spot_img
Homeຂ່າວຕ່າງປະເທດຣັດເຊຍກ່າວຫາຢູເຄຣນວ່າໃຊ້ໂດຣນໂຈມຕີເຂດທຳນຽບລັດຖະບານຣັດເຊຍ

ຣັດເຊຍກ່າວຫາຢູເຄຣນວ່າໃຊ້ໂດຣນໂຈມຕີເຂດທຳນຽບລັດຖະບານຣັດເຊຍ

Published on

ຣັດເຊຍກ່າວຫາວ່າຢູເຄຣນ ຢູ່ເບື້ອງຫຼັງຂອງການໃຊ້ໂດຣນໂຈມຕີທຳນຽບປະທານາທິບໍດີຣັດເຊຍ.

ໃນວັນທີ 3 ພຶດສະພາ 2023 ABC Australia News ໄດ້ລາຍງານວ່າ ມີການໃຊ້ໂດຣນ 2 ລຳ ໃນການໂຈມຕີທຳນຽບລັດຖະບານຣັດເຊຍ ໂດຍມີຈຸດປະສົງເພື່ອທຳຮ້າຍ ວະລາດິເມຍ ປູຕິນ ປະທານາທິບໍດີຣັດເຊຍ ແລະ ກ່າວຫາວ່າຢູເຄຣນເປັນຜູ້ຢູ່ເບື້ອງຫຼັງຄວາມພະຍາຍາມໃນເທື່ອນີ້.

ທັ້ງນີ້ ຣັດເຊຍບອກວ່າ ລະບົບປ້ອງກັນສາມາດກະກັດກັ້ນການໂຈມຕີໄວ້ໄດ້ ເພື່ອບໍ່ໃຫ້ເກີດຄວາມເສຍຫາຍຮ້າຍແຮງ ແລະ ໃນຂະນະທີ່ເກີດເຫດປູຕິນ ບໍ່ໄດ້ຢູ່ໃນອາຄານ ແລະ ບໍ່ມີຄົນໄດ້ຮັບບາດເຈັບແຕ່ຢ່າງໃດ.

ທາງດ້ານ ໂວໂລດິເມຍ ເຊເລນສະກີ ປະທານາທິບໍດີຢູເຄຣນ ອອກມາປະຕິເສດວ່າ ຢູເຄຣນບໍ່ໄດ້ກ່ຽວຂ້ອງກັບການໂຈມຕີທີ່ເກີດຂຶ້ນ  ແລະ ລາວໄດ້ກ່າວວ່າ ບໍ່ໄດ້ໂຈມຕີປູຕິນ ຫຼື ມົດສະກູ ພວກເຂົາໄດ້ຕໍ່ສູ້ໃນດິນແດນຂອງພວກເຂົາ ປ້ອງປ້ອງເມືອງ ແລະ ປະເທດຂອງພວກເຂົາ.

ຂະນະນີ້ ມິຄາອິໂລ ໂປໂດຢັກ ທີ່ປຶກສາປະທານາທິບໍດີຢູເຄຣນ ກ່າວວ່າ ອາດເປັນການກະທຳຂອງກຸ່ມກໍ່ການຮ້າຍໃນຣັດເຊຍ ພ້ອມກ່າວວ່າ ຢູເຄຣນເຮັດສົງຄາມປ້ອງກັນປະເທດເທົ່ານັ້ນ ແລະ ບໍ່ໂຈມຕີເປົ້າໝາຍໃນດິນແດນຂອງຣັດເຊຍ.

ມິຄາອິໂລ ຍັງກ່າວຕື່ມອີກວ່າ ການປາກົດຂອງເຮືອບິນໄຮ້ຄົນຂັບ ທີ່ໂຮງງານຜະລິດເຊື້ອໄຟ ຫຼື ອະນາເຂດຂອງທຳນຽບລັດຖະບານຣັດເຊຍ ສາມາດບົ່ງບອກໄດ້ເຖິງການຮົບແບບໂຈນຂອງກຳລັງຕໍ່ຕ້ານໃນທ້ອງຖິ່ນຣັດເຊຍເທົ່ານັ້ນ ແລະ ໂດຣນກໍສາມາດຊື້ໄດ້ຕາມຮ້ານຄ້າທົ່ວໄປ.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...