spot_img
Homeຂ່າວພາຍ​ໃນກຸ່ມເຄື່ອນໄຫວຊັກຊວນເດັກຕ່ຳກວ່າ 18 ປີ ໃນແຂວງສະຫວັນນະເຂດ ໄປຂາຍແຮງງານ-ຂາຍບໍລິການຢູ່ຕ່າງປະເທດ

ກຸ່ມເຄື່ອນໄຫວຊັກຊວນເດັກຕ່ຳກວ່າ 18 ປີ ໃນແຂວງສະຫວັນນະເຂດ ໄປຂາຍແຮງງານ-ຂາຍບໍລິການຢູ່ຕ່າງປະເທດ

Published on

ກອງປະຊຸມ ສະຫຼຸບລາຍງານການຈັດຕັ້ງປະຕິບັດວຽກງານຕ້ານການຄ້າມະນຸດ ປະຈໍາປີ 2022 ແລະ ວາງທິດທາງແຜນການ ປະຈໍາປີ 2023 ຂອງຄະນະກໍາມະການຕ້ານການຄ້າມະນຸດ ແຂວງສະຫວັນນະເຂດ ໂດຍມີ ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງ ປະທານຄະນະກໍາມະການ ຕ້ານການຄ້າມະນຸດ ແຂວງສະຫວັນນະເຂດ ເປັນປະທານ.

ທ່ານ ແຖວຄໍາ ພົມມະວົງ ຮອງຫົວຫນ້າພະແນກແຮງງານ ແລະ ສະຫວັດດີການສັງຄົມແຂວງ ຮອງປະທານ ຄະນະກໍາມະການຕ້ານການຄ້າມະນຸດ ແຂວງສະຫວັນນະເຂດ ໄດ້ສະຫຼຸບສັງລວມການຈັດຕັ້ງປະຕິບັດວຽກງານ ຕ້ານການຄ້າມະນຸດ ໃນ 1 ປີຜ່ານມາ ວ່າ: ແຂວງສະຫວັນນະເຂດ ແມ່ນໜຶ່ງແຂວງທີ່ຍັງມີກຸ່ມຄົນຈໍານວນໜຶ່ງ ເຄື່ອນໄຫວປຸກລະດົມຂົນຂວາຍເອົາຊາວໜຸ່ມ-ຍິງສາວ ແລະ ເດັກນ້ອຍທີ່ມີອາຍຸຕໍ່າກວ່າ 18 ປີ ໄປຂາຍ ແຮງງານ, ຂາຍບໍລິການທາງເພດ ແລະ ອື່ນໆຢູ່ຕ່າງປະເທດ ໂດຍຮູບການໂຄສະນາຊວນເຊື່ອ ຫຼື ຮູບການອື່ນໆ ເປັນຕົ້ນແມ່ນ ການສ້າງຄອບຄົວກັບຄົນຕ່າງປະເທດ, ເປີດຮ້ານບໍລິການກິນດື່ມ ແລະ ອື່ນໆ, ໃນ 1 ປີຜ່ານມາ, ສາມາດມ້າງຄະດີຄ້າມະນຸດ 2 ເລື່ອງ, ຈັບຄົນຮ້າຍ 2 ຄົນ,ເປັນຄົນຕ່າງປະເທດ 1 ຄົນ, ຜູ້ຖືກເຄາະຮ້າຍ ອາຍຸຕໍ່າກວ່າ 18 ປີ 2 ຄົນ ຍິງ 1 ຄົນ. ນອກນີ້, ໄດ້ມອບເຄື່ອງຊ່ວຍເຫຼືອໃຫ້ແມ່ຍິງ ແລະ ເດັກນ້ອຍທີ່ດ້ອຍໂອກາດ ແລະ ກຸ່ມສ່ຽງຂອງການຄ້າມະນຸດ 72 ຄົນ, ຊ່ວຍເຫຼືອຜູ້ເຄາະຮ້າຍຢູ່ຮ້ານກິນດື່ມ 5 ຄົນ, ເກັບກໍາຂໍ້ມູນແຮງງານລາວທີ່ ຂ້າມຜ່ານດ່ານຂົວມິດຕະພາບ 2 ມີທັງໝົດ 114 ຄົນ ຍິງ 38 ຄົນ, ຄົນລາວທີ່ສິ້ນສຸດການປະຕິບັດໂທດ ມາແຕ່ໄທ ມີ 78 ຄົນ ຍິງ 31 ຄົນ, ແຮງງານລາວຖືກຊຸກດັນໃຫ້ກັບປະເທດ ມີ 33 ຄົນ ຍິງ 7 ຄົນ.

ສໍາລັບທິດທາງແຜນການໃນຕໍ່ໜ້າ ຈະເອົາໃຈໃສ່ໃນການຕິດຕາມບັນດາກຸ່ມທີ່ເຄື່ອນໄຫວໂຄສະນາ, ປຸກລະດົມ ຊວນຊາວໜຸ່ມເຍົາລະຊົນໄປເຮັດວຽກຢູ່ຕ່າງປະເທດ, ການແຕ່ງດອງກັບຄົນຕ່າງດ້າວ, ຄົນຕ່າງປະເທດ, ຕິດຕາມກວດກາບັນດາ ຫ້າງຮ້ານທີ່ເປັນເປົ້າຫມາຍເຄື່ອນໄຫວຕິດຕໍ່ພັວພັນກັບຍິງສາວ, ໄວລຸ້ນທີ່ຜິດຕໍ່ລະບຽບກົດໝາຍ, ລົງເຄື່ອນໄຫວເຜີຍແຜ່ນິຕິກໍາ, ກົດໝາຍ, ເງື່ອນໄຂຄວາມສ່ຽງທີ່ຈະຕົກເປັນທາດຂອງການຄ້າມະນຸດ ໃຫ້ພໍ່-ແມ່ປະຊາຊົນ, ຊາວໜຸ່ມ, ໄວໜຸ່ມເຍົາວະຊົນຕາມບ້ານ, ໂຮງຮຽນ, ໂຄງຈັກ-ໂຮງງານ ແລະ ບັນດາຫ້າງຮ້ານກິນດື່ມ ໃຫ້ເຂົ້າໃຈຢ່າງເລິກເຊິ່ງ.

ແຫຼ່ງຂ່າວ ປກສ ແຂວງສະຫວັນນະເຂດ

ບົດຄວາມຫຼ້າສຸດ

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...

ຈັບໄດ້ທັງໝົດແລ້ວ! ກໍລະນີລົດບັນທຸກລິງປີ້ນທີ່ ສ.ອາເມຣິກາ ເຮັດໃຫ້ລິງຕິດເຊື້ອໂຕນໜີເມື່ອສອງອາທິດທີ່ຜ່ານມາ ປັດຈຸບັນ ສາມາດນຳລິງທັງໝົດກັບມາໄດ້ແລ້ວ

ເປັນເວລາກວ່າ 8 ມື້ໃນການໄລ່ຈັບລີງຕິດເຊື້ອ, ກໍລະນີທີ່ເກີດຂຶ້ນ ໃນວັນທີ 28 ເດືອນຕຸລາ 2025 ທີ່ຜ່ານມາ ທີ່ລັດມິດຊີຊິບປີ້ ( Mississippi ), ສະຫະລັດອາເມລິກາ...