spot_img
Homeຂ່າວພາຍ​ໃນຊຸກຍູ້ການພັດທະນາກະສິກຳແບບຍືນຍົງຂອງ ສປປ ລາວ

ຊຸກຍູ້ການພັດທະນາກະສິກຳແບບຍືນຍົງຂອງ ສປປ ລາວ

Published on

ກະຊວງກະສິກຳ ແລະ ປ່າໄມ້ ຮ່ວມກັບ ອົງການ ອາຫານ ແລະ ການກະເສດ ແຫ່ງສະຫະປະຊາຊາດ (FAO) ຈັດກອງປະຊຸມການລົງທຶນດ້ານກະສິກຳແບບຢືນຍົງແຫ່ງຊາດ ຄັ້ງທຳອິດ ໃນວັນທີ 21 ເມາສາ 2023 ໂດບການເປັນປະທານຂອງ ທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ແລະ ທ່ານ ນາຊາ ຮາຢັດ ຜູ້ຕາງໝ້າ ອົງການອາຫານ ແລະ ການກະເສດ ແຫ່ງສະຫະປະຊາຊາດປະຈຳ ສປປ ລາວ, ພ້ອມດ້ວຍ ສະພາການຄ້າເອີຣົບ, ສະພາການຄ້າອົດສະຕຣາລີ ແລະ ສະພາການຄ້າມາເລເຊຍ, ອົງການຈັດຕັ້ງສາກົນ, ພາກສ່ວນທຸລະກິດ ແລະ ພາກສ່ວນເອກະຊົນ ເຂົ້າຮ່ວມ ເພື່ອປຶກສາຫາລືການຊຸກຍູ້ການພັດທະນາກະສິກຳ ແບບຍືນຍົງຂອງ ສປປ ລາວ ເພື່ອ ຈະຊ່ວຍໃຫ້ ສປປ ລາວ ຫັນປ່ຽນຈາກປະເທດດ້ອຍພັດທະນາ ໄປສູ່ປະເທດທີ່ມີລາຍຮັບປານກາງ ໂດຍໃຫ້ສອດຄ່ອງກັບຍຸດທະສາດການປ່ຽນແປງ ຂອງລັດຖະບານ.

ທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ໄດ້ກ່າວວ່າ: ກະສິກຳເປັນຂະແໜງການໜຶ່ງທີ່ສຳຄັນຂອງເສດຖະກິດໃນ ສປປ ລາວ ແລະ ໄດ້ສ້າງວຽກເຮັດງານທຳໃຫ້ປະຊາ ຊົນໃນເຂດຊົນນະບົດເປັນຈໍານວນຫລວງຫລາຍ, ພ້ອມທັງເປັນສ່ວນປະກອບທີ່ສໍາຄັນ ເຂົ້າໃນລາຍຮັບພາຍໃນ(GDP) ຂອງປະເທດ, ກະສິກຳ ບໍ່ພຽງແຕ່ໜູນຊ່ວຍເສດຖະກິດຂອງປະເທດເທົ່ານັ້ນ ຫາກຍັງຮັບປະກັນການມີສະບຽງອາຫານທີ່ມີທາດບໍາລຸງ ແລະ ສານອາຫານທີ່ດີ ຫລື ເວົ້່້າອີກຢ່າງໜຶ່ງວ່າ ກະສິ ກຳເປັນກະດູກສັນຫລັງຂອງເສດຖະກິດໃນເຂດຊົນນະບົດຂອງ ສປປ ລາວ, ການພັດທະນາກະສິກຳແບບຍືນຍົງ ແມ່ນໜຶ່ງໃນບັນດາຂົງເຂດຈຸດສຸມໃນການເຕີບໂຕຂອງ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 9. ກະຊວງກະສິກຳ ແລະ ປ່າໄມ້ ໄດ້ມີການຊຸກຍູ້ໃຫ້ພາກເອກະຊົນລົງທຶນໃນລະບົບຕ່ອງໂສ້ມູນຄ່າໃນຂະແໜງກະສິກຳ ໂດຍມີນະໂຍບາຍການເສຍອາກອນ, ມາດຕະການອຳນວຍຄວາມສະດວກທາງດ້ານການຄ້າ, ການເຂົ້າເຖິງສິນເຊື່ອໃຫ້ແກ່ວິສາຫະກິດຂະໜາດນ້ອຍ ແລະ ຂະຫນາດກາງ ແລະ ນະໂຍບາຍການໄຫລເຂົ້າ ແລະ ອອກຂອງເງິນທຶນ ລະຫວ່າງ ແລະ ໃນປະເທດ ເຊິ່ງໄດ້ຖືກປະກາດແລ້ວໃນກອງປະຊຸມທຸລະກິດລາວ ຄັ້ງທີ 14 ທີ່ຜ່ານມາ.

ທ່ານ ທອງພັດ ວົງມະນີ ຍັງໃຫ້ຮູ້ອີກວ່າ: ລັດຖະບານ ໄດ້ໃຫ້ຄວາມສໍາຄັນໃນການອອກໃບອະນຸຍາດໃນຂະແໜງການປຸງແຕ່ງສະບຽງອາຫານ ແລະ ສິນຄ້າກະສິກໍາ, ໃນກົດລະບຽບໃໝ່ນັ້ນຍັງໄດ້ລະບຸໄວ້ວ່າ ກິດຈະກໍາທີ່ມີຄວາມສ່ຽງຕໍ່າ ຈະບໍ່ຮຽກຮ້ອງໃຫ້ມີໃບອະນຸຍາດໃດໆ, ຂະບວນການປະຕິຮູບການລົງທຶນໃນຂະແໜງກະສິກຳນີ້ ຈະເປີດຊ່ອງທາງໃໝ່ໃຫ້ແກ່ບັນດາບໍລິສັດວິສາຫະກິດ ໃນ ສປປ ລາວ.

ທີ່ມາ ຂປລ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...