້ເລີ່ມມີການສັກວັກຊີນກັນມະເຮັງປາກມົດລູກໃນ ສປປ ລາວ ຕັ້ງແຕ່ປີ 2019-2020, ຫຼາຍກວ່າ 90% ຂອງໄວໜຸ່ມຍິງທີ່ອາຍຸລະຫວ່າງ 12-16 ປີ ໄດ້ຮັບວັກຊີນຢ່າງໜ້ອຍ 1 ໂດສ ແຕ່ວ່າວັກຊີນຈະປົກປ້ອງເຮົາໄດ້ຢ່າງເຕັມທີ່ ກໍຕໍ່ເມື່ອເຮົາໄດ້ຮັບວັກຊີຄົບ 2 ໂດສ.
ຖ້າຕ້ອງການຂໍ້ມູນເພີ່ມຕື່ມ ກ່ຽວກັບ ຂະບວນການສັກວັກຊີນນີ້, ແນະນຳໃຫ້ທ່ານປຶກສາຄູອາຈານຢູ່ໂຮງຮຽນ ຫຼື ແພດທີ່ໂຮງໝໍໃກ້ບ້ານ.
ທີ່ມາ WHO Laos