spot_img
Homeຂ່າວພາຍ​ໃນຊີ້ແຈງສາເຫດປາຕາຍຢູ່ນ້ຳຊຳ

ຊີ້ແຈງສາເຫດປາຕາຍຢູ່ນ້ຳຊຳ

Published on

ຈາກບັນຫາປາຕາຍຈໍານວນຫລາຍທີ່ເກີດຂຶ້ນຢູ່ສາຍນໍ້າຊໍາໃນວັນທີ 18 ພຶດສະພາ 2023 ຜ່ານມານີ້, ເຮັດໃຫ້ສັງຄົມມີຄວາມສົນໃຈ ແລະ ຢາກຮູ້ເຖີງສາ ເຫດທີ່ເກີດຂຶ້ນ.

ກ່ຽວກັບບັນຫານີ້, ທ່ານ ຄໍາ ໂຮມມີໄຊ, ເຈົ້າເມືອງ ເມືອງວຽງໄຊ, ແຂວງຫົວພັນ ໃຫ້ສໍາພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 23 ພຶດສະພານີ້ວ່າ: ໃນວັນທີ 18 ພຶດສະພານີ້, ມີປະຊາຊົນຢູ່ ບ້ານດ່ານເພົ້າ ແຈ້ງວ່າມີປາຕາຍຈໍານວນຫລາຍຢູ່ກ້ອງເຂື່ອນນໍ້າສິງພາວເວີ ຫລື ເຂື່ອນແກ້ງລິດ.

ຈາກນັ້ນທາງການນຳເມືອງ ໄດ້ແຕ່ງຕັ້ງຫ້ອງວ່າການ ທຳມະຊາດ ແລະ ສິ່ງແວດລ້ອມ ແລະ ພະນັກງານບໍ່ແຮ່ ເພື່ອກວດກາຕົວຈິງ ເຫັນວ່າເປັນຄວາມຈິງແທ້ ແລະ ສາເຫດການຕາຍຂອງປານັ້ນ ແມ່ນທາງບໍລິສັດໄດ້ອະນາໄມອຸໂມງເຂື່ອນ ເຮັດໃຫ້ມີສານປົ່ນເປຶ້ອນແຕ່ບໍ່ໄດ້ເອົານໍ້າເຂົ້າຫລາຍ ຫລັງຈາກນັ້ນໄດ້ປ່ອຍນໍ້າລົງໄປຈຶ່ງເຮັດໃຫ້ນັບແຕ່ກ້ອງເຂື່ອນລົງໄປຫາເຂດ ບ້ານດ່ານເພົ້າ ມີປາຕາຍເກີດຂຶ້ນ, ຈາກນັ້ນ ທາງເມືອງໄດ້ແຈ້ງເຕືອນບໍ່ໃຫ້ປະຊາຊົນ ນໍາເອົາປາທີ່ຕາຍໄປບໍລິໂພກ ຫລື ນໍາໄປຂາຍ, ແຕ່ບັນຫາປາຕາຍແມ່ນເກີດຂຶ້ນສະເພາະໃນວັນທີ 18 ພຶດສະພາເທົ່ານັ້ນ ເພາະໄດ້ຮັບການແກ້ໄຂເຂົ້າສູ່ສະພາບປົກກະຕິ.

ຢ່າງໃດກໍຕາມ ມາຮອດວັນທີ 22 ພຶດສະພານີ້ ໄດ້ມີຂ່າວວ່າເກີດມີປາຕາຍຈຸດກໍ່ສ້າງເຂື່ອນນໍ້າຊໍາ 3 ເຮັດໃຫ້ມີປາຕາຍຈໍານວນຫລາຍໄຫລລົງໄປຕາມສາຍນໍ້າຊໍາພາຍໃນເມືອງຊໍາໃຕ້, ແຕ່ມີຫົວງານຢູ່ເມືອງວຽງໄຊ ແລະ ປາທີ່ຕາຍກໍມີຈໍານວນຫລາຍກວ່າປາທີ່ຕາຍຢູ່ພາຍໃນເມືອງວຽງໄຊ, ຈາກນັ້ນພາກສ່ວນກ່ຽວຂ້ອງ ກໍຄື ອົງການປົກຄອງເມືອງຊໍາໃຕ້ ໄດ້ອອກແຈ້ງການຫ້າມປະຊາຊົນບໍລິໂພກປາທີ່ຕາຍ ແລະ ໄດ້ນໍາເອົາປາດັ່ງກ່າວໄປວິໄຈ ເຊີ່ງປັດຈຸບັນຍັງບໍ່ທັນຮູ້ສາເຫດເທື່ອ.

ທ່ານ ຄໍາ ໂຮມມີໄຊ ໃຫ້ຮູ້ຕື່ມວ່າ: ສະເພາະກໍລະນີປາຕາຍຢູ່ເມືອງວຽງໄຊ, ແມ່ນເກີດຢູ່ເຂດວັງຫວງຫ້າມຂອງບ້ານທີ່ຢູ່ເຂດກ້ອງເຂື່ອນ ເຊີ່ງອົງການປົກຄອງເມືອງໄດ້ແນະນໍາໃຫ້ບໍລິສັດທີ່ກ່ຽວຂ້ອງກວດກາຄືນ ແລະ ແກ້ໄຂໃຫ້ລະອຽດເພື່ອບໍ່ໃຫ້ເຫດການແບບນີ້ເກີດຂຶ້ນອີກ. ນອກຈາກນີ້ ທາງບໍລິສັດໄດ້ນໍາເອົາງເງິນຈໍານວນໄປຊົດເຊີຍຜົນເສຍຫາຍຂອງປະຊາຊົນ ກໍຄື ຊົດເຊີຍຄ່າປາທີ່ຕາຍໄປແລ້ວຈໍານວນໜຶ່ງ ແລະ ໃນຕໍ່ໜ້າທາງບໍລິສັດຈະຊ່ວຍເຫລືອພັນປາໃຫ້ປະ ຊາຊົນນໍາໄປປ່ອຍທົດແທນປາທີ່ຕາຍໄປ.
​ຢ່າງໃກກໍຕາມ, ທ່ານເຈົ້າເມືອງວຽງໄຊ ໄດ້ຮຽກຮ້ອງມາຍັງບໍລິສັດທີ່ກ່ຽວຂ້ອງຈົ່ງເອົາໃຈໃສ່ໃຫ້ຫລາຍຂຶ້ນໃນການດໍາເນີນໂຄງການຕ້ອງຄໍານຶງເຖີງສະພາບສິ່ງແວດລ້ອມເປັນສໍາຄັນ ເພາະມັນກະທົບໂດຍກົງຕໍ່ປະຊາຊົນທີ່ຢູ່ໃກ້ຄຽງ, ພ້ອມນີ້ ຮຽກຮ້ອງໃຫ້ປະຊາຊົນຢ່ານໍາເອົາປາທີ່ຕາຍໄປບໍລິໂພກ ຫລື ນໍາໄປຂາຍຢ່າງເດັດຂາດ.

ທີ່ມາ: Lao National Radio

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...