spot_img
Homeຂ່າວເສົ້າເຫດປືນລັ່ນໃສ່ເດັກຊາຍເສຍຊີວິດ ເຂດບ້ານດອນໄຊ ເມືອງຫຼວງນ້ຳທາ ແຂວງຫຼວງນ້ຳທາ

ເຫດປືນລັ່ນໃສ່ເດັກຊາຍເສຍຊີວິດ ເຂດບ້ານດອນໄຊ ເມືອງຫຼວງນ້ຳທາ ແຂວງຫຼວງນ້ຳທາ

Published on

ພັທ ໜໍ່ແກ້ວ ແສງອິນໄຊ ຫົວໜ້າພະແນກຕຳຫຼວດສືບສວນ-ສອບສວນ ປກສ ແຂວງຫຼວງນ້ຳທາ ໃຫ້ຮູ້ວ່າ: ໃນເວລາປະມານປະມານ 16 ໂມງ ຂອງວັນທີ 18 ເມສາ 2023 ໄດ້ຮັບແຈ້ງຄວາມຈາກປະຊາຊົນ ບ້ານດອນໄຊ ເມືອງຫຼວງນ້ຳທາ ແຂວງຫຼວງນ້ຳທາ ວ່າ: ມີເດັກນ້ອຍເຮັດປືນລັ່ນໃສ່ໂຕເອງເສຍຊີວິດ.

ຈາກນັ້ນ, ຈຶງໄດ້ແຕ່ງຕັ້ງພະນັກງານວິຊາສະເພາະສົມທົບກັບ ປກສ ເມືອງຫຼວງນ້ຳທາ, ປກສ ກຸ່ມບ້ານຫຼັກຄຳ ແລະອຳນາດການປົກຄອງບ້ານດອນໄຊ ລົງກວດກາສະຖານທີເກີດເຫດພົບເຫັນຜູ້ເສຍຊີວິດ 1 ຄົນ, ອາຍຸ 12 ປີ, ນັກຮຽນ ບ້ານດອນໄຊ ເມືອງຫຼວງນ້ຳທາ ແຂວງຫຼວງນ້ຳທາ, ມີຮ່ອງຮອຍລູກປືນປະດິດ ຍິງເຂົ້າບໍລິເວນດ້ານຫຼັງກົກຂາເບື້ອງຊາຍສອດອອກທາງໜ້າ.

ທ້າວ ສົມຫວັງ ອາຍຸ 43 ປີ (ພໍ່ຂອງຜູ້ເສຍຊີວິດ) ໄດ້ໃຫ້ການຕໍ່ເຈົ້າ ໜ້າທີ່ ວ່າ: ໃນວັນທີ 17 ເມສາ 2023 ຕົນເອງໄດ້ສັກຊວນລູກຊາຍ 2 ຄົນ (ນ້ອງ-ອ້າຍ )ເຂົ້າປ່າລ່າສັດ ຢູ່ເຂດຫົວນ້ຳມັດນ້ອຍ, ອາວຸດທີ່ຖືໄປ ມີປືນແກັບ 1 ກະບອກ ແລະປືນແມັກ (ປືນປະດິດ) 1 ກະ ບອກ ຕົກມາຮອດເວລາປະມານ 15 ໂມງ ຂອງວັນທີ 18 ເມສາ 2023 ຕົນເອງຈຶ່ງພາລູກກັບເຮືອນ ພໍຮອດແຄມຫ້ວຍ (ຈຸດເກີດເຫດ) ຕົນເອງໄດ້ບອກລູກຊາຍທັງສອງໃຫ້ນັງລໍຖ້າ ພໍ່ຊິໄປເອົາເຄື່ອງຢູ່ບ່ອນຕັ້ງເຕັ້ນນອນ ເຊິ່ງຫ່າງຈາກຈຸດເກີດເຫດປະມານ 150 ແມັດ.

ຫຼັງຈາກ ພໍ່ໄປເອົາເຄື່ອງ ເດັກຊາຍທັງສອງໄດ້ຂຶ້ນຕົ້ນໄມ້ຫຼິ້ນຖ້າພໍ່ ຜູ້ເປັນອ້າຍໄດ້ເອົາປືນແມັກ ໄປເກາະໃສ່ງ່າໄມ້ ແລະ ກໍໄດ້ສັ່ນຕົ້ນໄມ້ຢອກນ້ອງຊາຍ ເຮັດໃຫ້ປືນທີ່ເກາະໄວ້ນັ້ນຕົກລົງຖືກໝາກຫີນ ແລ້ວລັ່ນໃສ່ບໍລິເວນຫຼັງຂາຊ້າຍ ສອດອອກທາງໜ້າ. ທ້າວ ທັນ ຜູ້ເປັນນ້ອງຊາຍໄດ້ເຫັນແນວນັ້ນຈຶງຮ້ອງເອີ້ນພໍ່ມາເອົາ. ຍ້ອນລູກກະສູນຍິງເຂົ້າບໍລິເວນຈຸດສຳຄັນ ແລະເຮັດໃຫ້ເສຍເລືອດຫຼາຍ ຈຶ່ງເຮັດໃຫ້ເສຍຊີວິດໃນເວລາຕໍ່ມາ.
ຂ່າວ: ປກສ ແຂວງຫຼວງນໍ້າທາ

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...